![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F56%2F2a%2F562a31f54cc9c457be4bc7a43159ab5f82fa7ff6%2F562a31f54cc9c457be4bc7a43159ab5f82fa7ff6.jpeg/full/!250,/0/default)
Mme Anditiene Ɔbɔŋ Emem.
Nte nnyin idomode ndikori mme eduwem nte eke Andinyaŋa, nnyin imikeme ndidi mme ŋkpↄ utom eke emem Esie ke ererimbot.
Ke ndinam ɔwɔrɔ osu prophecy emi ekenɔde Zechariah,1 Jesus ke ubɔŋ oduk Edisana Obio awatde ke enaŋ mbakara, emi ke uwet ŋkpɔ ekedade “ke eset nte idɔŋɔ ubɔŋ ke obio mme Jew,”2 ntre ke akpan akadade nte Edidem mme ndidem ye Ↄbɔŋ Emem.3 Akanare okuk ye ediwak mme anem esit mbet, emi eke ebiride mme ɔfɔŋ, mme mfaŋ eyop, ye mme ikɔŋ efen ke usuŋ emi Jesus akebede. , Mmɔ etoro Abasi, efiori ke ɔkpɔsɔŋ uyio, “Ↄfɔfɔn ɔnɔ Edidem emi edide ke enyiŋ Abasi: emem ke heaven, ndien ubɔŋ ke edikoŋ.”4 Ndien idahaemi, “Hosanna enyene eyen David: Ↄfɔfɔn ɔnɔ enye emiedide ke enyiŋ Abasi; Hosanna ke enyɔŋ.”5 Utibede ŋkpɔ emi, emi nnyin idarade ke usen emi efiɔkde nte Edisana Sunday, ekedi nkpɔ ediberede ubiak ɔnɔ akwa nkpɔ emi editibede ke akwa udua oro ekperede akamba nwaidem eke Andinyaŋa ye akwa utibede eke ukpɔk udi.
Nte mme anditiene Enye, nnyin idi asaŋa asaŋa mbon Esie, emi ekotde ete yak isuan eti uduot Esie,6 mme andidibede emem emi enɔde ke mfon otode ke Enye ye uwa usio isop Esie. Emem emi edi enɔ ekenwɔŋɔde enɔ kpukpru emi ewɔŋɔde esit mmɔ enɔ Andiyaŋa enyuŋ edude ke edisana; utɔ emem oro ɔnɔ nnyin odudu ke ndikop inem uwem isɔŋ onyuŋ ayak nnyin iyɔ tutu utit ubiak idomo usuŋ isaŋ nnyin.
Ke 1847, Ↄbↄŋ ama ↄnↄ mme asaŋa asaŋa item ↄnↄ mme akpa mme Saint, emi ekeyomde emem ke ndidu suŋ suŋ nyuŋ ndiana kiet nte mmↄ ekeyↄde mme ukut isaŋ ke usop utin. Ke otu mme nkpↄ efen, Ↄbↄŋ ama ono mme Ndisana owo item ete “etre ndinyene mfina ye kiet eken; etre nditiŋ idiok mbaŋa kiet eken.”7 Mme ikɔ abasi esɔŋɔ ete ke mme mmɔ oro enamde ke edinenido ye edomode ukeme ke ndisaŋa ke nsughɔre idem ke Spirit Abasi ema enwɔŋɔ emem emi mmɔ eyomde ke ndidu uwem ke mme usen ndutimede emi nnyin idude mfin.8
Nte mme mbet Ↄbɔŋ Emem, ema enɔ nnyin item ete idu uwem ye “esit kiet ye ke ndima kiet eken.”9 Edima prophet nnyin, President Russell M. Nelson, ke mimi emi ama ɔdɔhɔ ete, “Enini abiat kpukpru ŋkpɔ emi Andinyaŋa akadade ɔnɔ ye akekpepde.”10 Prophet nnyin nko ebeŋe nnyin ete yak inam kpukpru se ikemede nditre mme ekɔŋ emi enwanade ke mme esit ye ke uwem nnyin idahaemi.”11
Yak nnyin ikere ibaŋa mme ukpep ŋkpↄ emi ke ndaha eke ata ima Christ enyenede ↄnↄ nnyin ndien nko ite ke nnyin, nte mme anditiene Enye, iyom ndinyene inↄ kiet eken. Ŋwed Abasi okot utↄ ima emi nte mfↄnido.12 Ke ini nnyin ikerede ibaŋa mfↄnido, ekikere nnyin esisↄp aka ndifↄn ido ye mme eno ke ndisuhↄre ufen eke mbon oro ekutde ke ikpokidem, ŋkpↄ uwem, mme nsↄŋↄ ŋkpↄ eke ekikere. Nko, ata ima ibuanake ŋkpↄ kpↄt ye se nnyin inↄde owo efen, edi enye edi uduot eke Andinyaŋa nko ekeme ndidi kiet ke edu uwem nnyin. Enye idihe mkpaidem ete ke Ↄbↄŋ ama ↄdↄhↄ nnyin ete yak isine ata ima ke idem, “emi edide mbↄbↄ edisana ye emem.”13 Ke esioho ata ima efep, nnyin idihe nkpo ndomokiet,14 nko nnyin ikemeke ndinyene itie emi Ↄbↄŋ eketumde enim ↄnↄ nnyin ke ebiet iduŋ Ete nnyin ke Heaven.15
Jesus anahede anam owut se iwↄrↄde ndinyene utↄ oruk mfↄnma ye emem, akpan akpan kini ikutde ukut emi etienede ediwot Esie. Kere ke esesit ini baŋa se Jesus akekerede nte Enye akeyetde mme mbet’ Esie ukot ke nsuhↄre idem, ↄfiↄkde ete ke kiet ke otu mmↄ eyetap Enye ke okon eyo oro.16 Mme kini Jesus, ke mme awa ekebede, ke mbↄm akekↄk utↄŋ owo kiet emi akasaŋade ye Judas, anditabi Enye, yak emum.17 Mme kpa nte Andinyaŋa, akadade ke iso Pilate, mme oku ye mme ebiowo ema edori Enye uyio, Enye ikesiorike uyio kabaŋa mme nsu nsu ŋkpↄ emi eketiŋde edian Enye, nko Enye ↄkpↄŋ governor Mbon Rome ke mkpaidem.18
Otode ke mme ŋkpↄ mkpaidem ita emi, Andinyaŋa, ke misehe ukut ye akamba mfuhↄ ye ufen, ama akpep nnyin oto ke uwut ŋkpↄ Esie ete ke “ata ima asibo ayan ufen, nko ke ↄfↄn ido; … efibeke; … itoroke idem esie, ekohoke idem, inamke idem esie didie didie, iyomke udot inↄ idem, ikopke iyaresit, [nko] ikereke idiok.”19
Ata akpan ŋkpↄ efen ke nditiŋ, nko kiet emi enyenede ŋkpↄ ndinam ye owo mbet nnyin ye adaŋa nte ikemede ndidibede emem eke Andinyaŋa, edi usuŋ emi nnyin inamde ŋkpↄ ye mbon efen. Kini utom Esie mi ke isↄŋ, Ukpep ŋkpↄ eke Andinyaŋa ake wuhↄ—idihe kpↄt, edi ata akpan akpan—ke uduot eke ima, ata ima, ime, nsuhↄreidem, ye mbom—ata akpan akpan edu enↄde mbon emi eyomde ndisik mkpere Enye ye emenere eme Esie. Utↄ edu uwem oro edi mme enↄ otode Abasi, ndien nte nnyin inwanade ndinam mmↄ ekↄri, nnyin iyetuŋↄ ndikut mme ndudue ye mmemidem mbↄhↄiduŋ nnyin ye akwa mmen ndomo, ntuk, ukpono, ye ediyↄ. Ata akamba uwut nkpↄ idiↄŋↄ kiet ete ke nnyin imisik ikpere Andinyaŋa inyung ikabare itie nte Enye edi ndima, ime, ye usuŋ mfↄnido emi nnyin inamde ye mbon efen, ke misehe ndaha.
Nnyin imisisop ndikut mme owo emi enamde ke idiↄk usuŋ ye kpa emi ekutded idem ke nsuhore ndaha kabaŋa mme eduwem, mmemidem, ekikere eke mbon efen, akpan akpan kini utↄ eduuwem oro ye ekikere edide nsio nsio mme edide isio ke nte mmↄ enamde ŋkpↄ ye ekerede ŋkpↄ. Edi ata mmem mmem ndikut mme owo emi esaŋade ebe ye mme utↄ utiŋ ikↄ oro ye mbon efen, emi efiakde etiŋ se mmↄ ekopde ke mitimke ifiↄk kpukpru ndaha emi akande mme ŋkpↄ oro okuk. Ke ndiↄkiso, ŋkpↄ ofim ↄnↄ utↄ eduuwem emi unnen ke enyin ŋkpↄ emi obiotde akpanikↄ ye ndinam anwa anwa. Ke mitreke, nneme eke ŋkpↄ ofim ada mme owo usuŋ aka anwan idem ye ufiop ufiop efaŋa, anamde abiaŋa, unan ake esit, ye ndisuan ikan ikan usua.
Nephi ama etiŋ prophecy ete ke mme ukperedem usen, ke andisua aye ayat esit onyuŋ amenere mme owo ke iyaresit ye eti nkpↄ.20 Mme ŋwed abasi ekpep ete “kpukpru ŋkpↄ emi okotde ye emi akpakde owo ndinam eti, ye ke ndima Abasi, ye ke ndinam ŋkpↄ nnↄ enye, edi Abasi ↄnↄ udↄŋ.”21 Ke usuŋ efen, “oro edide idiↄk oto andidiↄk; koro andidiↄk edi asua ye Abasi, ndien nawana ye enye kpukpru ini, onyuŋ okot ndien atabi aka idiↄk, nko ke ndinam oro edide idiↄk kpukpru ini.”22
Dase ukpepŋkpↄ eke prophet emi, idihe ŋkpↄ mkpaidem ete ke kiet kotu nkari andidiok edi ndimenere usua ke enyↄŋ ye usua ke esit nditↄ Abasi. Enye adara kini enye okutde mme owo ebiomde mme owo ndo, dedude ke nsahi, ye etiŋde idiↄk ebaŋa mbon efen. Edu uwem emi akeme ndibiat uduot owo, eti edu, ye ndaha-idem, kakpan kini ebioride ikpe ke ukwaŋ. Edi akpan ndiwut ite kini nnyin iyakde utↄ edu-uwem emi ke uwem nnyin, nnyin inↄ esit nnyin ufaŋ yak andidiↄk nditↄ mkpasip ake ndutimenre ke ufuↄt nnyin, ndinam ŋkpↄ emi akemede ndimum nnyin nsin ke afia esie.
Edieke nnyin imikpemeke ekikere nnyin, mme ikↄ, ye mme edinam, nnyin imikeme nditre ke ndiyire ekpan otode mme nkari eke owo usua, abiatde mme ebuana nnyin ye mbon efen ke nkankuk nnyin ye mme mbon ima nnyin.
Nditↄ eka iren ye iban, nte mme asaŋa asaŋa mbon Ↄbↄŋ ye mme andimenere emem Esie, nnyin ikemeke ndiyak mme nkari eke andidiↄk ada itie ke mme esit nnyin. Nnyin ikeme ndikama utↄ idiↄk mbiomo oro ekemede ndibiat mme ekikere, mme ebuana, ye mme uwem. Ikↄ Abasi ada ↄn eti mbuk akwa idaresit.
Nte ededi, iduhe owo nnyin kiet edide mfonmma, nko odu mme ini emi esibiaŋade kabaŋa utↄ edu uwem emi. Ke ata mfↄnmma ima Esie ye mkponkan ifiↄk ake ndaha owo, Andinyaŋa kpukpru ini asidomo ndidut nnyin utↄŋ kabaŋa utↄ mfina oro. Enye ama ekpep nnyin, “Koro ye ke utↄ ubioro ikpe emi obiorode, eye ebioro ntre enↄ fi: ye ke utↄ udomo emi odomode ye ↄnↄde, eye edomo nko enↄ fi.”23
Ndima nditↄ ete ye ndito eka mi, nte nnyin idomode ndinam edu uwem nnyin ↄkↄri nte ake Andinyaŋa, nnyin imikeme ndidi mme ŋkpↄ utom eke emem Esie ke ererimbot kpa nte ndaha emi Enye ke Idemesis ↄkↄtↄŋↄde. Ami mekot mbufo nte ese mme usuŋ emi nnyin ikemede ndikpuhↄ idem nnyin isin ke ndidibede ye ke ndinwam mbon efen, mme owo emi enyenede mbufiↄk ye mfen nnↄ esit, mme owo emi eyomde eti ebaŋa mbon efen,ti oro ke kpukpru ini “okporo odu ŋkpↄ emi edide eti uwemn emade, mme ake eti etop mme odotde-itoro, nnyin iyom mme ŋkpↄ emi.”24
Ami mmenwↄŋↄ nnↄ mbufo nte kpa nte nnyin ibinede inyuŋ ikↄride mme eduuwem emi, nnyin iyekabare inyuŋ idu ↄfↄn inyuŋ ikere ibaŋa unana mbon efen25 ndien iyenyene inem, emem, ye nkↄri eke spirit.26 Ke miyike, Ↄbↄŋ eyefiↄk ukeme nnyin onyuŋ ↄnↄ nnyin mme enↄ iyomde ke ndinehede nyↄ ye ndinyene ime ye ndaha mbon efen, mmem idem, ye mme unan edifↄn. Ke ndika iso, nnyin iyenehede ikan udↄŋ ke ndidue ye ke ndiyaresit ye mbon efen. Udↄŋ nnyin ke ndidahade nnↄ mbon emi etingde idiↄk ebaŋa nnyin kakpan eyekↄri nko eyekabare edi ubak edu nnyin.
Yak nnyin mfin emi, ke Edisana Sunday emi, isuan mme ↄfↄŋ ima nnyin ye mme ikoŋ eyop eke ata ima, ndisaŋa ke nduri ikpat eke Ↄbↄŋ Emem nte nnyin ibeŋede idem ke ndidara, Sunday emi edide, utibe ŋkpↄ eke ukpↄk udi. Nte nditↄ eka iren ye iban ke Christ, yak nnyin ifiori ke idara, “Hosanna enyene eyen David: Ↄfɔfɔn ɔnɔ enye emi edide ke enyiŋ Abasi; Hosanna ke enyɔŋ.”27
Ami ntie ntiense nte ke Jesus Chrisht odu uwem nko ke Edisana Ima, owutde oto ke uwa usio isop Esie, odu ↄnↄ kpukpru oro enyenede udↄŋ ke ndisaŋa ye Enye nnyuŋ nkop inem eme Esie ke ererimbot emi ye ke ererimbot emi edidide. Ami ntiŋ mme ŋkpo emi ke edisana enyiŋ Andinyaŋa ye Andifak nnyin, Jesus Christ, amen.