Mga Ideya sa Family Home Evening

Kining mga sugyot sa pagtudlo mahimong gamiton sa klasehanan ingon man usab sa panimalay. Mahimo ninyong ipahaum kini nga mga ideya sa inyong pamilya o klase.

“Lawak sa Balay Abutanan,” p. 8: Pag-ipon og magbukot ilawom sa usa ka habol, magpakaaron -ingnon nga kamo anaa sa sakyanan diha sa istorya. Isaysay ang istorya. Hisguti unsa kaha kon anha magpalabay sa Bisperas sa Pasko diha sa van. Hisguti giunsa pagserbisyo sa tag-iya sa balay abutanan ang pamilya. Sa mainampoong paagi pagplano og paagi nga ang inyong pamilya makaserbisyo sa uban niining panahon sa Pasko.

“Usa ka Milagro sa Pasko,” p. 12: Ipakigbahin ang istorya sa mga misyonaryo ngadto sa inyong pamilya. Hisguti ang kalipay nga gikahatag sa pagpanganta ngadto sa mga tawo sa tren. Pagplano og proyekto sa Pasko nga mabuhat sa inyong pamilya alang sa uban.

“Ipahinungod ang Inyong mga Buhat,” p. 20: Pagpili og lima ka mga butang nga gamiton isip mga tikanganan, sama sa dagkong mga bato o papel. Butangi og pangalan ang matag butang sa mga ulohan sa seksyon gikan sa artikulo. Lakang gikan sa usa ka bato ngadto sa laing bato samtang maghisgot kamo sa seksyon. Hunahunaa ang pagbasa sa mga kasulatan gikan sa artikulo. Hisguti ang mga babag nga atong giatubang sa atong mga kinabuhi. Tapusa pinaagi sa pagbasa sa katapusang pipila ka mga paragrap sa artikulo.

“Nahingangha sa Gugma nga Gitanyag ni Jesus Kanako,” p. 28: Basaha ang seksyon, “Paglipay sa Panagtigum” hangtud sa punto nga ang misyonaryo nagsugod sa pagduol sa pamilya. Ipatag-an sa mga sakop sa inyong pamilya kinsa ang mouna sa pagsugat sa misyonaryo. Pagkahuman sa istorya, hisguti ang gugma sa mga ginikanan alang sa ilang mga anak ug ang gugma sa Langitnong Amahan alang kanatong tanan.

“Ang Dili Magpaila nga Tighatag,” p. H14: Ipakigbahin ang istorya ni David uban sa inyong pamilya. Unsa ang nakat-unan ni David? Ginamit ang iyang ehemplo nga mahimong usa ka nagtakuban nga Dili Magpaila nga Tighatag, hunahunaa ang paghimo sa usa sa mosunod: (1) Sa mainampoong paagi pagpili og indibidwal o usa ka pamilya diha sa inyong dapit kinsa tingali magul-anon o nagkinahanglan. Pagplano og angay nga mga buhat sa pagserbisyo alang kanila. (2) Isulat ang mga pangalan sa pamilya sa mga piraso sa papel. Pagpili og usa ka pangalan, ug sa tago serbisyohi kana nga tawo niining semanaha.