Molimau Faapitoa

E mafai faapefea ona puipuia faaleagaga a’u?

Ua faasoa mai e Elder Dallin H. Oaks o le Korama a Aposetolo e Toasefululua ia nisi o ona manatu e uiga i lenei mataupu.

Mai le “Aua Ne’i Faaseseina,” Liahona, Nov. 2004, 45–46.

Ua aoaoina outou i le amiotonu ma faamautinoa atu lona moni, o lea ia tumau ai.

Ia taofi mau i tusitusiga paia, o ona aoaoga e puipuia ai i tatou mai le tiapolo.

Tausi ia poloaiga, tatalo mo le taitaiga, ma auai i le lotu ma taumafa i le faamanatuga i Aso Sa taitasi.

E tatau ona tatou salamo i a tatou agasala i vaiaso taitasi, ma faafouina a tatou feagaiga e ala i le taumamafa i le faamanatuga ma lima mama ma loto mama.

E le tatau ona [tatou] faia soo se mea e tuliese ai le Agaga.

E le tatau ona tatou faaaogaina pe faia ni mea i o tatou tino e tuliese ai le Agaga o le Alii ma tuua ai i tatou e aunoa ma se puipuiga faaleagaga mai le faaseseina.