Haapuai i [te fare e] te utuafare
E [tauturu teie mau] parau tumu tootoru … ia outou ia haapuai i to outou mau fare e to outou mau utuafare.
A mataitai noaʼi tatou i te Heiva tuaro no te ao nei no te pae no te mau tuaro na niʻa i te hiona i te matahiti 2002 mai te omuaraa mai e tae atu i te hopea, aita i tae ia tauturuhia, ia haamanao noa ra tatou i teie mau feia o tei hoʻi i te fare e ta ratou fetiʻa auro. Ua tae mai e rave rahi maona o tei faaineine ia ratou e rave rahi matahiti i teienei, no te tataʻu, ma te tiʻaturi e upootiʻa ratou. Ei feia apî tamahine i roto i te Ekalesia, te faaineine e te tataʻu atoa nei outou no te haru mai i te hoê fetiʻa a ura puai noaʼi te Varua i roto ia outou.
E horoʻa mai te faanahoraa o te mau Feia Apî Tamahine i te hoê faaineineraa faahiahia mau i niʻa i te tahua no te tauturu ia otutou tataitahi ia faatupu i ta outou mau opuaraa, e te faahaamanao tamau noa nei te parau tumu o te mau Feia Apî Tamahine ia tatou e ere tatou anae i roto i te tataʻuraa. Tei roto tatou i te pupu o te Fatu, e tei pihai iho noa oia ia tatou no te tauturu ia tatou ia faahoi i te fetiʻa auro i te fare.
Ei tamahine na te Atua, ua noaa i te tahi o outou i te ite rahi no te pae o te maona, tera ra ua haamaitaihia outou paatoa na roto i to outou faariiraa i te mau taleni e te mau horoʻa. Hoe o te horoʻa papu roaʻe o ta outou i faarii, o to outou ia ite ia haapuai i to outou mau fare e to outou mau utuafare. E irava parau teie o tei amuihia i te parau tumu o te mau Feia Apî Tamahine. Te ite anei outou i teie mau taʻo? Te hereraa e te haapuairaa i to tatou mau utuafare o te hoê ia o te mau hopoiʻa i horoʻahia mai ia tatou, ei mau tamahine e ei mau vahine i roto i te basileia.
Te pure nei au i teie nei pô ia faatupu te Varua i te ahu i roto ia outou, no te faatupuraa i roto ia outou i te hoê hinaaro rahi ia haapuai i to outou mau utuafare i teienei e no te faaineine i to outou utuafare no amuri. Te horoʻa nei te mau papairaa moʻa i te mau ravea e rave rahi no te haapii mai ia tatou e nahea e haapuai i to tatou mau utuafare. Aitaʼtu e taata haapii hau atu i te Faaora. A haapii noaʼi outou i Tana mau haapiiraa e a pee i Tona hioraa, e nehenehe ta outou e faatupu i te hoê oraraa utuafare matai aʻe. E parau tatou no niʻa e parau tumu tootoru e tauturu ia outou ia haapuai i to outou mau fare e to outou mau utuafare:
-
Te faaamu
-
Te Tusia
-
Te Pure
TE FAAAMU
O vai o tei ore e au nei i te hauti na muri i te hoê tamarii e aore ra i te amo i te hoê aiu fanau apî i roto i tono na rima? Ei vahine, ua fanauhia tatou e te hoê ite tumu ia here e ia faaamu i vetahi. Teie te auraa no te faaamu, oia hoi ia turu te tahi i te tahi, ia faaitoito te tahi i te tahi, ia faaamu e ia here te tahi i te tahi. Te na reira anei outou i roto i to outou mau utuafare?
Ua haapii mai te Faaora, oia iho, ia tatou ia faaamu. E rave rahi taime ua parau Oia, “E rave rahi taʻu haaputuputuraa ia outou mai te moʻa e haaputu i toʼna fanauʻa i raro aʻe i toʼna pererau ra, e e faaamu ia outou na” (3 Nephi 10:4).
Ia haaputu anaʻe outou paatoa e te utuafare, e nehenehe ta outou e faahau atu i te aniraa i te hoê varua hoê. Eaha te taime hopea i to outou tauahiraa i to outou mama e to outou papa ma te parau atu mauuruuru no te mau mea atoa? O te mau metua te mau taata faaamu roaʻe, tera ra e hinaaro atoa ratou ia faaamuhia ratou.
Ei vahine, e nehenehe tatou e haaputuputu i to tatou mau fanauʻa moa i raro aʻe i to tatou na pererau o te here e te maru. i teie mau mahana ua hiʻo atu vau i te hoê metua vahine i te paraparau ra i tana tamarii e piti matahiti tiʻa. i tona taʻiraa aita te metua vahine i taa noaʻe i tana hinaaro, e ua parau te metua vahine, “Eiaha e taʻi. A faaohipa i ta oe mau taʻo. A parau mai iaʻu e, eiaha teie.” Ua faaite oia i te hoê tura i tana aiu e piti matahiti tiʻa e ua mau roa oia i te taʻi e ua “faaohipa oia i tana mau taʻo.” Ua haapii teie metua vahine apî e nahea e faaamu ai.
I to te Metua i te Ao ra faaiteraaʼtu i te Faaora i te ao nei, ua faaite Oia i te hoê faaamuraa maitai na roto i te faaohiparaa i hoê reo haʻihaʻi. Te na o mai nei te parau o te papairaa moʻa, “Faaroo aʻera ratou i te hoê reo mai te mea no o mai ia mai te raʻi ra; … e ere ia i te reo maniania, e ere atoa ïa i te reo rahi; iti haihai noâ te reo, ua patia mai i te aau mau iho” (3 Nephi 11:3).
I roto i to tatou mau fare, e nehenehe teie mau mea i parauhia e riro ei hioraa no te mau melo o to tatou utuafare. Eiaha tatou e faaohipa i te reo maniania, ia faaohipa ra i te reo haihai ia paraparau anaʻe tatou i te mau taata o tei herehia e tatou. Teie te eʻa o tei parauhia e te Metua i te Ao ra i Tana mau tamarii.
TE TUSIA
Te piti o te parau tumu o te tusia ia. Ei feia apî tamahine, te haapii nei tatou i te tusia i te mau mahana atoa. Te maere nei matou i te mau ohipa maitai o ta outou e rave nei:
-
I muri mai i ta outou haapiiraa, e tauturu outou i to outou metua vahine i te ohiparaa i te fare ia ani anaʻe ona.
-
E parahi outou i te fare ma te ore amui atu i te mau oroa i te mau hopea hepetoma no te mea hoi eita outou e mataitai i te mau hohoa tano ore noaʼtu e e tahitohitohia outou.
-
E tautini i rotopu ia outou o tei ara i te hora pae i te mau poipoi atoa no te haere atu i te haapiiraa evanelia otei haamata nei i te aahiata, na mua e haere ai i te fare haapiiraa.
Te haapoupou nei te Faaora ia outou. Te ite nei Oia i te mau e raterehia ra e outou. Te taa nei Oia i te fifi no outou i faatusiaraa. Ua haapii mai te Faaora ia tatou i te faatusia. Ua faatusia Oia i tona ora na te mau taata atoa.
I muri mai i tona tiʻafaahouraa, te haapiiraa matamua o Tana i haapii i te Ati Nephi no niʻa ia i te huru no tona tiʻafaahouraa. Ua parau oia: “Ua oti taʻu inuraa i ta te auʻa avaava i horoʻahia mai e te Metua naʻu ra … i rave ai au i to te Metua hinaaro i te mau mea atoa mai te matamua mai a” (3 Nephi 11:11). Ua faaoti Oia i te hinaaro a Te Metua i te Ao ra.
Te hinaaro nei teMetua i te Ao ra ia faatupu tatou i te hoê utuafare parautiʻa. E fifi te haereraa i mua i te ohipa no te riro mai ei vahine e ei metua vahine, e haamaitaihia ra outou. Te haamano nei au i te tau i riro ai au ei metua vahine apî, te faatai ra vau i te hoê himene na taʻu mau tamahine iti a ori noaʼi ratou na pihai iho i te piha. E himene teie na te mau tama, tera ra te parau nei oia no niʻa i te mau mea atoa:
Ia paari anaʻe vau, e hinaaro vau e riro ei metua vahine e e faarii i te hoê utuafare:
E hoê, e piti, e toru aiu iti naʻu.
I te mau ohipa atoa, eita vau e maiti i te tahi.
E faarii au i te hoê utuafare… .
E e here au ia ratou i te roaraa o te mahana
e e horoʻa atu na ratou i te mau faraoa monamona e te u e te mau popo rearea,
E e taparuparu ia ratou ia fifi anaʻe ratou,
e e taio atu i te mau aamu e e himene i te mau himene nehenehe.
(Janeen Brady, “Te hinaaro nei au ia riro ei metua vahine,” i roto i te buka Beloved Songs [1987], 10–13).
E manao maitai teie. E haamaitairaa rahi ia riro ei metua vahine, e ere i te tusia.
TE PURE
E te toru, te haapii nei te Faaora ia tatou ia pure.
A tauturu ai outou i te haapuai i to outou utuafare, ia riro te pure tamau e tufaa no to outou oraraa e tiʻaʻi. E paruru te pure ia outou i te enemi, e horoʻa te pureia outou i te hau, e e tauturu te pure i to outou utuafare e here hau atu te tahi i te tahi.
I to te Faaora farereiraaʼtu i te Ati Nephi, e tau mahana noa tana no te haapii ia ratou i te iraa o te evanelia. i te roaraa o teie nei tau poto, ua haapuai oia i te haapii i te parau no te pure. Ua ite anei oe, mai te pene 17 e tae atu i te 20 i roto i te toru Nephi, ua parauhia 44 taime i te parau no te pure? E rave rahi taime i tona faaueraa i te nunaa ia pure. Ua tuturi Oia i niʻa i te repo e ua pure Oia no ratou. Ua haapii Oia ia ratou e nahea e pure. Ua haamaitai oia i te mau tamarii rii e ua pure Oia i te Metua no ratou. Ua faaue Oia ia ratou ia pure noa i roto i to ratou aau.
Penei aʻe, e nehenehe outou e afai atu i ta outou mau papairaa moʻa no te hoê ohipa faaoaoaraa amui, taio puai atu ai i na pene toomaha, tareni atu ai i te taʻo pure — faatiʻa atu ai i te mau aamu e te mau iteraa papu no niʻa i te puai o te pure. Te fafau nei au e faarii outou i te Varua o te Fatu e e riro mai ai to outou iteraa papu no niʻa i te pure e te mea puai.
Ua faaite te mau peropheta i to ratou haapeapea-ore-raa i te mau feia apî o tei pure nei e piti taime i te mahana. E teienei, ahiri ratou e ore ai e haapeapea nei no tatou, eiaha ia tatou e haapeapea no tatou iho, mai te mea ra e pure mau ihoa tatou e piti taime i te mahana.
A faaroo mai na i te hoê aamu faahiahia mau i faatiʻahia e te metua vahine o te Peropheta Iosepha Semita no niʻa i te pô a tii ai oia i te mau api auro. Te papai nei oia: “(i taua pô ra) ua vai ara noa ra vau … fatata i te hora ahuru ma piti to Iosepha haereraa mai e ani iaʻu mai te mea e afata taʻu e tae noa‘tu i te hoê ponao e te hoê taviri… . No te mea hoi aita hoê aʻe taʻu, ua peapea iti rahi vau… . Ua parau ra o iosepha, ‘Eiaha e haapeapea, e nehenehe taʻu e rave i te mea maitai aʻe … noaʼtu e aita hoê aʻe—a faaea hau noa—eita e fifi.’ ”
I muri mai, ua reva atu o Iosepha e Emma na niʻa i te hoê pereoo puaahorofenua. A faaroo mai na i teienei i te mau parau a tona nei metua vahine: “Ua pure au ia taua pô ra ma te tiʻaoro i te Atua, te haapeapea ra hoi toʻu nei feruriraa i ore ai au i tae i te taoto.” Ua tamahanahanahia te Peropheta e ua paruruhia te mau api auro e te mau ohumuraa a te hoê metua vahine, ei tamahine parautiʻa na te Atua. i te mau matahiti atoa, ua tauturu tona nei mau pure tamau i te haapuairaa i tona fare e tona utuafare (a hiʻo Lucy Mack Smith, Aamu no Iosepha Semita, fare neneiraa Preston Nibley [1979], 102).
E nahea outou e faaohipa ai i te pure no te haapuai i to outou utuafare? No te mea hoi te here nei te Metua i te Ao ra ia outou, te hinaaro nei Oia ia paraparau tatou ia na. Taae noaʼtu i ta outou mau aroraa, e nehenehe ta outou e pure no te mau mea atoa:
-
E nehenehe ta outou e pure no te ani i te tauturu no te haapao i te mau ture a te utuafare, mai te hoʻi ra i te fare i te hora tiʻa.
-
E nehenehe ta outou e pure no te utuafare, ia faarii oia i te hinaaro ia taio amui i te mau papairaa moʻa.
-
E nehenehe ta outou e pure no te haamaitai i te aparauraa i roto ia oe e to oe metua vahine e aore ra i roto ia oe e to oe metua tane.
-
E nehenehe ta outou e pure no te faaoromai i te hoê tuahine e aore ra tuaana, ma te tauturu atu ia ratou ia tatara i ta ratou mau fifi.
A pure no te mau fifi o te haapeapea nei ia outou! Eiaha e faarue. E nehenehe e e pahono ihoa te Metua i te Ao ra i ta outou mau pure. E rave rahi mau pure taʻu o tei pahonohia. Te vai nei te tahi mau pure o tei ore i pahono-atura-hia. E pahonohia i ta tatou mau pure i te taime ta te Fatu i faataa, ia ineine anaʻe tatou.
Ua parau vau, i teie pô, no niʻa na parau tumu tootoru o tei tauturu ia outou ia haapuai i to outou mau fare e to outou mau utuafare:
-
Te faaamuraa
-
Te tusia
-
Te pure
Ua faaite mai te Faaora, to tatou hoa, i te eʻa ia tatou. ia faaohipa anaʻe outou i Tana mau haapiiraa, eita roa e noaa ia outou i te Fetiʻa moni e aore ra auro, e faarii ra outou i te fine o te tamahine tiʻa o tei nehenehe e horoʻa i te hoê utuʻa maitai rahi aʻe. E tauturu atoa te reira i te tamau i te faatupuraa i te ahu o te Varua Maitai, i roto ia outou tataitahi. A haapii noaʼi outou e a faarahi noaʼi outou i te here i te mau papairaa moʻa, te pure nei au ia itehia mai ia outou i te tahi atu mau ravea no te haapuai i to outou fare e to outou utuafare. i te ioʻa o iesu Mesia ra, amene.