येशू ख्रीष्टका शिक्षाहरू

अध्यक्ष ड्यालिन एच. ओक्सद्वारा

प्रथम अध्यक्षतामा प्रथम सल्लाहकार

हामीलाई हाम्रो जीवन निर्देशित गर्न धर्मशास्त्रहरू दिइएको छ । आजको मेरो सन्देशमा हाम्रा मुक्तिदाताका वचनहरूको छनोट समावेश छ—जुन उहाँले भन्नुभयो ।

हामी ख्रीष्टमा विश्वास गर्दर्छौं । पछिल्ला दिनका सन्तहरूको येशू ख्रीष्टको चर्चका सदस्यहरूका रूपमा, हामी उहाँको आराधना गर्दर्छौं र धर्मशास्त्रमा उहाँका शिक्षाहरूको अनुशरण गर्दर्छौँ ।

पतन हुनु अघि, हाम्रा स्वर्गका पिताले आदम र हव्वासँग प्रत्यक्ष वार्तालाप गर्नुभयो । त्यसपछि, पिताले उहाँका एकमात्र पुत्र, येशू ख्रीष्टलाई हाम्रा मुक्तिदाता र उद्धारकर्ताका रूपमा परिचय गराउनुभयो र हामीलाई “उहाँलाई सुन्न” आज्ञा दिनुभयो ।^१ यस तरिकाबाट हामी यो निष्कर्षमा पुग्छौँ कि “परमेश्वर” वा “परमप्रभु” द्वारा बोलिएका वचनहरूको धर्मशास्त्रीय अभिलेखहरू लगभग सदैव यहोवा, हाम्रा बौरि उठ्नुभएका परमप्रभु, येशू ख्रीष्टका शब्दहरू हुन् ।^२

हामीलाई हाम्रो जीवन निर्देशित गर्न धर्मशास्त्रहरू दिइएको छ । अगमवक्ता नफीले हामीलाई सिकाए जस्तै हामीले “ख्रीष्टका वचनहरूमा भोज गर्नु पर्छ; किनकि हेर, ख्रीष्टका वचनहरूले तिमीहरूलाई के गर्नु पर्छ भन्ने सबै विषय बताउने छन् ।”^३ येशूको मरणशील सेवाहरू अभिलेख गर्ने अधिकांश धर्मशास्त्रहरूमा उहाँले के गर्नुभयोभन्ने विवरणहरू छन् । आजको मेरो सन्देशमा हाम्रा मुक्तिदाताका वचनहरूको छनोट समावेश छ—जुन उहाँले भन्नुभयो। यी शब्दहरू नयाँ करारमा (जोसेफ स्मिथको प्रेरित थपहरू सहित) र मोर्मोनको पुस्तकमा अभिलेख गरिएका शब्दहरू हुन् । यी अधिकांश छनोटहरू क्रममा छन् जसमा हाम्रा मुक्तिदाताले तिनीहरूलाई भन्नुभएको थियो ।

“साच्चैँ नै, साच्चैँ नै, म तिमीहरूलाई भन्दछु, मानिस पानी र आत्माबाट नजन्मिएसम्म, ऊ परमेश्वरको अधिराज्यमा प्रवेश गर्न सक्दैन ।”^४

अनि आशीषित छन् तिनीहरू सबै जो धार्मिकताका निम्ति भोकाउँछन् र तिर्खाउछन्, किनकि उनीहरू पवित्र आत्माले भरिने छन् ।^५

“आशीषित छन् शान्तिका निर्माताहरू: किनकि उनीहरू परमेश्वरका सन्ततिहरू भनी बोलाइने छन् ।^६

“तिमीहरूले सुनेका छौ कि प्राचीन समयका तिनीहरूले भनेका थिए, तिमीले व्यभिचार नगर्नू ।

“परन्तु म तिमीहरूलाई भन्दछु, कि जसले कुनै स्त्रीलाई अभिलाषाले हेर्छ, उसले आफ्नो हृदयमा पहिले नै उनीसँग व्यभिचार गरिसकेको छ ।”^७

“तिमीहरूले सुनेका छौ कि यो भनिएको छ, तिमीले आफ्नो छिमेकीलाई प्रेम गर र आफ्नो शत्रुलाई घृणा गर ।

“परन्तु म तिमीहरूलाई भन्दछु, आफ्ना शत्रुहरूलाई प्रेम गर, तिमीहरूलाई सराप्नेहरूलाई आशीर्वाद देओ, तिमीहरूलाई घृणा गर्नेहरूलाई भलाइ गर र तिमीहरूलाई प्रयोग गर्ने र सताउनेहरूका लागि प्रार्थना गर;

“तिमीहरू स्वर्गमा रहनुहुने तिमीहरूका पिताका सन्ततिहरू हुन सक्छौ: किनकि उहाँले आफ्नो सूर्य खराब र असलमाथि उदाउनुहुन्छ, र धर्मी र अन्यायीहरूमाथि वर्षा पार्नुहुन्छ ।”^८

“किनकि, यदि तिमीहरूले मानिसहरूलाई उनीहरूका उल्लङ्घनहरूको क्षमा दियौ भने स्वर्गका पिताले पनि तिमीहरूलाई क्षमा गर्नुहुने छ:

“परन्तु यदि तिमीहरूले मानिसहरूलाई तिनीहरूका उल्लङ्घनहरूको क्षमा गरेनौ भने, न त तिमीहरूका पिताले तिमीहरूका उल्लङ्घनहरूको क्षमा गर्नुहुने छ ।”^९

“यदि तिमीहरू संसारका हौ भने, संसारले आफ्नालाई प्रेम गर्ने थियो: तर तिमीहरू संसारका होइनौ, तर मैले तिमीहरूलाई संसारबाट छनोट गरेको छु, त्यसैले संसारले तिमीहरूलाई घृणा गर्छ ।”^१०

“यसकारण, यस संसारका विषयहरू नखोज तर पहिले परमेश्वरको अधिराज्य निर्माण गर्न र उहाँको धार्मिकता स्थापित गर्न खोज र यी सबै विषयहरू तिमीहरूमा थपिने छन् ।”^११

“त्यसकारण, सबै विषयहरू जुन तिमीहरूले चाहन्छौ कि मानिसहरूले तिमीलाई गरून्, तिमीहरूले पनि उनीहरूलाई त्यसै गर्नू, किनकि यो नै नियम र अगमवक्ताको सारांश हो ।^१२

“झुटा अगमवक्ताहरूदेखि होसियार हुनू, जो भेडाको भेषमा तिमीहरूसामु आउँछन्, तर भित्र उनीहरू डरलाग्दा ब्वाँसाहरू हुन् ।

“तिमीहरूले तिनीहरूलाई उनीहरूका फलहरूद्वारा चिन्ने छौ । के मानिसहरूले काँडाको बोटबाट अङ्गुर, अथवा सिउँडीबाट अन्जीर जम्मा गर्छन् र?

“त्यस्तै गरी प्रत्येक असल वृक्षले असल फल ल्याउँदछ; तर भ्रष्ट वृक्षले खराब फल ल्याउँछ ।”^१३

“मलाई परमप्रभु, परमप्रभु भन्ने सबै स्वर्गको अधिराज्यमा प्रवेश गर्ने छैनन्; तर ऊ जसले स्वर्गमा रहनुहुने मेरा पिताको इच्छा पूरा गर्दछ ।”^१४

“मकहाँ आओ, सबै परिश्रम गर्ने र बोझले दबिएका, अनि मैले तिमीहरूलाई विश्राम दिने छु ।

“मेरो जुवा आफूमाथि लेओ र मसँग सिक; किनभने म विनम्र र कोमल हृदयको छु: अनि तिमीहरूले आफ्नो आत्मामा विश्राम प्राप्त गर्ने छौ ।

“किनकि मेरो जुवा सजिलो छ र मेरो बोझ हलुका छ ।”^१५

“यदि कोही मेरो पछि आउने इच्छा गर्दछ भने, उसले आफूलाई अस्वीकार गरोस् र आफ्नो क्रूस उठाएर मेरो पछि लागोस् ।

“अनि अब एक मानिसले आफ्नो क्रूस उठाउनुका लागि, आफैलाई सबै अधर्म र हरेक सांसारिक अभिलाषालाई अस्वीकार गर्नू र मेरा आज्ञाहरू पालना गर्नू हो ।”^१६

“त्यसैले, संसार त्याग र आफ्नो आत्मा बचाओ; यदि मानिसले सारा संसार हात पार्छ र आफ्नो आत्मा गुमाउँछ भने के फाइदा हुन्छ? अथवा मानिसले आफ्नो आत्माको बदलामा के दिने?”^१७

“यदि कुनै मानिसले आफ्नो चाहना पूरा गर्छ भने, उसले सिद्धान्तका सम्बन्धमा थाहा पाउने छ, चाहे त्यो परमेश्वरको हो वा म आफ्नै सम्बन्धमा बोल्छु ।”^१८

“अनि म तिमीहरूलाई भन्दछु, माग र त्यो तिमीहरूलाई दिइने छ; खोज र तिमीहरूले प्राप्त गर्ने छौ; ढकढक्याओ र यो तिमीहरूका लागि उघारिने छ ।

“किनकि जसले माग्छ उसले प्राप्त गर्छ; अनि जसले खोज्छ उसले प्राप्त गर्छ; र जसले ढकढकाउँछ उसका लागि यो उघारिने छ ।”^१९

“मसँग अरू भेडाहरू छन्, जो यस समूहका होइनन्: तिनीहरूलाई पनि मैले ल्याउनु पर्छ र तिनीहरूले मेरो आवाज सुन्ने छन्; र त्यहाँ एउटै समूह र एउटै गोठालो हुने छ ।”^२०

“येशूले तिनलाई भन्नुभयो, पुनरुत्थान र जीवन म नै हुँ: ममाथि विश्वास गर्नेले, ऊ मरेको भए तापनि जिउने छ ।

“अनि जो जीवित छ र ममा विश्वास गर्छ, उसको कहिल्यै मृत्यु हुने छैन ।”^२१

“[व्यवस्थाको महान् आज्ञा हो] तिमीहरूले परमप्रभु आफ्ना परमेश्वरलाई आफ्नो सारा हृदयले, आफ्नो सारा आत्माले र आफ्नो सारा सामर्थ्यले प्रेम गर्ने छौ ।

“यो पहिलो र महान् आज्ञा हो ।

“अनि दोस्रो यो जस्तै छ, तिमीले आफ्नो छिमेकीलाई आफूलाई जस्तै प्रेम गर्नू ।

“यी दुई आज्ञाहरूमा सबै नियम र अगमवक्ताहरू आवद्ध छन् ।”^२२

“ऊ जोसँग मेरा आज्ञाहरू छन् र ती पालना गर्दछ, त्यसले मलाई प्रेम गर्छ: र जसले मलाई प्रेम गर्छ, त्यसलाई मेरा पिताले प्रेम गर्नुहुने छ र म उनलाई प्रेम गर्ने छु र ऊकहाँ आफूलाई प्रकट गर्ने छु ।”^२३

“शान्ति म तिमीहरूसँग छोड्छु, मेरो शान्ति म तिमीहरूलाई दिन्छु: संसारले दिने जस्तो होइन, म तिमीहरूलाई दिन्छु । तिमीहरूको हृदयलाई विचलित हुन नदेऊ, न त यसलाई त्रसित नै हुन देऊ ।”^२४

“मैले तिमीहरूलाई प्रेम गरे जस्तै तिमीहरूले पनि एकअर्कालाई प्रेम गर, मेरो आज्ञा यही हो ।”^२५

“हेर, मेरा बाहु र पाउ, यो म आफै हुँ: मलाई महसुस गर र हेर; किनकि आत्माको मासु र हड्डी हुँदैन, जसरी तिमीहरूले मलाई देख्छौ ।”^२६

“त्यसकारण तिमीहरू जाओ र सबै राष्ट्रहरूलाई सिकाओ, तिनीहरूलाई पिता, पुत्र र पवित्र आत्माको नाममा बप्तिस्मा देओ:

“मैले तिमीहरूलाई आज्ञा दिएका सबै विषयहरू पालना गर्न तिनीहरूलाई सिकाओ: र, हेर, म संसारको अन्त्यसम्म पनि तिमीहरूको साथमा छु ।”^२७

पवित्र भूमिमा उहाँको सेवा पछि, येशू ख्रीष्ट अमेरिकी महादेशमा धर्मीहरूसामु प्रकट हुनुभयो । उहाँले त्यहाँ बोलेका केही शब्दहरू यी हुन् ।

“हेर, म परमेश्वरको पुत्र येशू ख्रीष्ट हुँ । मैले स्वर्गहरू र पृथ्वी र तिनमा भएका सबै विषयहरूको सृष्टि गरेँ । म प्रारम्भ देखि नै पितासँग थिएँ । म पितामा छु र पिता ममा हुनुहुन्छ; र पिताले आफ्नो नाम ममा महिमित गर्नु भएको छ ।^२८

म संसारको ज्योति र जीवन हुँ । म नै अल्फा र ओमेगा, प्रारम्भ र अन्त्य हुँ ।

“अनि तिमीहरूले अबदेखि रगत बगाएर मलाई अर्पण गर्नु पर्दैन; हो, तिमीहरूका बलिहरू र तिमीहरूका होमबलिहरू रोकिने छ, किनकि म तिमीहरूका कुनै बलिहरू र तिमीहरूका कुनै होमबलिहरू स्वीकार्ने छैन ।

“अनि तिमीहरूले मेरासामु चूर्ण हृदय र पछुताएको आत्मा बलिका रुपमा अर्पण गर्नू । अनि जो चूर्ण हृदय र पछुताएको आत्मा लिएर मसामु आउँछ, उसलाई म आगो र पवित्र आत्माले बप्तिस्मा दिने छु । …

“हेर, म संसारमा संसारको उद्धार ल्याउन, संसारलाई पापबाट बचाउन आएको छु ।²⁹

“अनि पुन: म तिमीहरूलाई भन्दछु, तिमीहरूले पश्चात्ताप गर्नुपर्दछ र मेरो नाउँमा बप्तिस्मा लिनुपर्दछ र एउटा सानो बच्चा जस्तो हुनुपर्छ, अन्यथा तिमीहरूले कुनै हालतमा परमेश्वरको अधिराज्य उत्तराधिकारमा प्राप्त गर्न सक्दैनौ ।^३०

“त्यसकारण म चाहन्छु कि तिमीहरू परिपूर्ण हुनु जसरी म छु र तिमीहरूका स्वर्गमा रहनु हुने पिता परिपूर्ण हुनुहुन्छ ।^३१

“साच्चैँ नै, साच्चैँ नै म तिमीहरूलाई भन्छु, तिमीहरू सदैव होसियार हुनुपर्छ र सदैव प्रार्थना गर्नुपर्छ, कथंकदाचित तिमीहरूलाई सैतानद्वारा लोभ्याइन्छ र तिमीहरूलाई उसद्वारा बन्दी बनाएर अगुवाइ गरिन्छ ।^३२

“त्यसकारण तिमीहरूले सदैव पितासमक्ष मेरा नाममा प्रार्थना गर्नु पर्दछ;^३३

“यसैकारण, तिमीहरूले जे गर्छौ, त्यो मेरो नाममा गर; त्यसकारण तिमीहरूले चर्चलाई मेरो नाममा पुकार्ने छौ ।”^३४

“हेर मैले तिमीहरूलाई मेरो सुसमाचार दिएको छु र यो त्यो सुसमाचार हो जुन मैले तिमीहरूलाई दिएको छु—कि म मेरा पिताको इच्छा पूरा गर्न संसारमा आएँ, किनभने मेरा पिताले मलाई पठाउनुभयो ।

“अनि मेरा पिताले मलाई क्रुसमा उचाल्न सकूँ भनेर पठाउनुभयो; र त्यस पछि म क्रूसमा उचालिएको थिएँ, ताकि म सबै मानिसहरूलाई मकहाँ तान्न सकूँ … तिनीहरूका कामहरूको न्याय होस्, चाहे तिनीहरू असल होस् वा खराब ।^३५

“अब यो आज्ञा हो: पश्चात्ताप गर, पृथ्वीका सीमान्तका तिमीहरू र मकहाँ आओ र मेरा नाउँमा बप्तिस्मा लिय, कि तिमीहरूलाई पवित्र आत्माको प्राप्तिद्वारा पवित्र पारियोस्, कि त्यो अन्तिम दिनमा मसमक्ष तिमीहरू बेदाग खडा हुन सक्षम बन ।^३६

हामी ख्रीष्टमा विश्वास गर्छौं । हामीले उहाँका शिक्षाहरू कसरी बुझ्नु पर्छ र अनुशरण गर्नु पर्छ भन्ने सम्बन्धमा उहाँले के भन्नुभएको थियो त्यसबाट म समापन गर्छु:

“परन्तु सान्त्वना दिने, जो पवित्र आत्मा हो, जसलाई पिताले मेरो नाममा पठाउनुहुने छ, उसले तिमीहरूलाई सबै विषय सिकाउनुहुने छ र मैले तिमीहरूलाई भनेका सबै विषयहरू तिमीहरूको स्मरणमा ल्याउने छ ।”^३७

म येशू ख्रीष्टको नाममा यी शिक्षाहरूको सत्यता प्रमाणित गर्दछु, आमीन ।