Saili e le Falemataaga ni Manatu e Tuuina Mai mo le Tauvaga o Tusigaata a le Ekalesia

Faatasi ai ma le sini ina ia aumaia ni manatu mai le lalolagi atoa, ua valaaulia ai e le Falemataaga o Talafaasolopito ma Faatufugaga a le Ekalesia ia tagata o le ekalesia ina ia tuuina mai a latou fatufatuga o faatufugaga mo le Tauvaga Lona Valu o Faatufugaga Faavaomalo.

O le tauvaga e tai tolu tausaga ma faia ma e faamamafaina ai galuega mai tusiata faapolofesa ma tusiata tau amata o le Au Paia o Aso e Gata Ai. O le tauvaga i le tausaga lenei e taulai atu i le autu “Manatuaina o Mea Silisili a le Atua.” E tusa e 225 ata e atagia ai lenei autu o le a filifilia e faaalia i se faaaliga ia Mati 2009.

Ina ia faafaigofie le faagasologa o le tuuina mai mo tusiata i le lalolagi atoa, o le a taliaina ai ia ata e tuuina mai i le Initoneti e ala i se polokalama fou o le Initoneti. E tatau ona auina mai ia ata uma i le Initoneti pe i ai foi le faailoga a le falemeli [e lafo mai ai] a o lei oo i le aso 10 o Oketopa, 2008.

Mo faamatalaga mo le auina mai i le meli, faafesootai le falemataaga i le:

Eighth International Art Competition

Museum of Church History and Art

45 N. West Temple Rm. 200

Salt Lake City UT 84150-3470, USA

E tatala le tauvaga i tagata o le ekalesia e 18 tausaga pe matutua atu i le faaiuga o le 2008. O ata e filifilia mo le faaaliga o le a aofia ai aafiaga o le Au Paia o Aso e Gata Ai i soo se mea lava. O loo maua ia faamatalaga faaopoopo e uiga i le autu, tulafono, faamasinoina, ma le auina mai i le lds.org/ artcompetition.