![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F86%2Fa2%2F86a20842d1c4e769d477a8ce93b5e01e2e47a827%2F86a20842d1c4e769d477a8ce93b5e01e2e47a827.jpeg/full/!250,/0/default)
Ini anade Ↄbↄ Edidiↄŋ eke Patriarch Fo
Ini eke ↄbↄde edidiↄŋ fo, afo eyekut onyuŋ okop nte Ete ke Heaven ye Jesus Christ emade fi ye nte Mmↄ etiŋde enyin ese mbufo owo kiet-kiet.
Mkpↄŋ ekebede edima ufan mi Elder Randall K. Bennett ama eting abaŋa edidiↄŋ emi ebↄde eto patriarch. Ekedi edinem etop ↄkↄnↄde kpukpru nnyin ifiↄk. Ndima nditↄ-eka mi iren ye iban, mme mme.kemme nditiŋ mbaŋa edidiↄŋ otode patriarch nko? Mme patriarch, nte ediyom mme edidiↄŋ eke patriarch awakde, ami mbeŋe yak Jehovah ↄdiↄŋ mbufo ke nte mbufo ekade iso enam ikoot mbufo.
Ke ini nkade mme akwa mbono stake, mme-si-sobo patriarch ye nwan esie kpukpru ini. Mme patriarch edi suŋ-suŋ, okop-item, ye saŋa-saŋa ada-usuŋ Abasi okotde. Mmↄ edↄhↄ mi ediwak ikpↄ ŋkpↄ otode spirit. Nkebup mmↄ isua emana owo esehede onyuŋ ↄsↄŋde akan emi mmↄ enↄde edidiↄŋ. Ke emi andisehe nkan ekedi 11, ke ini andisↄŋ nkan ekedide 93.
Ami nkobo okim edidiↄŋ eke patriarch nte obufa owo ke ufↄk-Abasi, ini nkedide isua Efurenang, ke mma nkↄduↄk mmↄŋ. Patriarch mi ama enehede ↄsↄŋ. Enye okoduk ufↄk-Abasi ke 1916, ↄkↄnyuŋ edi ebem-iso ufↄk-Abasi ke Japan. Ekedi ↄyↄhↄ inemesit mi ndibo edidiↄŋ eke patriarch nto nwↄrↄ-nda mbet Christ oro. Usem Japan esie ama ↄsↄŋ ekpri ami ndikop, edi ama enyene odudu.
Mme patriarch nsobode edↄhↄ mi ke ediwak owo esibↄ edidiↄŋ eke patriarch mmↄ esisit ini mbemiso edaha mission. Ndima mkparawa iren, mkparawa iban, unyene nditↄ, ye mme bishop, edidiↄŋ emi patriarch ↄnↄde idihe ndida nnam mbeŋe-idem uka mission kpↄt. Nti nditↄ-Abasi eduↄkde mmↄŋ ekeme ndibↄ akam edidiↄŋ eke patriarch mmↄ ini eke ↄfↄnde mmↄ.1
Ndima ikpↄ ikↄt-Abasi, ndusuk mbufo ibↄhↄ kaŋa akam edidiↄŋ eke patriarch mbufo. Eti, ke iduhe nkpon-nkan isua emana.
Eka anwan mi ekedi nsↄŋↄ-nda owo ufↄk-Abasi, ekedi andikpeb ke Relief Society tutu enye ebe efep ke isua Anaŋ-ye-duopokiet. Mma mfuhↄ ke ini ndiↄŋↄde ke enye ikↄbↄhↄ akam edidiↄŋ eke patririach. Enye ama okut ediwak mfina ke uwem esie, edi sia enye mikenyeneke andikama priesthood ke ufok-iduŋ , enye ikↄbↄhↄ ediwak edidiↄŋ eke prieshood. Akam edidiↄŋ eke patriarch ↄkpↄkↄnↄ enye ndↄŋesit ke ini enye ekenehede oyom.
Ikpↄ owo, edieke munyeneke akam edidiↄŋ eke patriarch kaŋa, mbↄk kufina! Ini mkpↄ-ntibe spirit kpukpru owo okpuhↄre. Edieke afo edide isua 35 mme 85, ndien afo enyene udↄŋ, nneme ye bishop fo baŋa ndibↄ akam edidiↄŋ eke patriarch fo.
Mbufa ikot-Ufↄk Abasi, emekop ebaŋa akam edidiↄŋ emi patriarch esinↄde? Ami nkↄdiↄŋↄke mbaŋa ukeme ndibↄ kiet ke ini nkodukde ufↄk-Abasi, edi edima bishop mi ama etiŋ ↄnↄ mi abaŋa mme edidiↄŋ eke patriarch onyuŋ ↄdↄhↄ mi mbeŋeidem ndibↄ okim ke mma nduↄk mmↄŋ. Ndima mbufa mbon ufɔk-Abasi, emekeme ndibɔ edidiↄŋ eke patriarch nko. Jesus eyenwam fi ebengeidem ↄnↄ odot-ukpono ukeme emi.
Yak ise ntak iba emi iyomde akam edidiↄŋ eke patriarch.
-
Edidiɔŋ eke patriarch ↄdↄŋↄ item enyenede fi emi Abasi ↄnↄde esↄk fi.2
-
Edidiↄŋ eke patriarch owut oruk fo ke ufↄk Israel.
Edidiↄŋ eke patriarch fo edi etop otode Ete Heaven fo ndien eyesine enwↄŋↄ ye nti item edinwamde fi ke ofuri uwem fo. Mme edidiiↄŋ eke patriarch idisiakke usuŋ uwem fo, idinyuŋ ibↄrↄke kpukpru mbume fo Edieke enye mmitiŋke akpan edinam ke uwem, ku da oro ukere ke udunyeneke ukeme ntre. Ntre nko, ubiↄŋ ndomokiet iduhe ke kpukpru edidiↄŋ enↄde fi eyewↄrↄ osu ke uwem emi. Edidiↄŋ eke patriarch edi nsinsi, ndien edieke ↄfↄnde ido, mme enwↄŋↄ emi mmiwↄrↄke isu ke uwem emi, eyenam ke uwem efen.3
Nte ↄbↄde ediyarade abanga oruk fo, afo eyefiↄk ndien ke afo edi eyen ufoↄk Israel ye ubon Abraham.4 Man ↄkpↄdiↄŋↄ se emi ↄwↄrↄde, ting-enyin se mme enwↄŋↄ Jehovah akanamde ↄnↄ nditↄ Israel otode ke Abraham.
Mme enwↄŋↄ oro esine:
-
“Ubon Esie eyenyuŋ ewak (se ke Genesis 17:5–6; Abraham 2:9; 3:14).
-
“Ubon Esie, ye mme emana, eyenyuŋ ekop gospel enyuŋ ekama itie oku (se ke Abraham 2:9).
-
“Otode ke utom ubon esie, ‘kpukpru oruk ke isoŋ [eyenyuŋ] edioŋ, kpa ye edidiↄŋ eke Gospel, emi edide edidiↄŋ edinyaŋa, ye eke nsinsi uwem’ (Abraham 2:11.”5
Nte mbon Ufↄk Abasi, nnyin idi nditↄ ediomo, .6 Nnyin ibↄ edidiↄŋ otode ediomi ekenamde ye Abraham nte nnyin inamde mme ibet ye edinam ikↄ Abasi.
Afo ndibeŋidem mbet edidiↄŋ eke patriarch eyenwam fi edibede mbuↄtidem fo Ete Heaven ye Jesus Christ. Ndien ke ama ↄkↄbↄ edidiↄŋ eke patriarch fo onyuŋ okot onyuŋ etie ekere abaŋa, eyekeme ndiwuk ekikere ke Mmↄ ediwak ini.
President Thomas S. Monson ↄkↄdↄhↄ ette, “Kpasuk ukem Jehovah oro ↄkↄnↄde Lehi Laihona eye-ↄnↄ fi ye ami mfin nsobo ye ↄsↄŋ-urua enↄ ada ↄnↄ nda-usuŋ ke uwem nnyin, ada owut afai ke usuŋ emem nnyin, onyuŋ asiak usuŋ, kpasuk usuŋ uwem—idihe akade isↄŋ enwↄŋↄ, edi akade iduŋ heaven nnyin.”7
Mme ndima bishop mi, unyene nditↄ, mme president elders quorum ye Relief Society, mme ward mission leader, ministering brothers ye sisters, mbↄk etiŋ enↄ mme mkparawa iren ye iban, ikpↄ owo, ye mbufa owo emi mibↄhↄ kaŋa mme akam edidiↄŋ emi patriarch ↄnↄde, eda eyom nda-usuŋ Jehovah ye unwam ke ebeŋede idem mmↄ ndinam ntre.
Ami ke ediwak ini ye ke akam mmesikot edidiↄŋ eke patriarch mi, enye esinↄ mi uko. Mmↄdiↄŋↄ se Jehovah oyomde mi nnam, onyuŋ anwam mi ndikpↄŋ idiok ido nnyuŋ nsuhↄre idem. Ke mma nkot nnyuŋ nwuk ekikere ke enye, esidↄŋ mi ndidu uwem odotde man nkpↄbↄ mme edidiↄŋ enye ↄnwↄŋↄde.
Kpasuk nte ikↄ ŋwed-Abasi nnyin ikotde ediwak ini enyenede obufa ifiↄk ↄnↄ nnyin ke ini-iso, edidiↄŋ eke patriarch nnyin ↄnↄ nnyin nsio-nsio ifiↄk ke nsio-nsio ini. Okim ↄwↄrↄ isio-isio ŋkpↄ idahaemi akan se ekedide ini nkedide isua 30, ye ini nkedide isua 50. Iwↄrↄke ke mme ikↄ okpuhↄre, edi nnyin ikut mmↄ ke isio-isio usuŋ.
President Dallin H. Oaks ama asian ette ke edidiↄŋ eke patriarch “enↄ eto ke nda-usung Edisana Spirit, ndien ana ekot enyuŋ ekabare enye eto odudu ukem Spirit oro. Eyekpeb ifiↄk ye ufↄn edidiↄŋ eke patriarch udim ke udim ke nte ini oyomde oto ke odudu Spirit oro ↄkↄnↄde [enye].”8
Nditↄ eka iren ye iban, mmↄnↄ ikↄ ntiense mi nte ke Ete ke Heaven ye Edima ye Ikpↄŋ-Ikpↄŋ Eyen Esie, Ↄbↄŋ Jesus Christ, edu uwem. Mmo ema nnyin. Mme edidiↄŋ eke patriarch ↄnↄde edi ndisana eno etode Mmↄ. Ini eke ↄbↄde edidiↄŋ fo, afo eyekut onyuŋ okop nte Mmↄ emade fi ye nte etiŋde enyin ese fi.
Ŋwed Mormon edi ntiense efen abaŋade Jesus Christ. Nko, ami mmenem-esit ndisaŋa ntiene odu-uwem uwem prophet, President Russell M. Nelson.
Ami mmenem-esit mbaŋa Andinyaŋa nnyin, Jesus Christ. Easter Sunday emi nye-owuk enyin nse Enye ye Ediset Esie nyuŋ ntuak-ibuot nno Enye nyuŋ nkↄm Enye ke Nwa-idem Esie. Ami mmↄdiↄŋↄ ke Enye oku akwa ndutuhↄde koro Enye enehede ama nnyin. Ami mmↄdiↄŋↄ ke Enye ekeset ke ntak ima Esie ye nnyin. Enye edi akpanikↄ. Ami nting iko ntiense emi ke enying Jesus Christ, amen.