Uyo Idaresit!
Edibɔp temple ekedi kiet kotu MKPON-nkan akpan nkpɔ ɔnɔ ofuri mme prophet tɔtɔŋɔ ke Prophet Joseph Smith.
I“dahemi nso ke nnyin ikop ke ikɔ Abasi emi nnyin ikɔbɔde? Uyo idaresit! Uyo mbɔm otode heaven, ye uyo akpanikɔ ɔwɔrɔde oto ke isɔŋ; … uyo idaresit eke mme odu-uwem ye mme akpa-mkpa; eti-mbuk akwa idaresit.”1
Nditɔ-eka iren ye iban, ikitimke imem edikop mme ikɔ emi nto Prophet Joseph Smith ndien etre editiŋ anwa-anwa nsin ke akamba inua imam!
Esit ediwut idara eke Joseph enehede owut uyɔhɔ ye akwa idara emi ikutde uduak inemesit eke Abasi Ete nnyin ke Heaven, koro Enye ɔsɔŋɔ ɔnɔ nnyin ete ke, “Owo ekefiɔk, man mmɔ enyene inemesit.”2
Kpukpru nnyin ima isioro mkpo idara3 ke uwem premortal nnyin kini nnyin ikekopde uduak inemesit eke Abasi, ndien nnyin ika-iso ndisoro mkpo idara mi ke nte nnyin idude nte asaŋade ye uduak Esie. Edi nso ikinehede idi ntak eke inem mfiori emi otode Prophet oro? Nso ikesin mme ntutuŋɔ ye uyɔhɔ-esit ntuk emi?
Prophet Joseph ekesikpep abaŋa baptism nnɔ mme akpa-mkpa. Emi ekenehede edi eti eriyarare emi ekebɔde ye akwa inemesit. Ke akpa ini emi mbon Ufɔk Abasi ekefiɔkde ete ke ekeme edinim mmɔ baptism nnɔ mbon ima mmɔ emi ema ekakpa, mmɔ ema edara. Wilford Woodruff ete, “Ndo-ndo oro eke ami nkekopde ikɔ oro, ukpɔŋ mi [ama] adara!”4
Baptism nnɔ mbon ima nnyin emi ekekpade ikidige nkokure akpanikɔ emi Abasi ediyarare inyuŋ ifiak-imen-idi. Ama odu udim mme enɔ mme endowment eken, emi Abasi ekenyenede udɔŋ ediyak nnɔ nditɔ iren ye nditɔ iban Esie.
Mme en eken emi esinede odudu-unen itie-oku, ediomi ye edinam ikɔ Abasi, ndɔ emi ekemede edibighe ke nsinsi, edidian nditɔ nnɔ mme ete ey eka mmɔ ke esit ufɔkemana eke Abasi, ndien akpatre edidiɔŋ ndifiak-nyɔŋ ufɔkiduŋ nka iso Abasi, Ete nnyin ke Heaven, ye Eyen Esie, Jesus Christ. Ema enam kpukpru mme edidiɔŋ emi odu oto ke Erisio-isop eke Jesus Christ.
Koro Abasi okoyom ŋkpɔ emi odu kotu edikoŋ ye ata edisana edidiɔŋ Esie,5 Enye editeme yak ebɔp nsasana ufɔk emi Enye ekemede ediyak mme ɔsɔŋurua enɔ emi nnɔ nditɔ Esie.6 Mme ufɔk emi edi-di ufɔkiduŋ Esie ke isɔŋ. Mme ufɔk emi edi-di mme temple ke ebiet eke se ekediande mme ekebɔpde ke isɔŋ ke enyiŋ Esie, ke ikɔ Esie, ye ke odudu Esie edidiande mme edibɔpde nko ke Heaven.7
Nte mbon Ufɔk Abasi mfin emi, usuk nnyin imikeme edikut oro nte ndimem ŋkpɔ ke edida mme enyene-ubɔŋ nsinsi akpanikɔ emi ke mfefere. Mmɔ ema ekabare edi udiana uduot-obot enɔ nnyin. Ubak ini esinwam kini nnyin nikutde mmɔ ke enyin mbon emi ekpepde ebaŋa mmɔ ke ata akpa ini. Mmɔ ekabare edi idiɔŋɔ enɔ mi oto ke ifiɔk-ukpep eke mmi-mmi emi.
Isua eke ebede, esisit ini mbemiso ekefiak-ediɔŋ Tokyo Japan Temple, ediwak isenowo emi midige mbon ufɔk Abasi nnyin ema esaŋa ese temple oro. Kiet ke oruk edise oro ekesine eti adausuŋ kiet otode edu-ukpono efen. Nnyin ima-ikpep isenowo nnyin kabaŋa uduak inemesit eke Ete Heaven, utom erifak Jesus Christ ke uduak oro, ye ukpepŋkpɔ ke mme ufɔkemana ekeme edidiana-kiet ke nsinsi oto ke edinam edidian-kiet.
Ke utit edisaŋa-nse oro, ami mma nkot ufan nnyin nte abuana ekikere esie. Ke editiŋ mbaŋa ufɔkemana edidiana-kiet—eke edem, idahaemi ye eke ini-iso—eti owo emi obup ke ata ofuri esit ete, “Nte mbon ufɔk Abasi mbufo enehede efiɔk nte ukpepnkpɔ emi enyenede-ufɔn eketre?” Enye adian ete, “Emi ekeme ndidi kiet kpɔt kotu ukpepnkpɔ emi ekemede edidian ererimbot emi enehede odu ke ubahare.”
Ata akwa ifiɔk edi oro. Idem ikikpaha erenowo emi oto ke ediye usuŋ emi ekebɔpde temple oro edi okoto ke ɔkpɔsɔŋ ye anwaŋa ukpepŋkpɔ ke mme ufɔkemana ediana-kiet enyuŋ ediana ye Ete eke Heaven ye Jesus Christ ke nsinsi.8
Inaha idem akpa nnyin, ndien, kpa kini owo eke miige owo ufɔk Abasi nnyin ɔfiɔkde uteŋe kabaŋa se itibede esit temple. Se ikpikabare idi mmem-mmem mme ido inɔ nnyin ke ubak ini eyedi ediye ye ŋkpɔ uteŋe ɔnɔ mbon emi ekopde mme ekerede oro ke ata akpa ini.
Okposuk-edi nte temple ama okododu ke esei, diana ye edifiak-men-ikɔ Abasi Jesus Christ edi, edibɔp temple ekedi kiet kotu mkpon-nkan akpan-ŋkpɔ ɔnɔ kpukpru mme prophet tɔtɔŋɔ ke Prophet Joseph Smith. Ndien oro emem ndifiɔk ntak.
Kini Prophet Joseph ekekpepde abaŋa baptism nnɔ mme akpa-mkpa, enye ama ayarare akamba akpanikɔ efen. Enye edikpep ete: “Yak ami nsian mbufo nte ke mmɔ emi edi ukpep enyenede ebuana ye mme akpa-mkpa ye odu uwem emi mididaha nte mfefere nkpɔ, abaŋade erinyaŋa-ukpɔŋ nnyin. Koro erinyaŋa eke mme akpa-mkpa “edi akpan ɔnɔ erinyaŋa nnyin, … koro mmɔ ifɔnke ima ke nnyin miduhe—nnyin nko ifɔnke-ima ke mmɔ miduhe.”9
Nte nnyin ikemede edikut, ufɔn edinyene temple ye utom emi enamde enɔ mme odu uwem ye akpa-mkpa akabare enehede anwaŋa.
Andidiɔk ke ebeŋe-idem. Edinam ye ediomi emi enamde ke temple ke anwanwana ye odudu esie, ndien enye anam se enye ekemede man etre utom oro. Ke ewe ntak? Koro enye ɔdiɔŋɔ abaŋa odudu emi otode ke edisana utom emi. Nte ediiɔŋde obufa yemple kiet-kiet, odudu unyaŋa Jesus Christ atara ke ofuri ererimbot ndibiat odudu eke andidiɔk nyuŋ mfak nnyin nte nnyin itienede Enye. Nte mme andinim ediomi temple ewakde ke ibat, odudu andidiɔk akabare osuhɔre.
Ke mme akpa ini eke Ufɔk Abasi, ubak owo eyekere kini edisiande obufa temple kiet, koro mmɔ eyedɔhɔ ete, Akananam nnyin itɔŋɔke edibɔp temple ke nkanika nka ekim mitɔŋɔke edimia.” Edi Brigham Young ɔsɔŋɔ etiŋ ete, “Ami nyom ndikop nte mmɔ efiakde emia.”10
Ke uwem isɔŋ emi, nnyin idifepke ekɔŋ oro, edi nnyin imikeme edinyene odudu nkan asua. Odudu ye ɔsɔŋɔ oro oto Jesus Christ ke nte nnyin inamde inyuŋ inimde ediomi eke temple.
President Russell M. Nelson ekekpep ete: Ini kedi emi edibahare mbon eke mikopke item Abasi isio ikpɔŋ mbon emi ekopde. Ata itie ubɔhɔ nnyin edi ndika-iso ndidot nduk ke edisana ufɔk Esie.”11
Ese mme ubak edidiɔŋ efen emi Abasi ɔkɔŋwɔŋɔde oto ke prophet Esie mi:
Ndi afo omoyom utibe-nkpɔ? Prophet nnyin ɔkɔdɔhɔ ete: “Ami nwɔŋɔ ke Abasi eyeda utibe-nkpɔ emi Enye ɔfiɔkde ke mbufo emeyom ke nte mbufo enamde nwaidem man enwam-utom enyuŋ etuak-ibuot ke temple Esie.”12
Ndi afo omoyom erikɔk ye ɔsɔŋɔ odudu eke Andinyaŋa Jesus Christ? President Nelson afiak ɔsɔŋɔ ɔnɔ nnyin ete ke “ofuri nkpɔ ekpepde ke temple … atatara ifiɔk nnyin abaŋa Jesus Christ. … Nte nnyin inimde ediomi nnyin, Enye ɔdiɔŋ nnyin ye ɔsɔŋɔ erikɔk, odudu Esie .” Ndien oh, nte nnyin idiyomde odudu Esie ke mme usen iso.”13
Ke akpa Ederi Ndak-eyop nte Jesus Christ okodukde Jerusalem ke ubɔŋ, otuowo eke mbet Esie “ema-edara enyuŋ etoro Abasi ye ɔkpɔsɔŋ uyo … ete, “Itoro enyene Edidem emi edidide ke enyiŋ Jehovah.”14
Didie ke Ederi Ndak-eyop eke 1836 oro ekekem, ke ediɔŋde Kirtland Temple. Ke edinam oro mme mbet Jesus Christ ekesuk enam idara nko. Ke akam ekediɔŋde temple oro, Prophet Joseph Smith eketiŋ mme ikɔ itoro emi ete:
“O Jehovah Akwa Abasi, kop nnɔ nnyin, … yuŋ bɔrɔ nnyin to ke heaven, … ke ebiet emi afo etiede ke ebekpo, ye ubɔŋ, ukpono, ukeme, uteŋe, [ye] odudu. …
“… Nwam nnyin otode ke odudu Spirit fo, man nnyin ikpidian uyo nnyin ye eke mbon unwana, uyama mme seraph ekanare ebekpo fo, ke ikwɔ itoro, ekwɔde Hossana enɔ Abasi ye Eyenerɔŋ!
“Ndien yak mbon emi … ndisana ikɔt fo esioro akwa mkpo idara.”15
Nditɔ-eka iren ye iban, mfin emi ke Ederi Ndak-eyop emi, yak nnyin nte mbet Jesus Christ nko itoro edisana Abasi nnyin inyuŋ idara ke mfon Esie ye nnyin. “Idahemi nso ke nnyin ikop ke ikɔ Abasi emi nnyin ikɔbɔde?” Ke akpanikɔ, “edi uyo idaresit!”16
Ami mmetie ntiense ke mbufo eyekop idara awak afiak awak ke nte mbufo edukde ndisana temple Jehovah. Ami mmetie ntiense ke mbufo eyefiɔk idara emi Enye akabare enyene ɔnɔ mbufo, ke enyiŋ Jesus Christ, amen.