Mensahe sa Pasko gikan sa Unang Kapangulohan ngadto sa mga Bata sa Kalibutan

Pagsunod sa Kahayag

“Ug sa gikaanak na si Jesus didto sa Betlehem sa Judea sa mga adlaw ni Herodes nga hari, tan-awa, dihay mga mago gikan sa sidlakan nga miabut sa Jerusalem,

“Nanag-ingon, Hain ba ang gianak nga hari sa mga Judeo? Kay nakita namo ang iyang bitoon didto sa sidlakan, ug nanganhi kami aron sa pagsimba kaniya.” (Mateo 2:1–2).

Ang mga Maalamong mga Tawo misunod sa kahayag sa usa ka bitoon aron sa pagpangita ug pagsimba sa Manluluwas. Kita mosimba Kaniya pinaagi sa pagsunod sa kahayag sa Iyang ehemplo. Si Jesukristo, ang Anak sa Dios, hingpit nga masulundon, manggiloy-on, ug mabination. Iyang gigahin ang Iyang panahon dinhi sa kalibutan sa pag-alagd, ug Iyang gihatag ang Iyang Kinabuhi aron kita mahimong maghinulsol ug mabuhi hangtud sa kahangturan. Tungod Siya mianhi sa kalibutan, kita nasayud kon si kinsa kita: hinigugmang mga anak sa Langitnong Amahan.

Niini nga Pasko, kita mahimong mokanta uban sa kalipay, moampo sa pagpasalamat, ug mobuhat sa mga maayong mga butang. Samtang kita naningkamot nga mas mahisama sa Manluluwas, kita makaangkon og kalipay niining nindot nga panahon ug kalinaw matag adlaw sa tuig.

Presidente Thomas S. Monson

Presidente Henry B. Eyring

Presidente Dieter F. Uchtdorf

Even the Wise Men of the Earth Must Follow Divine Direction, pinaagi ni J. Leo Fairbanks, sa maayong kabubut-on sa Museum of Church History and Art