Ua Maua Nei ia Punaoa Faavaomalo i le Saite o Musika a le Ekalesia

O faafouga lata mai nei i le Uepi saite o musika a le Ekalesia, ua ofoina mai ai lomiga PDF o viiga i le faaSipaniolo, Farani, ma le Potukale. O loo maua ai foi musika ua pueina mai le Tusipese a Tamaiti, faapea foi ma viiga i le faaSipaniolo. O isi punaoa fou faaopoopo i le faaSipaniolo, Farani, ma le Potukale e aofia ai lesona i le taimiina po o le taina o musika ma le lomiga PDF o le Hymns Made Easy, o se tusi ua faafaigofie ai le taina o viiga.

“Ua faia e le Ekalesia se taumafaiga tele talu mai le 2005 ina ia maua nei mea i luga o le Initoneti i gagana eseese,” o le saunoaga lea a Diane Bastian, o le taitai faamaopoopo o le Uepi saite. “O le taimi muamua na matou tuuina ai musika i le Uepi saite, sa tele lava ni manatu na faailoa mai na talosaga mai ai i nei mea. Ua i ai tagata mai le tele o atunuu ua tagatagai i lenei saite, ma matou te mananao e tuuina atu mea o loo latou moomia.”

E ui e na o le 4 gagana o loo maua i le taimi nei i le Initoneti, ae o pese ua pueina mai le Tusipese a Tamaiti o loo maua e ala atu i Faletusi a le Ekalesia i gagana e 10 (Take, Igilisi, Farani, Siamani, Italia, Iapani, Korea, Meniterini, Potukale, ma le Siapniolo). O viiga ua pueina o loo maua i le Igilisi ma le Sipaniolo.

O le Uepi saite o musika a le Ekalesia na faalauiloaina i le 2004 i se taumafaiga ina ia maua e tagata o le ekalesia ia le faamanuiaga o le faigofie ona maua musika o le Ekalesia. O loo i ai le Interactive Church Music Player, lea e mafai ai e tagata e faaaogaina ona vaai, faalogologo, ma lolomi ia viiga a le Ekalesia ma pese a tamaiti. Soo se musika lava e mafai ona sii mai i le ituaiga PDF po o le MP3. Ina ia sailiili atili i mea o loo maua i le saite, asiasi i le www.lds.org/ churchmusic.