Panahon sa Pagpakigbahin

Mga Istorya ni Jesus, Isugilon Kini Kanako

Ni Linda Christensen

“Ug kami naghisgot kang Kristo, kami nalipay diha kang Kristo, kami nagsangyaw kang Kristo, kami nanagna kang Kristo, ug kami nagsulat sumala sa among mga panagna” (2 Nephi 25:26).

Isugilon ngari kanako ang mga mga istorya ni Jesus nga akong ganahang madunggan,

Mga butang nga gusto nakong isugilon niya ngari kanako kon anaa siya dinhi.

Mga panghitabo sa kilid sa dalan, mga sugilanon sa dagat,

Mga istorya ni Jesus, isugilon kanako

(“Suginli Ko sa mga Istorya ni Jesus [Tell Me the Stories of Jesus],” Children’s Songbook, 57)

Unsa ang inyong mga paboritong istorya kabahin ni Jesus? Gusto ba ninyo ang istorya sa Iyang pagkatawo? Nakadungog ba kamo kabahin giunsa Niya pagpahunong ang unos sa dagat? Kahibalo ba kamo nga Iyang giayo ang usa ka tawo nga buta ug mibuhi sa iyang higala nga si Lazarus gikan sa pagkamatay? Nakabasa ba kamo kabahin sa unsa Niya kahigugma ang mga bata?

Ang mga istorya ni Jesus makita diha sa mga kasulatan. Si Nephi, usa ka propeta sa Basahon ni Mormon, misulat, “Ug kami naghisgot kang Kristo, kami nalipay diha kang Kristo, kami nagsangyaw kang Kristo, kami nanagna kang Kristo, ug kami nagsulat sumala sa among mga panagna” (2 Nephi 25:26). Ang Langitnong Amahan misugo sa Iyang mga propeta sa pagpamatuod sa Iyang Anak, nga si Jesukristo, ug paghupot og sagrado nga mga kasulatan aron kita makakat-on kabahin ni Jesus.

Ang mga propeta naghangyo kaninyo sa pagbasa sa mga kasulatan kada adlaw. Panahon sa buwan sa Disyembre, pagbasa kabahin sa pagkatawo ni Jesus ug ang mga milagro nga Iyang gibuhat. Pakigsulti uban sa inyong pamilya kabahin sa bililhong gasa sa Pag-ula. Samtang kamo nagkat-on sa mga istorya kabahin ni Jesus, kamo mapanalanginan nga mobati sa Iyang gugma alang kaninyo, ug ang inyong pagpamatuod sa Iyang ebanghelyo motubo.

Kalihokan

Matag adlaw sa Disyembre tan-awa sa pakisayran sa kasulatan ang pundok sa gagmay nga mga kasulatan alang nianang adlawa nga makita sa pahina H4 ug basaha ang mga istorya kabahin ni Jesus. Dayon kolori ang pundok sa mga kasulatan alang nianang adlawa. Matag adlaw usab paglista og usa ka litrato gikan sa mga Pakete sa Hulagway sa Ebanghelyo (PHE) nga mahimong iuban sa istorya. Ipakigbahin ang inyong paboritong istorya kabahin ni Jesus ngadto sa inyong pamilya.

Pahinumdom: Kini nga kalihokan mahimong kopyahon o i-imprinta gikan sa Internet sa www.lds.org. Alang sa Ininglis, i-klik ang Gospel Library. Alang sa uban nga mga pinulongan, i-klik ang Languages.

Mga Ideya sa Panahon sa Pagpakigbahin

1. Sa dili pa ang panahon sa pagpakigbahin, padak-i ang litrato gikan sa Primary 6, leksyon 46, p. 211. Sugdi ang panahon sa pagpakigbahin pinaagi sa pagpakita og Biblia ug Basahon ni Mormon. Hangyoa ang mga bata sa pag-ila sa duha ka mga basahon. Pagdula og yano nga tagna-tagna nga dula pinaagi sa pagsulti sa pangalan sa usa ka propeta ug pangutan-a ang mga bata asa niini nga han-ay sa mga kasulatan ang naglakip sa mga panudlo niana nga propeta. Ibutang ang gipadako nga kopya sa pahina 211 diha sa pisara. Isulti ang sinemana nga mga baruganan sa ebanghelyo. “Ang mga propeta nanagna nang daan nga si Jesukristo moanhi sa kalibutan.” Basaha ang mga pangalan sa lima ka mga propeta diha sa gipadaku nga kopya, ug isulti kanus-a sila mipuyo dinhi sa yuta. Hangyoa ang mga bata sa pag-ila asa nga basahon sa kasulatan gikan ang matag propeta. Dapita ang tagsa-tagsa ka mga bata o ipabuhat sa mga klase ang pagpangita sa gipanglista nga mga kasulatan: Isaias 7:14; 9:6; Miqueas 5:2; 1 Nephi 11:18–21; Alma 7:9–10; ug Helaman 14:1–6. Hatagi ang matag bata og kopya sa handout para koloran. Pagpamatuod nga ang mga kasulatan mga pulong sa Dios ug kini mipamatuod sa pagkatawo ni Jesukristo.

2. Isulat ang matag semana nga mga baruganan sa ebanghelyo diha sa pisara, ug pagdungan og basa niini. “Ang mga panagna natuman. Si Jesukristo natawo ug ang mga matarung naglipay.” Ipasabut ang pulong panagna. Paggamit og dramatisasyon aron sa pagpaapil sa mga bata sa pagkat-on kabahin sa mga panghitabo nga nahitabo diha sa Bibliya ug diha sa Basahon ni Mormon sa pagkatawo ni Jesukristo (tan-awa sa “Dramatisasyon,” Pagtudlo, Walay Labaw ka Mahinungdanon nga Tawag [1999], 165–66) Pagpakigbahin sa mga kasulatan gikan sa Lucas 2 ug 3 Nephi 1:8–21. Basaha pag-usab ang sinema nga baruganan sa ebanghelyo. Hangyoa ang mga bata sa paghunahuna kabahin sa mga istorya sa pagkatawo ni Jesus gikan sa Biblia ug sa Basahon ni Mormion. Hinganli ang pipila ka mga matarung kinsa naglipay sa Iyang pagkatawo. Tabangi ang mga bata pag-ila nga ang mga matarung naglipay karon samtang atong gisaulog ang pagkatawo ni Jesus. Paghisgut kabahin sa mga pamaagi nga kita mahimong maglipay samtang atong gisaulo ang Iyang pagkatawo. Itudlo ang korus sa “Oh, Come, All Ye Faithful” (Hymns, nu. 202). Pagpamatuod kabahin sa mga asoy sa kasulatan sa pagkatawo ni Jesus.

1. Isaias 7:14; 9:6–7

   PHE 113

2. Lucas 2:1–7

   PHE 200

3. Lucas 2:8–20

   PHE 202

4. Mateo 2:1–12

   PHE 203

5. Mateo 2:13–15

   PHE 204

6. Lucas 2:40

   PHE 206

7. Lucas 2:41–52

   PHE 205

8. Mateo 3:13–17

   PHE 208

9. Juan 9:1–17, 32–38

   PHE 213

10. Mateo 8:23–27

    PHE 214

11. Mateo 19:13–15

    PHE 216

12. Mateo 5:1–10; 6:9–13

    PHE 212

13. Juan 11:1–3, 17–27, 41–44

    PHE 222

14. Lucas 17:11–19

    PHE 221

15. Mateo 21:12–15

    PHE 224

16. Mateo 26:17–30

    PHE 225

17. Mateo 26:36–45

    PHE 227

18. Marcos 14:42–46

    PHE 228

19. Lucas 23:32–46

    PHE 230

20. Juan 20:11–18

    PHE 233

21. Lucas 24:36–43

    PHE 234

22. 3 Nephi 11:1–17

    PHE 316

23. 3 Nephi 17:1–10

    PHE 317

24. Joseph Smith—Kasaysayan 1:14–20

    PHE 403

25. D&P 76:22–24

    PHE 240

Christ’s Image, ni Heinrich Hofmann, sa maayong kabubut-on sa C. Harrison Conroy Co.; talan-awon sa luyo © Photospin