![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F3c%2F70%2F3c70e9ebe5d1a63c41632d42396207872811b1d6%2F3c70e9ebe5d1a63c41632d42396207872811b1d6.jpeg/full/!250,/0/default)
Nte Ami Menehede Mbɔ Mfen-nnɔ?
Enwɔŋɔ eke ɔyɔhɔ ye mfↄn-mma edifen nnɔ ke enam enɔ kpukpru owo—odude ye otode anana-adaŋa Erisio-isop eke Jesus Christ.
Ke ediwak isua emi ekebede, Sister Nattress ye ami ima ikpↄŋ-ika ke Idaho, ebiet emi nnyin ikiberede obufa mbubehe. Mme anyan usen ye okoneyo ema edu ke ubet utom. Ke ekom, nnyin ikoduŋ ke mme ufↄk ifaŋ mbemiso itie utom. Udua kiet-kiet, Shawna ye nditↄ iban nnyin ita—kpukpru ekpride akan isua itiokiet—eyedi ke ubet utom ndibuana udia uwemeyo ye nnyin.
Ke usen kiet kini ikurede udia uwemeyo, ami mma-mfiↄk ke eyen anwan nnyin ekedide isua ition, Michelle, ama enim etop ↄnↄ mi, ewetde ke se Odↄŋde ye adiande ke nkpↄ utiŋ ikↄ ubet utom mi.
Oro okot ntem, “Ete, ti afo ndima mi. Edima, Michelle.” Emi ekedi ata ŋkpↄ-editi ↄnↄ ekpri ete kabaŋa mme ŋkpↄ oro enehede edi akpan.
Ndito-eka iren ye iban, ami metie ntiense nte ke Ete nnyin ke Heaven eti nnyin kpukpru ini nko ke enye enehede ama nnyin. Mbiime mi edi emi: Nte nnyin imefiɔk Enye? Ndien nte nnyin imima Enye?
Mme isua emi ekebede, ami nkanam utom nte ada ibuot ke Ufɔk Abasi ke ebiet nnyin. Kiet kotu iwaad nnyin, Danny, ama ↄwɔrɔ-nda ke kpukpru usuŋ. Enye ekedi osuk-ibuot owo, ɔfɔn uwem, ɔfɔn, onyuŋ enyene eti esit. Nte ededi, kini enye ekekurede akamba ufɔkŋwed, enye ama ↄtↄŋↄ ndisaŋa ye mbon ntime. Enye ama enyene mfina eke ibɔk, akpan-akpan methamphetamine, onyuŋ okoduk usuŋ ndiↄi-udↄŋ ye mbiara. Ke mibighike, uduot esie ama okpuhɔre ofuri-ofuri. Owo ikikemeke ndifdiↄŋↄ enye aba. Ata akpan ukpuhɔre ekedi ke enyin esie—unwana eke enyin esie ama ekim. Ke ediwak ini ami nkade mbine enye, edi ufɔn iduhe. Enye ikinyeneke udↄŋ ndikop aba.
Ekedi ɔkpɔsɔŋ ndikut ediye akparawa emi ndibɔ ufen onyuŋ odu uwem emi mikidihe eke esie! Enye ama enyene ukeme ndinam ediwak nti nkpↄ.
Ndien ke usen kiet, utibe-ŋkpɔ esie ama ↄtↄŋɔ.
Enye ama oduk esop udia-ɔbɔŋ emi ekpri eyeneka esie eren ɔkɔnɔde ikɔ ntiense ekperede ini emi enye okoyomde ndidaha nka ukwɔrɔ ikɔ. Kini esop oro, Danny ama okop ŋkpɔ emi enye mikopke ke anyan ini. Enye ama okop ima otode Abasi. Enye ke akpatre ama enyene idorenyin.
Okposuk-edi nte enye ekenyenede udoŋ, ekedi ɔkpɔsɔŋ ŋkpɔ ɔnɔ Danny. Ndiↄi-udɔŋ ye ekikere ndudue esie ama okpon akan se enye ekekemede ndiyɔ.
Ke uwemeyo kiet, kini ami nkewɔrɔde ke nditem mbiet ke nkan-nkuk nnyin, Danny akawat ke ubom-isↄŋ esie edibehe ke minↄhↄ-ntↄt. Enye okoyom nte ↄkpɔfɔnde. Ami mma-ntre ŋkpɔ utem mbiet, ndien nnyin itie ɔtɔkiet ke idak-mfut ke mbot esa. KIni oro ke enye eketiŋ ekikere esit esie. Enye ama enehede oyom ndinyɔŋ ndi. Nte ededi, ndikpↄŋ ndiↄi-udɔŋ esie ye mme edu uwem esie ama enehede ɔsɔŋ. Ke ndidian ke emi, enye ana enehede okop ndudue, enehede okop but ke ndiduɔ ntre. Enye edibup ete, “Ndi ami mekeme ndinehede nnyene mfen-nnɔ? Nte usuŋ enehede odu ndifiak nkanam ↄfↄn?”
Ke enye ama ekeneme kpukpru se ikodu enye ke esit kabaŋa mme ŋkpo emi, nnyin ikɔt Alma ibuot 36 ɔtɔkiet:
“Ndien, ami nti kpukpru mme idiɔk ŋkpɔ ye ndudue mi. …
“Ndien, … ekikere edi-di ke iso Abasi ama anuak ukpɔŋ mi ye ata ↄkpↄsↄŋ ndik” (verses 13–14).
Ke ikurede mme ufaŋ ŋwed oro, Danny ɔdɔhɔ, “emi enehede edi nte ami nkerede!”
Nnyin ika iso:
“Kini ami nkodude ke edi-ti ediwak idiɔk ŋkpɔ mi, sese, ami mma nti nko nte ete mi eketiŋde prophecy ɔnɔ mme owo kabaŋa edidi Jesus Christ kiet, Eyen Abasi, erisio-isop nnɔ mme idiɔk ŋkpɔ eke ererimbot. …
“Ndien oh, ewe idara, nko ewe unwana ke ami nkut” (verses 17, 20).
Nte nnyin ikikotde mme udim ikɔ emi, mmɔŋeyet ↄtuŋɔ ndiwɔrɔ mi. Idara Alma ekedi idara emi enye okoyomde!
Nnyin ima ineme ke Alma ama enehede ɔdiɔk ke ofuri ndaha. Nte ededi, ini emi ekekabarede esit, enye ikifiake edem aba. Enye ama akabare edi eti mbet Jesus Christ. Enye ama akabare edi prophet! Enyin Danny ama okubↄre. Enye ete, “Prophet kiet?”
Ami mbↄrↄ suŋ suŋ, “Ihn, prophet kiet. Owo inyikke-nyik fi!”
Nnyin ineme ke mme idiɔk ŋkpɔ esie ikpɔnke ikesim eke Alma, ukem enwɔŋɔ eke ɔyɔhɔ ye mfↄn-mma edifen nnɔ ke enam enɔ kpukpru owo—odude ye otode anana-adaŋa Erisio-isop eke Jesus Christ.
Danny ama edifiↄk ndien. Enye ama ɔfiɔk se anade nte enye anam: akana nte enye ɔtɔŋɔ isaŋ esie ke ndinim Abasi ke akpanikɔ ye ndifen nnɔ idem esie.
Akamba ukpuhɔre esit eke Danny ekedi ata utibe-ŋkpɔ. Ke ini ebede, uduot esie okpuhɔre, ndien unyama edifiak odu ke enyin esie. Enye ama odot ndika temple! Enye ama afiak edi!
Ke ediwak ɔfiɔŋ ama ekebe, ami mma mbup Danny mme enye eyema ndinɔ ŋwed ke ndika mission. Ibɔrɔ esie ekedi se ikedihede ndikop ye mkpa-idem.
Enye ɔdɔhɔ ete, “ami nyema ndika mission, edi afo ɔmɔfiɔk ebiet emi ami nkedude ye mme ŋkpɔ eke ami nkanamde! Ami nkekere ke ndotke.”
Ami mbↄrↄ, “Ekeme ndidi afo emenen. Nte ededi, iduhe ŋkpɔ emi ekemede ndikpan nnyin ndibup. Edieke afo ɔnɔde ebeŋe, afo ɔmɔfiɔk nte afo enyenede eti udɔŋ ke ndinam ŋkpɔ nnɔ Abasi.” Enyin esie okubɔre. Enye edikop inemesit ke ifiↄk emi. Kabaŋa enye emi ekedi nkpↄ-mkpaidem, edi ekedi ufaŋ emi enye okoyomde ndinam.
Esisit udua ifaŋ kiso, ye ke mkpaidem esie, utibe-ŋkpɔ efen editibe. Danny ɔbɔ ikoot ndika utom ukwɔrɔ-ikɔ Abasi.
Esisit ɔfiɔŋ ebede Danny ama esim anwa mission, ami mbɔ ikoot ke phone. President esie ɔdɔhɔ ete, “Nso itibe ye akparawa emi? Enye edi mfɔn-ma missionary eke ami mikwe kaŋa!” Afo amekut, president emi ama ɔbɔ Ekpri Alma eke eyo emi.
Ke isua iba ebede, Danny ɔnyɔŋ ufɔk ke ukpono, ke amakanam utom ɔnɔ Abasi ke ofuri esit, ukeme, ekikere, ye odudu esie.
Etienede ibɔrɔ mission esie ke mbono udia-ɔbɔŋ, ami menyɔŋ ufɔk, edi nkop nte ekɔŋde ke usuŋ ufɔk kpↄt. Do ke Danny ada ye mmɔŋeyet ↄwↄrↄde ke enyin esie. Enye ɔdɔhɔ ete, “Nte nnyin imekeme ndineme nneme ke minit kiet?” Nnyin iwɔrɔ anwa ika ukem ebiet oro.
Enye ɔdɔhɔ ete, “President, ndi afo emekere ke enehede efen enɔ mi?”
Idahaemi mmɔŋeyet mi editiene eke esie. Ke iso mi edi enyene udɔŋ mbet Jesus Christ emi ↄkↄnɔde kpukpru se enyenede ke ndikpep nyuŋ ntie ntiense mbaŋa Andinyaŋa. Enye ekedi kiet kotu edikɔk ye odudu ɔsɔŋɔ ɔnɔ Erisio-isop eke Andinyaŋa.
Ami ndɔhɔ nte, “Danny! Afo ama ese ke ukut iso? Afo omokut enyin fo? Mmɔ eyɔhɔ ye unwana, nko afo ɔyɔhɔ ye Spirit Abasi. Kakpan ema efen enɔ fi! Afo edi eti owo! Idahaemi so afo enyenede ndinam edi ndika iso ye uwem fo. Kuse edem! Se iso ye mbuɔtidem kabaŋa edinam ikɔ Abasi efen.”
Utibe ŋkpɔ Danny ke akaka-iso mfin emi Enye ama odo ndɔ ke temple onyuŋ afiak aka ufɔkŋwed, emi enye ɔkɔbɔde masters degree. Enye akaiso ndinam ŋkpɔ nnɔ Abasi ke ukpono ye uteŋe ke ikoot esie. Ata akpan-akpan, enye akabare edi ata eti ebe ye enyene mbuɔtidem ete. Enye edi eti mbet Jesus Christ kiet.
President Russell M. Nelson ama ekpep ete, “Kesioho anan-adaŋa Erisio-isop eke [Andinyaŋa] efep, kpukpru ubon owo ekpedu ke nsobo.”1 Danny ikisopke, nko nnyin isopke ke Abasi. Enye ada ke enyin-usuŋ ndidibede nnyin, ndinɔ nnyin ɔsɔŋɔ, ye ndifen nnɔ nnyin. Enye eti kpukpru ini ke ndima nnyin!
Ema ewetaAta eti uwutnkpↄ nko eke ima Andinyaŋa enyenede ɔnɔ nditɔ Abasi ke Ŋwed Mormon: “Kini Jesus amake-tiŋ ikɔ, enye asuan enyin esie afiak akanare ke otu owo, enye okut ke mmɔ ekodu ke mmɔŋeyet, ndien etiŋ enyin enehede ese enye nte mmɔ ekebupde enye ete afiak odu ye mmɔ esesit” (3 Nephi 17:5).
Andinyaŋa ama ebemiso abiat ofuri usen kiet ke nditiŋ ikɔ nnɔ mme owo. Enye okosuk enyenyene ediwak ndinam— Akana nte Enye ekese mme erɔŋ esie efen; akana nte Enye aka ebine Ete Esie.
Ke misehe mme ubiɔŋ utom emi, Enye enyene ntuk ke mme owo eyom yak Enye afiak odu ye mmɔ ke esisit ini. Ndien, ye esit Andinyaŋa ɔyɔhɔde ye mbom, kiet ke mkpon-nkan utibe ŋkpɔ ke mbuk ererimbot ama etibe:
Enye ama ebet.
Enye ama ɔdiɔŋ mmɔ.
Enye ekpep mkpri nditɔ mmɔ kiet kiet.
Enye ɔbɔŋ-akam ɔnɔ mmɔ; Enye akatua ye mmɔ.
Enye ama ɔkɔk mmɔ. (Se 3 Nephi 17.)
Enwɔŋɔ Esie edi ke nsinsi: Enye eyekɔk nnyin.
Eke mmɔ oro ekekpɔŋde usuŋ ediomi, mbↄk efiɔk ete ke idorenyin odu kpukpru ini, edikɔk odu kpukpru ini, nko ke usuŋ ndifiak nyɔŋ odu kpukpru ini.
Nsinsi etop Esie edi aran edikɔk ɔnɔ kpukpru owo emi edude ke idiↄk ererimbot emi. Jesus ɔdɔhɔ ete, “Ami ndi usuŋ, ye akpanikɔ, ye uwem” (John 14:6).
Nditɔ-eka iren ye iban, yak nnyin iti ke ndiyom Enye, ndima Enye, ye ke nditi Enye kpukpru ini.
Ami nnɔ ikɔ ntiense nte ke Abasi odu uwem ndien ke Enye ama nnyin. Ami mfiak ntiŋ ikɔ ntiense ke Jesus Christ edi Andinyaŋa ye Andifak ererimbot. Enye edi akwa andikok. Ami mmɔfiɔk nte ke Andifak mi odu-uwem! Ke enying Jesus Chrst, amen.