![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fa4%2Ff1%2Fa4f18518dc0effcbab686bcef17761a2b11bef05%2Fa4f18518dc0effcbab686bcef17761a2b11bef05.jpeg/full/!250,/0/default)
Edinim Ukpepŋkpɔ Christ ke Akpanikɔ
Kini nnyin ibɔpde ufɔk nnyin ke itiat-idak-isɔŋ eke ebuana ediomi ye Christ, nnyin do iminim ikpɔ ukpep nkpɔ Christ ke akpanikɔ.
Ke enyin ekikere mi, ami nkut prophet Nephi emi ɔsɔŋde nte etiede ke okpokoro esie, mme usan itiat atarade-ana kiso esie, akama eto-ŋwed esie ke ubɔk.
Nephi okodu ke usuŋ edikure akpatre edimiŋ-ŋkpɔ nsin ke ŋwed. Enye ewet ete, “Ndien idahaemi, ndima nditɔ-ete mi, ami nam akpatre ikɔ mi.”1 Edi ikibighike oro ekebe, Spirit edinyik Nephi ete afiak aka ŋwed esie onyuŋ ewet akpatre etop. Ke idak ɔkpɔsɔŋ odudu eke Edisana Spirit, akwa prophet oro ama afiak ada eto-ŋwed esie ke ubɔk onyuŋ ewet ete, “Mmɔdo, mme ŋkpɔ … emi ŋwetde ekem ye ami, ibɔhɔke ekpri ikɔ … eke ami nnyenede nditiŋ mbaŋa ukpep ŋkpɔ Christ.”2
Nnyin iminehede inɔ ekɔm ke mme “mkpri ikɔ oro”3 ye ke Spirit emi ekenyikde Nephi ete ewet mmɔ. Nte Nephi akadade ukpep ŋkpɔ Christ edi ŋkpɔ-uto ɔnɔ mbon eke ekotde enye. Oro esine nkukut eke baptism Andinyaŋa4 ye uyo emi Eyen okotde kpukpru owo ete etiene Enye5 inyuŋ “inam mme ŋkpɔ emi [nnyin] ikutde nte [Enye] anamde.”6 Oro esine ntiense ke mbon emi, enyenede mbuɔtidem ke Christ, enehede ekabare-esit ke idiɔkŋkpɔ mmɔ ndien etiene Andinyaŋa eduk mmɔŋ baptism eye “bɔ Edisana Spirit: ihn, ekem baptism eke ikaŋ ye eke Edisana Spirit eyedi.”7 Nnyin nko imikop uyo emi Ete etiede ntiense ete: “Edi ntre, ikɔ eke Edima Mi edi akpanikɔ onyuŋ ɔyɔhɔ ye mbuɔtidem. Enye emi edisɔŋɔde ida tutu osim utit, edi enye edibɔ erinyaŋa.”8
President Russell M. Nelson ekeyire-etiŋ ufɔn kiet abaŋa ukpep ŋkpɔ Christ ke etop esie ɔnɔde mbufa mme adausuŋ mission emi ekekotde ete: Awakde akan ŋkpɔ ekededi, nnyin iyom mme ɔkwɔrɔ-ikɔ … enyene ukpep ŋkpɔ Christ emi ewetde esin ke esit mmɔ—ɔwuhɔde … ke ndiakpɔ mmɔ.”9
Ekwɔrɔ Ikɔ Abasi Mi etiŋ ofuri mme akpan idem ŋkpɔ ition eke ikpɔ ukpepŋkpɔ Christ. Nwed oro etiŋ ete, “[Nnyin] ikoot mbon efen man edi etiene Christ ke edinwam mmɔ ebɔ mfiak-men-ndi ikɔ Abasi eto mbuɔtidem ke Jesus Christ ye Erisio-isop Esie, edikabare-esit, baptism, ebɔ enɔ Edisana Spirit, enyuŋ eyɔ ekesim utit.”10
Edi ufɔn ukpep ŋkpɔ Christ idige inɔ mme ɔkwɔrɔ-ikɔ kpɔt! Ndien oro enehede okpon akan ekpri edifiak-ntiŋ eke akpan idem-ŋkpɔ itioen esie. Enye ɔyɔhɔ ye ibet ikɔ Abasi. Enye edi akwa uduak eke nsinsi uwem.
Nditɔ-eka irenowo ye iban, edieke nnyin inyimede ikoot President Nelson man inyene ukpep ŋkpɔ Christ ndiwuhɔ ke ndiakpɔ nnyin, nnyin inyene ndisɔŋɔ nkabare-esit nnɔ Abasi ke edikokot, edibɔŋ-akam, edidu-uwem mbuɔtidem ye nka-iso nkabare-esit. Nnyin inyene ndikot Edisana Spirit man ewet ukpep ŋkpɔ Christ ke ŋkpɔ-uwet-ŋwed eke edide [esit] [nnyin]”11 emi otuŋɔde onyuŋ ebighide nte eke Nephi ekemiŋde esin ke usan-itiat gold.
Ke October andikibe, President Nelson obup ete, “Nso ke ɔwɔrɔ ete amakan ererimbot?” Kotu mme ŋkpɔ efen, enye ete, “Ɔwɔrɔ ndidori-enyin ke ukpep-ŋkpɔ Christ nkan mme ukpep-ŋkpɔ owo.”12
Ekabare ikɔ oro idorenyin nte “ɔsɔŋɔ iberedem ke edu, ukeme, nsɔŋɔnda, mme akpanikɔ ke owo kiet mme ŋkpɔ-kiet.”13 Owo oro edi Jesus Christ, ndien ke nkpɔ oro edi ukpep ŋkpɔ Esie.
Ntre didie ke edinehede ndori-enyin ke ukpep ŋkpɔ Christ okpuhɔ nte nnyin idude uwem nnyin?
Edieke nnyin inimde ukpep ŋkpɔ Christ ke akpanikɔ, nnyin iyenim Christ man ekem ke edinim ofuri ikɔ Esie.14 Nnyin iyenam uwem edikokot mbaŋa Jesus Christ,15 utom ukwɔrɔ-ikɔ Esie, ukpepŋkpɔ Esie, ye anan-adaŋa Erisio-isop Esie, esinede enyene-ubɔŋ Eriset Esie. Nnyin iyekot mme enwɔŋɔ Esie ye ntak emi enɔde mme enwɔŋɔ oro.16 Nte nnyin ikotde, nnyin iyeyɔhɔ ye akamba ima inɔ Abasi.
Edieke nnyin inimde ukpepŋkpɔ Christ ke akpanikɔ, nnyin iyeyom Ete Heaven nnyin ofuri usen ye suŋ-suŋ, ndedibe akam, ke ebiet emi nnyin idiwutde ekɔm ke enɔ Eyen Esie ye ke kpukpru mme edidiɔŋ eke nnyin.17 Nnyin imikeme edibɔŋ-akam iyom eriyarare nsaŋa eke Edisana Spirit18 ibeŋe man uduak nnyin asaŋa-kiet ye eke Esie,19 ibeŋe man owut ediomi nnyin onyuŋ afiak ɔnɔ nnyin nsinifik man inim mmɔ.20 Nnyin imikeme edibɔŋ-akam man inyene inyuŋ iwut ima inɔ mme prophet, okut-nkukut, ye andiyarare nnyin;21 ibeŋe iyom odudu eriyet eke erifen-nnɔ;22 inyuŋ ibeŋe iyom ukeme man ibe idomo.23 Ami nkot mbufo nte enam akam akpan-ŋkpɔ ke uwem mbufo, eyomde kpukpru usen man enam nneme mbufo ye Abasi ɔfɔn.
Edieke nnyin inimde ukpep ŋkpɔ Christ ke akpanikɔ, nnyin iyeyak mme mbana ŋkpɔ ererimbot emi iduɔk man otodo nnyin ikeme ediwuk-enyin nse Andifak ererimbot.24 Nnyin iyesuhɔre mme iyetre ini emi ibiatde ke social media, mbre-ŋkpo intanet; atahade, ɔkpɔsɔŋ, mme idiɔk inemesit; nduwurɔ inyene ererimbot emi ye ikpikpu nkpɔ; ye mme edinam ekededi emi ayakde itie ɔnɔ nsu-nsu ido eset ye ndutimede ifiɔk owo. Edi ke Christ kpɔt ke nnyin idikut akpanikɔ ye edibighe uyuhɔ.
Ata erikabare-esit25 eyekabare edi ubak nkpɔ idaresit26 ke uwem nnyin—mbiba ke edibɔ erifen ke idiɔknkpɔ ye ukpuhɔre ke idiɔŋɔ Christ.27 Erikabare-esit ye mbuɔtidem ke Christ ɔnɔ nnyin usuŋ edisim Erisio-isop eke Christ. President Dallin H. Oaks ekekpep ete kini Andinyaŋa efende-ɔnɔ, Enye “anam okpon akan ediyeyet [nnyin] nsio ke idiɔkŋkpɔ. Enye nko ɔnɔ [nnyin] obufa ɔsɔŋɔ.”28 Nnyin owo kiet-kiet imiyom ɔsɔŋɔ emi man inim ibet Abasi inyuŋ inam nsinsi ufɔn ɔyɔhɔ ke uwem nnyin.
Ke Jesus ye ke ukpepŋkpɔ Esie, nnyin inyene ukeme. Enye ete, “Ke akpanikɔ ke ndɔhɔ mbufo nte, ke ukpep ŋkpɔ Mi edi emi, ndien owo ekededi emi ɔbɔpde odori kemi ɔbɔp odori ke itiat Mi, ndien usuŋ nsinsi nsobo idikphɔhɔkere inɔ mmɔ.”29
Nnyin imikut nte enwɔŋɔ emi ɔwɔrɔde osu ke uwem nti owo. Ama ebe esisiti isua kiet nte ami nkenyenede eti-ifet ndisobo ye Travis ye Kacie. Mmɔ ekedɔ-ndɔ eke iduŋ ke 2007. Kini oro, Travis ikidukke owo Ufɔk Abasi kaŋa. Kacie, okposuk nte okotode eti ufɔkiduŋ eke Latter-day Saint, ama afiak edem ke mbuɔtidem esie kini uyen esie onyuŋ ɔwɔrɔ ɔkpɔŋ mbuɔtidem esie.
Ke 2018, Travis ediso-bo ye missionaries, ndien enye akana baptism ke 2019. Travis akabare edi ɔkwɔrɔ-ikɔ ɔnɔ Kacie, emi nko ama ekedinyene ata edikpuhɔ ke uwem esie. Ema edian mmɔ ndɔ ke September 2020. Ekperede isua iba tɔŋɔde ke baptism esie, ema ekot Travis man anam-utom ke bishhopric oro.
Travis ama enyene idiɔk udɔŋɔ emi emi esikade-iso ndiboro ndu ke esit idem esie. Enye anam ediwak usiak-idem man esio mme nkpɔ oro, edi udɔŋɔ oro ikinyeneke ukɔk. Ke ediwak isua emi ekebede, ema enɔ Travis ekpride akan isua Duop ndidu uwem.
Kacie ekenyene retinitis pigmentosa, idiɔk udɔŋɔ emi anamde nkpɔ se enyin okutde edi mbio-mbio tutu enyin akabare ekim.
Kacie ama etiŋ abaŋa ini-iso esie ɔnɔ mi. Enye ekekere abaŋa ini, idige anya ini, kni emi enye edidide ebekpa, nnan, inyenen unwam okuk, onyuŋ odu ikpɔŋ ke edibɔk nditɔ esie inaŋ. Ami mbup Kacie nte enye edinamde oruk unana-idorenyin ini-iso oro. Enye asak suŋ-suŋ ndien ete, “Akananam ami nkopke inemesit mme edinyene idorenyin akan ini emi ke uwem mi. Nnyin iyire ke mme enwɔŋɔ emi nnyin ikɔbɔde ke temple.”
Travis edi bishop idahaemi. Ke ɔfiɔŋ iba emi ekebede enye ama anam akamba usiak-idem efen. Edi enye enyene idorenyin ye onyuŋ odu ke emem. Ukeme edikut-usuŋ eke Kacie ama enehede ɔdiɔk. Idahaemi enye enyene ebua-nte ndausuŋ inyuŋ ikemeke ediwat moto aba. Edi enye enyene uyuhɔ, ndibɔk nditɔ esie nyuŋ nam-utom nte ɔnɔitem ke presidency eke Nkaiferi Iban.
Travis ye Kacie ke ebɔbɔp ufɔk mmɔ edori ke itiat. Travis ye Kacie enim ukpep nkpɔ Christ ke akpanikɔ ndien enwɔŋɔ ke Abasi “eyeyɔhɔ ukut [mmɔ] ke ufɔn mmɔ.”30 Ke nsana-mma uduak Abasi, ndutuhɔ ye mbuɔtidem ke Christ eyire ke nnyin edikabare nsana-mma ke Christ.31 Ukem nte owo eti-ibuot ke nke-mbuk emi ɔkɔbɔpde ufɔk esie odori ke itiat,32 kini edim edepde ndien mmɔŋ-ukwɔ edi ndien ofim ofime onyuŋ amia ufɔk emi Travis ye Kacie ekebɔpde, ufɔk oro ikiduɔhɔ, koro ekebɔp enye edori ke itiat.33
Jesus ikitiŋke ibaŋa ukeme eke edim ye mmɔŋ-ukwɔ ye ofim ke uwem nnyin, Enye eketiŋ abaŋa ata oyobio emi edidude. Ukpuhɔre nkpɔ ke nke-mbuk emi idige ibaŋa mme oyobio eyedi edi nte nnyin idinamde ye inem ikoot Esie man ikop inyuŋ inam se Enye ekekpepde.34 Usung efen iduhe ke ndibɔhɔ.
Kini nnyin ibɔpde ufɔk nnyin ke itiat-idak-isɔŋ eke ebuana ediomi ye Christ, nnyin do iminim ukpep nkpɔ Christ ke akpanikɔ, ndien nte nnyin itienede Enye, nnyin inyene enwɔŋɔ Esie eke nsinsi uwem. Mbon emi esinimde ukpepɔŋkpɔ Christ eka-iso esin ifik ye nsɔŋɔ-nda ke Christ ndien eyɔ esim utit. Usuŋ efen iduhe emi edinyaŋade owo ke obio ubɔŋ heaven.35
Ami nnɔ ikɔ ntiense eke idem mi kabaŋa odu-uwem, ata Jesus Christ emi ekesetde. Ami nnɔ ikɔ ntiense ke Abasi Ete nnyin enehede ama ererimbot Enye ɔkɔnɔ Eyen Esie man erifak nnyin osio ke idiɔk ŋkpɔ36 onyuŋ anyaŋa nnyin osio ke mfuhɔ.37 Ami mmetie ntiense ke Enye ama okot prophet Abasi kiet ke eyo nnyin, kpa President Russell M. Nelson, emi Enye etiŋde ikɔ onyuŋ adade nnyin usuŋ oto.
Ye ofuri esit mi, ami nkot mbufo nte enim ukpepŋkpɔ ke akpanikɔ enyuŋebɔp uwem mbufo edori ke itiat eke Andifak. Enye idinamke nnyin ikpu. Ke enying Jesus Chrst, amen.