Ua aʻo mai ratou ia tatou

E parau faataaraa na te mau tamarii no te ekalesia iritihia mai no roto i te 172raa o te amuiraa rahi, te 6–7 no eperera 2002

Peresideni Gordon B. Hinckley: Mai te fetiʻa poro i niʻa i te raʻi, ma te faaite ore i te mea e tupu i muri nei, tei reira te Faaora o to te ao i te tiʻa noa raa mai… . I roto i te mahana e i roto i te poiri e hiʻo â tatou Ia’na, e tei reira Oia no te faaite papu ia tatou e no te ataata mai ia tatou. O Oia te haapûraa o ta tatou haamoriraa.

Peresideni Thomas S. Monson, tauturu matamua i roto i te Peresideniraa Matamua: I roto e rave rahi mau utuafare, te vaira te mau manaʻo i haamauiuihia e te feaa nei i te faaore i te hapa. Aita e hiʻoraa i te mea i haamauiui. Eita râ e tiʻa e eiaha ia vaiiho noahia taua puta ra. E tatara noa te mau faahaparaa i te mau puta. E rapaau râ te tatarahapa.

Peresideni James E. Faust, tauturu piti i roto i te Peresideniraa Matamua: A tahi, ua riro te pure ei faaiteraa haehaa e o te Atua to tatou Metua e o te Fatu Iesu Mesia to tatou Faaora. A piti, e faîraa haavare ore i te hara e i te ofatiraa ture e o te hoê titauraa no te tatarahapa. A toru, e iteraa mau e, e hinaaro tatou i te tauturu hau atu i to iho paari. A maha, e raveʻa ïa no te horoʻa i te haamauruuru e te aau mehara i tei Poiete ia tatou.

Peresideni Boyd K. Packer, mono peresideni no te Pŭpŭ no te Tino Ahuru Ma Piti Aposetolo: Aita e mea o te nehenehe ia faaauhia i te hoê metua i rave i ta’na hopoiʻa e inaha i muri mai e haapii oia i taua hopoiʻa ra i ta’na mau tamarii. Aita e mea o te nehenehe ia faauhia i te hoê metua vahine o te faaea i pihai iho ia ratou no te tamahanahana e no te horoʻa i te parururaa papu ia ratou.

Elder M. Russell Ballard no te Pŭpŭ no te Tino Ahuru Ma Piti Aposetolo: Ei hau—te hau mau, te hau mai roto roa mai i to oe iho varua—e roaa te reira na roto i te faaroo i te Fatu ia Iesu Mesia.

Elder Robert D. Hales no te Pŭpŭ no te Tino Ahuru Ma Piti Aposetolo: E faatea te maramarama i te poiri. Ia vai mai te maramarama, e haere ê atu … te poiri. Te mea faufaa atu â, eita roa te poiri e rê i niʻa i te maramarama maoti râ, ia maue ê atu te maramarama e aore râ, ia faatea roa. Ia vai mai te maramarama varua o te Varua Maitai, e faatea ê Satane.

Elder Jeffrey R. Holland no te Pŭpŭ no te Tino Ahuru Ma Piti Aposetolo: E nehenehe tatou ia … hamata i to tatou tere hoʻi i to tatou Metua. E mea tiʻa ia tatou ia rave oioi i te reira e ma te haehaa e nehenehe atoa tatou e patoʻi. E nehenehe tatou ia taiʻo i ta tatou mau rahiraa haamaitairaa e e nehenehe tatou e haapopou ia vetahi ê no to ratou manuïa. Hau roa’tura i te mau mea’toa, e tavini tatou ia vetahi ê, e ohipa te reira na te aau.

Elder Henry B. Eyring no te Pŭpŭ no te Tino Ahuru Ma Piti Aposetolo: E mea tiʻa … i te mau melo apî ia maiti no ratou iho na roto i te faaroo ia bapetizohia, ma te tiʻaturi i to ratou hoa mau, te Faaora… . E mea tiʻa ia maiti ratou ia farii i te horoʻa a te Varua Maitai… . Eiaha râ e no te hoê noa iho taime, area râ, no te mau mahana atoa, no te mau hora atoa, no te mau minuti atoa. Noa’tu e e haere mai te Varua Maitai no te faaurû mai ia ratou i te mau mea e tiʻa ia ratou ia rave, noa’tu e rave e aore râ, eita ratou e rave, e maitiraa te reira.

Elder Earl C. Tingey no te peresideniraa no te Pŭpŭ Hitu Ahuru: E hau taaê o tei hau i te ite atoa o te tae mai ia outou e to outou mau utuafare ia aufau outou i te hoê tufaa ahuru tiʻa… . E ite outou e te here nei to outou Metua i te Ao ra ia outou.

Te tuahine Gayle M. Clegg, tauturu piti i roto i te peresideniraa rahi o te Paraimere: E haamaitairaa ia vaiiho i te mau tamarii ia horo atea roa na roto i to ratou iho puai, e ia patu i to ratou iho mau iteraa papu.