Yeresie Yɛn Atuateɛ Akodeɛ
Momma yɛnsie—nkɔ akyiri—atuateɛ ho biribiara a ɛtia Onyankopɔn wɔ yɛn asetena mu na yɛmfa ɔpɛ akoma ne ɔpɛ adwene nsi ananmu.
Mormon Nwoma no bɔ amanneɛ sɛ, ɛbɛyɛ mfeɛ 90 ansa na wɔrewo Kristo no, Ɔhene Mosiah mma mmarima no hyɛɛ deɛ ɛbɛyɛ mfeɛ 14 som adwuma ase de kɔɔ Lamanfoɔ no hɔ. Na wɔayɛ mmɔdemmɔ a ɛwiee nkoguo awoɔ ntoatoasoɔ bebree mu sɛ wɔde Lamanfoɔ nkorɔfoɔ no bɛba Kristo nkyerɛkyerɛ mu gyedie ho. Nanso, saa berɛ yi, ɛnam sɛ Sunsum Kronkron no de ne ho gyee mu anwanwa kwan so nti, Lamanfoɔ no mpem mpem sakraaeɛ na wɔbɛyɛɛ Yesu Kristo asuafoɔ.
Yɛkenkan sɛ, “Na sɛdeɛ Awurade te ase nokorɛ mu yi, saa ara na nokorɛ mu dodoɔ no gye diiɛ, anaa dodoɔ no ara na wɔnam Ammon ne ne nnuanom asɛmpaka no so de wɔn baa nokorɛ nimdeɛ no ho, sɛdeɛ adiyisɛm ne nkɔmhyɛ honhom no teɛ, ne Onyankopɔn tumi a ɛyɛ anwanwa dwuma wɔ wɔn mu no—aane, mese mo sɛ, sɛdeɛ Awurade te ase yi, Lamanfoɔ no dodoɔ ara a wɔgyee wɔn asɛmpaka diiɛ, na wɔsakra baa Awurade nkyɛn no, amfiri ne kyɛn da.”
Wɔaka saa nkorɔfoɔ yi nsakraeɛ pintinn no safoa ho asɛm wɔ nkyekyɛmu a ɛtoa soɔ no mu: “Na wɔbɛyɛɛ ateneneefoɔ; na wɔde wɔn atuateɛ akodeɛ no guu fam, sɛ wɔrenko ntia Onyankopɔn anaa wɔn nuanom no mu biara bio.”
Saa “atuateɛ akodeɛ” yi ntotoho yɛ deɛ yɛhunu anaa ahyɛnsodeɛ. Ɛkyerɛ wɔn akofena ne wɔn ko akodeɛ afoforɔ, na mmom nso wɔn asoɔden ma Onyankopɔn ne Ne mmaransɛm.
Saa Lamanfoɔ a wɔasakra yi hene kyerɛɛ mu saa kwan yi so: “Na afei monhwɛ, me nuanom, ayɛ sɛdeɛ yɛbɛtumi ayɛ nyinaa ne no sɛ yɛbɛsakyera afiri yɛn bɔne nyinaa ho ne awudie bebrebe a yɛadi, sɛdeɛ yɛbɛnya Onyankopɔn ama wayi afiri yɛn akoma mu, ɛfiri sɛ ɛno ara na yɛbɛtumi ayɛ de asakyera yie wɔ Onyankopɔn anim ama wayi yɛn nkekaawa afiri hɔ.”
Hyɛ ɔhene nsɛm no nso—wɔn nokorɛ nsakyeraeɛ amma wɔn wɔn bɔne fakyɛ nko ara, mmom Onyankopɔn nso yii saa bɔne no nkekaawa firii hɔ, mpo ɔpɛ sɛ wɔyɛ bɔne firii wɔn akoma mu. Sɛdeɛ monim no, sɛ ɛbɛba sɛ wɔbɛsan akyiri de wɔn ho ato asiane mu akɔ atuateɛ tebea a ɛtia Onyankopɔn no, wɔsiee wɔn akofena. Na sɛdeɛ wɔde akoma sesa siee wɔn honam mu akodeɛ no, wɔsiee wɔn suban sɛ wɔbɛyɛ bɔne nso.
Yɛbɛtumi abisa yɛn ho deɛ yɛbɛtumi ayɛ sɛ yɛbɛdi saa nhwɛsodeɛ yi so, sɛ yɛde yɛn “akodeɛ a ɛyɛ [yɛn] atuateɛ bɛgu hɔ,” sɛdeɛ wɔteɛ biara na yɛbɛnya “nsakraeɛ [ama] Awurade” sɛ wɔbɛyi bɔne mu nkekaawa ne ɔpɛ ma bɔne afiri yɛn akoma mu na yɛrentwe yɛn ho nkɔ da.
Atuateɛ bɛtumi ayɛ nkekaho anaa anibiannaso Anidaho atuateɛ nhwɛsoɔ a ɛdi mu ne Lucifer, ɔno a, ansa na ewuo tebea wiase hɔ no, ɔkasa tiaa Agya no gyeɛ nhyehyɛeɛ no na ɔboaa afoforɔ ano sɛ wɔn nso nkasa ntia, “na, saa da no, dodoɔ no dii n’akyiri.” Ɛnyɛ den sɛ wotumi hunu n’atuateɛ a ɛrekɔ so no nkɛntɛnsoɔ wɔ yɛn ankasa berɛ yi mu.
Mormon Nwoma no mu anti-Kristofoɔ mmiɛnsa a wɔnyɛ kronkron—Sherem, Nehor, ne Korihor—ma atuateɛ ho adesua a ɛdi mu ahoɔden so tia Onyankopɔn. Nehor ne Korihor nsɛm a ɛtrɛɛe ne sɛ bɔne nni hɔ; ɛno nti, ɛho nhia sɛ wɔsakyera, na Agyenkwa biara nni hɔ. “Onipa biara di yie sɛdeɛ ne nyansa kɛseɛ teɛ, na … onipa biara di nkonim sɛdeɛ n’ahoɔden teɛ; na biribiara a onipa [yɛ] biara no nyɛ bɔne.” Anti-Kristo po nyamefɛrefoɔ tumidie, ayɛyɛdeɛ nsɛsoɔ ne apam nneyɛɛ sɛdeɛ “tete asɔfoɔ ahyehyɛ ato hɔ, de pere tumi ne tumidie.”
Nna a ɛdi akyire anidaho atuateɛ nhwɛsoɔ a ɛyɛɛ adwuma nyaa anigyeɛ awieeɛ yɛ William W. Phelps ho abasɛm no. Phelps de ne ho bɔɔ Asɔre no wɔ afe 1831 mu na wɔfrɛɛ no sɛ Asɔre nwoma tintimfoɔ. Ɔhyehyɛɛ deɛ Asɔre no tintim baa dwa so kane no bebree, twerɛɛ nnwom ahodoɔ bebree, na ɔsomm sɛ ɔtwerɛtwerɛfoɔ maa Joseph Smith. Anni ammoa, ɔdanee ne ho tiaa Asɔre ne Nkɔmhyɛni no, mpo kɔduruu baabi a ɔmaa atorɔ adanseɛ faa Joseph Smith ho wɔ Missouri asɛnnibea bi, a ɛboa maa wɔde Nkɔmhyɛni no too afiase wɔ hɔ.
Akyire yi, Phelps twerɛ kɔmaa Joseph srɛɛ no bɔne fakyɛ. “Menim me tebea, wo nso wonim, na Onyankopɔn nso nim, na sɛ me nnafonom bɛboa me a, mepɛ sɛ menya nkwagyeɛ.”
Wɔ ne mmuaeɛ mu no Nkɔmhyɛni no kaa sɛ: “Ɛyɛ nokorɛ sɛ yɛahunu amane bebree wɔ wo nneyɛɛ ho amanebɔ. Nanso, yɛanom kuruwa no ano awie, yɛn Soro Agya pɛ ayɛ hɔ, na yɛda so te nkwa mu. Bra mu, onua dɔfo, berɛ a ɔko no atwa mu yi, ɛfiri sɛ yɛyɛɛ nnamfoɔ dii kan a, yɛyɛ nnamfoɔ bio awieeɛ yi.”
Wɔ nokorɛ nsakyeraeɛ mu, William Phelps siee n’“atuateɛ akodeɛ” maa wɔgyee no kɔyɛɛ fekuomuni bio, na wantwe ne ho ankɔ bio da.
Ebia ɛsum mu su atuateɛ kɛse de tia Onyankopɔn, mmom, ne hɔ ne hɔ suban no—yɛrepo Ne pɛ wɔ yɛn asetena mu. Dodoɔ a wɔrensusu da sɛ atuateɛ wɔ ahoɔden no bɛkɔ so afa wɔn ankasa kwan so ako atia Onyankopɔn pɛ ne n’asɛm a wɔremmu akwankyerɛ kronkron. Akae me nnwom bi a ɛgyee din mfeɛ bi a atwa mu a dwontofoɔ no ne Frank Sinatra a na ɛwie sɛ “Meyɛɛ wɔ me ara kwan so.” Ɛyɛ nokorɛ asetena mu kwan bebree wɔ hɔ ma deɛ woankasa pɛ ne deɛ ankorankoro bɛyi, nanso sɛ ɛba nkwagyeɛ ne nkwa a ɛnni awieeɛ nsɛm mu a, ɛsɛ sɛ yɛn nwom tiasɛm yɛ “Meyɛɛ no Onyankopɔn kwan so,” ɛfiri sɛ nokorɛ mu ɔkwan foforɔ biara nni hɔ.
Fa no sɛ ebia Agyenkwa no nhwɛsoɔ ɛfa asubɔ ho. Ɔgyaee ne ho maa asubɔ sɛ ɔyɛkyerɛ ne nhwɛsoɔ maa yɛn ne sɛ nokorɛdie maa Agya no:
“Ɔde kyerɛɛ nnipa mma sɛ, sɛdeɛ honam fa mu teɛ no ɔbrɛ ne ho ase wɔ Agya no anim, na ɔdi adanseɛ de kyerɛ Agya no sɛ ɔbɛyɛ setie ama no adi ne mmaransɛm so.
“Na ɔsee nnipa mma sɛ: Moni m’akyi. Ɛno nti, me nuanom adɔfoɔ, yɛbɛtumi adi Yesu akyi berɛ a yɛnya ɔpɛ sɛ yɛbɛdi Agya no mmaransɛm so?”
Sɛ ɛsɛ sɛ yɛdi Kristo nhwɛsoɔ so akyi a, “me kwan” biara nni hɔ. Rebɔ mmɔden ahwehwɛ ɔkwan foforɔ akɔ ɔsoro te sɛ woreyɛ adwuma hunu wɔ Babel Abantenten no so mmom ɛkyɛn sɛ worehwɛ Kristo ne Ne nkwagyeɛ.
Akofena ne akodeɛ afoforɔ a Lamanfoɔ a wɔasakra no de sieeɛ no yɛ atuateɛ akodeɛ ɛnam kwan a wɔfaa so de dii dwuma nti. Saa akodeɛ korɔ no ara a ɛkɔɔ wɔn mma mmarima nsam, ma wɔde bɔɔ abusua ne fahodie ho ban no nyɛ atuateɛ akodeɛ a ɛtia Onyankopɔn koraa. Ɛyɛ nokorɛ korɔ no ara ɛfa akodeɛ a na ɛwɔ Nephifoɔ no nsam: “Na wɔn ko no nyɛ sɛ wɔnya ahennie na ɛnyɛ tumi, mmom na wɔreko ma wɔn afie ne wɔn fahodie, wɔn yerenom ne wɔn mma, ne wɔn adeɛ nyinaa, aane, wɔn som ho amanneɛ ne wɔn asɔre.”
Saa kwan korɔ yi ara so, nneɛma bi wɔ yɛn asetena mu a ɛbɛtumi ayɛ anibiannasoɔ anaa mpo abɔseɛ mu, ɛyɛ papa nanso ɛdii dwuma kwan bɔne so ma ɛbɛyɛ “atuateɛ akodeɛ.” Ebi te sɛ, yɛn kasa, bɛtumi ahyɛ nkuran anaa abu animtia. Sɛdeɛ Yakobo kaae no:
“Nanso tɛkyerɛma no deɛ [ayɛ sɛ] onipa biara rentumi ntete no; ɔyɛ bɔne mu basabasa, a owu mu awuduro ahyɛ no ma.
“Ɛno mu yɛhyira Onyankopɔn, mpo Agya no; na ɛno mu yɛdome nnipa, a wɔbɔɔ wɔn Onyankopɔn sɛso.
“Ano korɔ no ara mu na nhyira ne nnome firi ba. Me nuanom, ɛnsɛ sɛ saa nneɛma yi yɛ saa.”
Dodoɔ no ara wɔ ɔmanmufoɔ ne yɛn ankasa nsɛnka mu nnɛ yi a ɛyɛ atirimuɔden ne awudisɛm. Nkɔmmɔdie a ɛyɛ ahuhuo ne nsɛmfi wɔ hɔ, mpo wɔ mmabunu ntam. Saa kasa ban yi, yɛ “atuateɛ akodeɛ” tia Onyankopɔn, “owu mu awuduro ahyɛ ma.”
Susu nhwɛsoɔ foforɔ ho a ɛfa biribi a ɛho hia a ɛyɛ papa, nanso ɛbɛtumi adane atia akwankyerɛ kronkron—onipa bi adwuma. Obi bɛtumi anya abotɔyam ankasa wɔ adwuma, nsaano dwuma, anaa ɔsom mu, ma yɛn nyinaa nya mfasoɔ firi nkorɔfoɔ a wɔasɛe berɛ biribi ho ne adom akyɛdeɛ wɔ adesua nteteɛ mu anya anaa wɔanwono biribi mu.
Ɛkɔ so no, ɛbɛtumi ayɛ sɛ berɛ sɛeɛ ma adwuma tumi bɛyɛ botae kɛseɛ ma obi abrabɔ. Afei, deɛ aka biara bɛtɔ so mmienu, a deɛ Agyenkwa no hia firi onii no berɛ ne adom akyɛdeɛ mu biara ka ho. Ɛma mmaa ne mmarima nso, wɔregyae awadeɛ mu mmara kwan so akwanya, di nkoguo wɔ nkabom mu ne sɛ ɔyere anaa okunu bɛma ne yɔnko so, nkoguo wɔ mmɔfra nteteɛ mu, anaa mpo wɔhyɛ da kwati nhyira ne abɔfra nteteɛ ho asodie sɛ adwuma kankorɔ nti, ma ɛsesa adwuma pa ho nkamfoɔ kɔ atuateɛ tebea mu.
Nhwɛsoɔ foforɔ a ɛfa yɛn nipadua ho. Paulo bɔ yɛn nkaeɛ sɛ, ɛsɛ sɛ yɛhyɛ Onyankopɔn animuonyam wɔ nipadua ne honhom mu, ɛno nti, saa nipadua yi ne Sunsum Kronkron no tɛmpol, “a yɛde Onyankopɔn, na yɛnne yɛn ankasa yɛn ho.” Ɛno nti, yɛwɔ ho kwan kann sɛ yɛsɛe berɛ de hwɛ yɛn nipadua yie sɛdeɛ yɛbɛtumi biara. Yɛn mu kakra bi na ɛbɛduru dwuma sorɔmsorɔmbea a yɛahunu nansa yi wɔ deɛ Olympic ne Paralympic mmirikatufoɔ anya no, a yɛn mu bi rete ɛnyini nka, anaa deɛ Titenani M. Russell Ballard frɛɛ no “nnadewa a ɛreyiyi.”
Nanso, megye di sɛ sɛ yɛbɔ mmɔden hwɛ nipadua a ɛyɛ N’akyɛdeɛ nwanwasoɔ no so a ɛsɔ yɛn Bɔadeɛ no ani. Ɛbɛyɛ atuateɛ agyiraeɛ sɛ obi bɛsɛe ne nipadua ani agu ho fi, anaa ɔnhwɛ so yie, anaa ɔmmfa apɔmuden asetena kwan so nyɛ deɛ ɔbɛtumi de ahwɛ so. Berɛ korɔ no ara mu, ahuhudeɛ ne sɛ obi ma ne braneyɛ di ne so, ne hwɛbea, anaa ataadehyɛ tumi yɛ biribi sɛ atuateɛ wɔ ɛfa baabi, a ɛredi obi anim ma ɔsom Onyankopɔn akyɛdeɛ na ɛnyɛ Onyankopɔn no.
Awieeɛ no, resie yɛn atuateɛ akodeɛ a ɛtia Onyankopɔn tiawa mu kyerɛ sɛ, yɛregyae yɛn ho ama Sunsum Kronkron no asotuo, aworɔ honam mu nipa no afiri yɛn so, abɛyɛ “ɔhoteni nam Awurade Kristo mpata no so.” Ɛkyerɛ sɛ yɛde mmaransɛm a ɛdi kan no redi kan wɔ yɛn asetena mu. Ɛkyerɛ sɛ worema Onyankopɔn adi so. Sɛ yɛn Nyankopɔn ho dɔ ne yɛn ahotosoɔ sɛ yɛde yɛn tumi, adwene, ne ahoɔden nyinaa bɛsom No bɛyɛ susudua a yɛfa so bu nneɛma nyinaa atɛn, na yɛsi yɛn gyinaeɛ nyinaa a, na yɛasie yɛn atuateɛ akodeɛ no. Ɛnam Kristo adom so, Onyankopɔn de yɛn bɔne ne atuateɛ a atwa mu no bɛkyɛ yɛn, na ɔbɛfa saa bɔne ne atuateɛ nkekaeɛ no afiri yɛn akoma mu akɔ. Berɛ mu no, mpo Ɔbɛyi ɔpɛ biara ma bɔne afiri hɔ, sɛdeɛ berɛ a atwa mu no, Ɔyɛ maa saa Lamanfoɔ a wɔsakraae no. Ɛno akyi, Yɛn nso “[rentwe] yɛn ho nkɔ da.”
Yɛresie yɛn atuateɛ akodeɛ de yɛn kɔ anigyeɛ soronko mu. Obiara a wɔabɛsakra ama Awurade da no, wɔde yɛn “aba sɛ yɛmmɛto ɔdɔ ho dima [nnwom].” Yɛn Soro Agya ne Ne Ba, yɛn Gyefoɔ no, asi Wɔn ahofama a ɛnwie da no so dua ama yɛn anigyeɛ a ɛsene biribiara, deɛ ɛnam ɔdɔ ne afɔrebɔ kɛseɛ a ɛmu dɔ no so. Yɛfa wɔn dɔ mu dabiara. Nokorɛ mu yɛbɛtumi de yɛn ankasa dɔ ne nokorɛdie adɔ wɔn bi. Momma yɛnsie—nkɔ akyiri—ankomadeɛ atuateɛ biara a ɛtia Onyankopɔn wɔ yɛn asetena mu, na yɛmfa ɔpɛ akoma ne ɔpɛ adwene nsi ananmu. Wɔ Yesu Kristo din mu, amen.