MANATU MO AFIAFI FAALEAIGA

O nei manatu e mafai ona faaaogaina mo aoaoga i potuaoga faapea foi i le aiga.

“Tauagafau: Faaaloalo mo le Alii,” i. 18: Faitau le vaega “Tauagafau i Lavalava e Auai Atu ai i le Malumalu,” ma valaaulia tagata o le aiga e tali i fesili o loo i parakalafa mulimuli e lua. (I le talanoaga lenei, ia faamanatu atu i lau fanau e uiga i ni taimi na latou faia ai ni lavalava talafeagai). Ia valaaulia lou aiga e talanoa i le faiga o o latou lavalava mo isi fuafuaga, e pei o le aoga, galuega, po o gaoioiga faafiafia (tagai Mo Le Malosi o le Autalavou [2001], 14).

“Fausiaina o se Aiga e Faavavau,” i. 34: Ina ia faailoa atu le taua o se faavae mausali, fau se olo laitiiti e faaaoga ai poloka; ona aveese lea o se poloka mai le pito i lalo [o le olo]. A o e fetufaaiina atu le tusiga lenei, tuu atu i tagata o le aiga e ta’u mai ni auala na faia ai e le tuaa o Elder De Hoyos se faavae mausali mo lona atalii. Ia talanoaina ni auala e mafai ona faamalosia ai e lou aiga lona faavae.

“O Le Tofotofoga Sili o Lona Olaga … E Oo Mai Nei,” i. 38: Tusi i ni fasipepa ni nai luitau o loo fetaiai ma lou aiga. Faamatala atu le tala ia Andrea, ma faitau le tusiga o loo faaopoopo atu ai “O Le Tusi Aoga a le Alii.” Fai i tagata o le aiga e filifili se fasipepa, ma tuu atu ia i latou e sue se mau e mafai ona fesoasoani i lena luitau.

“O Le Isi Taimi O Le A Ou Faalogo!” i. U10: Taaalo i le taaloga lenei e iloa ai le auala o loo taialaina ai i tatou e le Agaga Paia. Tofi se tagata o le aiga e aluese mai ma le potu. Nanā se ata o le Alii i totonu o le potu. Toe aumai le tagata i totonu ma na sueina le ata. Taitai o ia e ala i le fai atu “vevela” pe afai o loo agai atu o ia i le ata ae o le “malulu” pe a aluese mai le ata. A o e faamatala atu le tala ia Manuele, vaavaai mo le mea na ia aoaoina e uiga i le faalagolago i le Agaga. Ia faaiu i le faitauina o le Mataupu Faavae ma Feagaiga 11:12.

“O Le Masani a Pablo,” i. U14: Ia faamatala atu le tala ia Pablo. Ina ia fesoasoani e saunia tagata o le aiga mo se misiona, ia tuuina atu se aoaoga e faatatau i tomai e ao ona iloa e faifeautalai, e pei o le aoao atu, faiga o le auli, faiga o fuafuaga, po o le suesueina o tusitusiga paia (tagai Talai La’u Talalelei mo nisi manatu). Ia faaiu i le aoaoga o le kuka e ala i le faiga o se meaai manaia. Ia fuafua nei e fai se mea faapitoa mo le galuega faafaifeautalai.