Jesus Christ Edi Unwam
Nyin imikeme ndidiana ye Andiyanga ke ndinɔ mbom emi edude ke unana unwam eke ikpɔkidem ye eke spirit—ke edinam ntre nyin imikeme ndikut unwam eke idem nyin
Ye mbuↄtidem ke Jesus Christ nkↄrↄ ye idoroenyin ke se mmↄ eke ekpopde ebanga mme utibe ŋkpↄ Esie, mme ↄnↄ-ukpeme eke owo ↄdↄŋↄ akpa-ubeŋ ema eda enye esↄk Jesus. Mmↄ ema eyene ifiↄk ke nte mmↄ edade enye esim do—efuhↄre ↄkↄm ufↄk enyuŋ esuhore owo oro, ke mbri emi enye anade ke esit, enim ke ebiet emi Jesus eke ekpepde ŋkpↄ. Ndien ke ini Jesus “okutde mbuↄtidem mmↄ, Enye ↄdↄhↄ [ↄdↄŋↄ-akpa-ubeŋ] ete, emefen mme idiↄk-ŋkpↄ fo.”1 “Ndien, “Daha ke enyↄŋ, men mbri fo, nyɔŋ ufɔk.”2 Ekem owo ↄdↄŋↄ akpa-ubeŋ oro adaha ke enyoŋ emen mbri esie asaŋa ↄnyↄŋ ufↄk, “onyuŋ otoro Abasi.”3
Nso efen ke nyin ifiok ibaŋa mme ufan emi eke enwamde owo ↄdↄŋↄ akpa-ubeŋ? Nyin imↄfiↄk ite ke Andiyaŋa ama okut mbuↄtidem mmↄ. Ke mmↄ ema eke ekut enyuŋ ekop ikↄ Andinyaŋa enyuŋ edi mme ntiense ebanga mme utibe ŋkpↄ Esie, “idem ama akpa” mmↄ ndien mmↄ enyuŋ “etoro Abasi”4
Jesus Christ ama ↄnↄ edikↄk emi mmↄ eke edotde enyin unwam osio ke ubiak ye unana-nkↄri emi asaŋade ye idiↄk udↄnŋↄ Ke akpan, Andiyaŋa ama ↄnↄ unwam eke spirit ke ndiyet owo oro nsio ke idiok ŋkpↄ.
Ndien mme ufan esie—ke nsin-idem mmↄ ndikpeme owo emi odude ke unana, mmↄ ema edi ikut ntↄŋↄ unwam, mmↄ ema edi ikut Jesus Christ.
Ami mme nnↄ ikↄ ntiense nte ke Jesus Christ edi unwam. Oto ke Uwa-usio-isop Jesus Christ, nnyin imekeme ndibɔ unwam ke mbiomo ye utip idiↄk ŋkpↄ inyuŋ ibɔ ndↄŋesit ke mme mmem-idem nyin .
Ndien sia nyin imade Abasi inyuŋ inam ediomi ndinam ŋkpↄ nnↄ Enye, nyin imikeme ndidiana ye Andiyaŋa ndinↄ mbon emi edude ke unana unwam eke ikpokidem ye eke spirit—ndien ke ndinam emi nyin idikut unwam eke idem nyin ke Jesus Christ.5
Edima Prophet nyin, President Russell M, Nelson, ama okot nyin ete ikan ererimbot inyuŋ inyene nduɔk odudu6 Enye ama anam anwaŋa ete “ke ata nduɔk odudu” oworo “unwam ye emem.” President Nelson ama eting ete “Ke ntak emi Andinyaŋa, ke otode anana utit Mkpa Usio-isop Esie, akafakde nnyin kiet kiet osio ke mmem-idem, ndudue, ye idiɔk ŋkpɔ, ye ke ntak emi Enye okokopde ofuri ubiak, mfina, ye mbiomo emi mbufo akananam ekenyenede, ndien kpa nte mbufo ekabarede esit ke akpanikɔ enyuŋ eyomde unwam Esie, mbufo emekeme ndidaha ŋkoŋ nkan idiɔk ererimbot emi.”7 Oro edi unwam emi Jesus Christ ɔnɔde nyin.
Kpukpru nyin kiet kiet ke usuŋ nke ikama ekpat esikɔŋɔde ke edem. Enye ekeme ndidi akpasa emi otimde odoro fi ke ibuot mme ekpatŋwed mme eboho ŋkpɔ emi ebopde ke ofoŋ enyɔŋ etopde edori fi ke afara. Edi ke ekikere nyin, yak nyin ikɔt enye ekpat ekɔŋɔde ke edem.
Ekpat ekɔŋɔde ke edem eke nke emi edi ebiet emi nyin ibiomde mme mbiomo emi iduŋde ke ererimbot emi ama ɔkɔduɔ. Mbiomo nyin etie nte nkwaitiat ke ekpat ekɔŋɔde ke edem. Ke ofuri ofuri, mmɔ edi utɔ ita:
-
Mme nkwaitiat emi etode edinam nyin ke ntak idiɔk ŋkpɔ.
-
Mme nkwaitiat ke ekpat nyin ikɔŋɔde ke edem otode idiɔk ubiere, idiɔkido, ye nsɔŋ-ido ye mbon efen.
-
Ye nkwaitiat emi nyin ibiomde ke ntak emi nyin idungde ke ererimbot emi ama okoduo. Mme nkwaitiat emi esine mme udɔŋɔ, ubiak, idiɔk udɔŋɔ, mfuhɔ, edikpku, ndobo, ye mme mfina asaŋade ye ŋkpɔ ntibe eke obot.
Ke idaraesit Ami ndɔhɔ nte ke mbiomo nyin ke uwem isɔŋ, mme nkwaitiat ke ekpat nyin ikɔŋɔde ke edem, inaha ikut mmɔ nte ŋkpɔ eke edobide.
Jesus Christ ekeme ndinam mbiomo nyin efere.
Jesus Christ ekeme ndimenere mbiomo nnyin.
Jesus Christ ɔnɔ usuŋ emi nyin ikemede ndibo unwam ke udobi idiɔkŋkpɔ.
Jesus Christ edi unwam nnyin.
Enye ɔdɔhɔ ete:
“Etiene mi, kpukpru mbufo emi ekpade mba enyuŋ ebiomde edidobi mbiomo, ndien Ami nyenɔ mbufo nduɔk odudu [oro edi, unwam ye emem.].
“Emen ɔkpɔnoɔ mi ekɔŋɔ ke itɔŋ mbufo, enyuŋ ekpeb eto mi; koro mmenyene ifure-ifure ido nnyuŋ nsuhore idem ke esit; ndien mbufo eyekut nduɔk-odudu enɔ ukpɔŋ mbufo.
“Koro ɔkpɔnɔ mi ememem, mbiomo mi onyuŋ efefere.”8
Koro ɔkpɔnɔ edide mmem-mmem ndien mbiomo onyuŋ edide mfefere oworo yak nyin iduk ɔkpɔnɔ ye Andinyaŋa, yak nyin ibuana mbiomo nyin ye Enye, yak nyin iyak Enye emenere mbiomo nyin. Oro oworo ndiduk ebuana ediomi ye Abasi nyung nnim ediomi oro emi, nte President Nelson anamde awaŋa “anam kpukpru ŋkpɔ abaŋade uwem edi mmem-mmem.” Enye odoho ete, “Ndidian idem mbufo ye Andinyaŋa ɔwɔrɔ ke mbufo emekut odudu Esie eke ukeme ye erifak.”9
Ndien nso idi ntak emi nyin ifamde efam ye nkwaitiat nyin? Ntak emi owo mbre eke baseball emi okopde mmem-idem mmiyimike ndisuhɔre ke obot ke ini Owo-unwam odude ke mbeŋidem ndida mbre nkesim utit. Nso ntak ikeme ndinam mi nsuk nyire ndimum itie utom mi nkama ikpɔŋ kini Owo-unwam adade ke mbeŋidem ndidiana ye ami mmum enye nkama?
President Nelson ama ekpep ete, “Jesus Christ… kadada ye ntaru-ubɔk, enyime onyuŋ aduak ndikɔk, mfen-nnɔ, nyet, nsɔŋɔ, nyuŋ nam nnyin isana.”10
Ndien nso idi ntak emi nyin iyirede ndibiom nkwaitiat nyin ikpɔŋ?
Uduak edi emi ndidi mbume idem ɔnɔ mbufo owo kiet kiet ndikere mbaŋa.
Ke okim, emi edi akani idiɔk ido ntaŋidem. Ami nting nte, “Ami mmeyene emi” Mfina iduhe, Ami nyenam enye. Edi akwa andibiaŋa oyom mi ndibe nkpɔŋ Abasi, nwɔŋode nkpɔŋ Enye, ndika ndinam enye ikpɔŋ,
Nditɔ eka iren ye iban, nkemeke ndika ndinam enye ikpɔŋ, ndien inaha Ami nyom ndinam ntre, ndien ndinamke ntre. Ke ndimek ndidiana ye Andiyaŋa mi, Jesus Christ, oto ke ediomi emi Ami nnamde ye Abasi, “Ami mmeyene ukeme ndinam kpukpru ŋkpɔ ke odudu Christ emi ɔsɔŋɔde mi idem.”11
Ediɔŋ mme enim ediomi ye unwam otode Andiyaŋa.
Kere banga uwutnkpo emi ke Nwed Mormon: Ema ekɔbɔ mbon Alma ye “mkpɔsɔŋ utom emi ekenɔde mmɔ nkɔrɔ ye… mme mboŋ- okposoŋ utom ke otu mmɔ.”12 Ke ema eke ekpan mmɔ ndisio uyo mbɔŋ akam, mmɔ “ema enwaŋa esit mmɔ enɔ Abasi, ndien enye ama ɔfiɔk ekikere esit mmɔ”13
“Ndien ekedikem uyo Jehovah edi etiene mmɔ ke itie ukut mmɔ ete: Emenede ibuot mbufo ke enyɔŋ enyuŋ ebɔ ndɔŋesit, koro Ami mmediɔŋɔ ediomiemi mbufo ekanamde enɔ Mi; ndien Ami nye diomo ye ikot Mi nyuŋ ntat mmɔ nsio ke ufin.
“Ndien Ami nko nyenam mbiomo emi edoride mbufo ke afara efere, ndien mbufo idiyuŋ ikpɔke udobi mmɔ ke edem mbufo”14
“Ndien ema enam mbiomo mmɔ “efere,” ndien “Jehovah ama ɔsɔŋɔ mmɔ idem anam mmɔ ekeme ndibiom mbiomo mmɔ ye emem, ndien mmɔ ekeyak idem mmɔ ke inemesit ye ime enɔ ofuri uduak Abasi.”15
Mme enim ediomi oro ema ebɔ unwam ke usuŋ nte ndɔŋesit, ediwak ime ye inemesit, mfefere mbiomo emi anamde mmɔ miyeneke udobi, ye ntat-nyak ke utit.16
Idahaemi yak nyin ifiak edem ibine ekpat ekɔŋɔde ke edem eke nke nyin.
Ndikabare esit, oto ke Uwa-usio-isop Jesus Christ, edi se inwamde nyin isio ke udobi nkwaitiat eke idiɔkŋkpɔ. Ndien oto ke ata ediye eno emi, mbom Abasi anwam nyin osio ke udobi ye ke usuŋ efen akwa ediyom eke edinen ikpe.17
Erisio-isop Jesus Christ ɔtɔŋɔ ntak anam enye edi mmem-mmem ɔnɔ nyin ndibɔ odudu ndifen-nnɔ, emi ayakde nyin ndibiomode ndodobi mbiomo emi nyin ibiomde oto ke idiɔk edu eke mbon efen.18
Didie ndien ke Andiyaŋa anwam nyin ke mbiomo ndiduŋ ke ererimbot emi ama okoduo ye ikpɔk idem emi ekemede ndikpa emi onyung ekemede ndibɔ ukut ye ubiak?
Ediwak ini, Enye esida nyin enam mme uto unwam oro! Nte mbon Ufɔk Abasi emi enamde ediomo nyin imainwɔŋɔ “nditua ye mmɔ emi etuaŋade; ye ndidɔŋ mmɔ emi efuhɔde esit.”19 Koro nyin “imoduk ke otu mbon Abasi” ndien enyuŋ “ekot nyin ikɔt esie, nyin imiyene udɔŋ ndibiom mbiomo kiet eken, man mmɔ ekpe efere”20
Edidiɔŋ ediomi nyin edi ndidiana ye Jesus Christ ke ndinɔ kpukpru nditɔ esie unwam, mbiba eke ikpɔkidem ye eke spirit, Nyin idi usung emi Enye adade ono unwam.21
Ke ntre, kpa nte mme ufan owo udɔŋɔ akpa ubeŋ nyin “inwam mbon mmemidem, imenede ubɔk emi ɔduɔde, inyuŋ isin odudu ke edɔŋ emi efumde.”22 Nyin “ibiom … mbiomo kiet eken, ke ntre nyin inim mbet Christ”23 Ke inamde emi, nyin idi ifiok Enye, itie nte Enye, inyung ikut unwam Esie.24
Nso idi unwam?
Enye edi ndisio mme ndinam efere ŋkpɔ emi ɔnɔde ubiak, ɔnɔde mfina, mme edide mbiomo, mme edinɔ odudu ndiyɔ enye. Enye abaŋa owo emi adade itie oeo efen. Enye edi ndinam ɔfɔn se ikikwaŋade.25 Iko Anglo-French oro oto Akani Usem French, ikɔ oro relever, mme “ndimenere ke enyɔŋ,” ndien oto usem Latin relevare, mme “fiak menere ke enyɔŋ”26
Ndito eka iren ye iban, Jesus Christ edi unwam. Ami nnɔ ikɔntiense nte ke Enye ama ɔtɔŋɔntak eset ke ɔyɔhɔ usen ita, ke Enye ama okokure ima-ima ye anana-adaŋa Uwa-usio-isop, Enye ada ye ntaru-ubɔk, onɔ nyin eti ifet ndifiak ndaha ke enyɔŋ, nyuŋ mbɔ eriyanga. inyuŋ ibɔ edimenere ndien ikabare itie Nte Enye. Unwam emi Enye ɔnɔde nyin edi eke nsinsi.
Nte iban oro angel ekedide ebine mmɔ ke akpa usenubɔk Easter, Ami mmoyom “ndika ke usɔp” ye ke “akwa idara” man nda etop ndi ke Enye ama eset.27 Ke enying Andinyanga nnyin, Jesus Christ, amen.