Mai le Soifuaga o le Perofeta o Iosefa Samita

O Se Alii Lotoalofa

Mai Aoaoga a Peresitene o le Ekalesia: Iosefa Samita (kosi aoao a le Perisitua Mekisateko ma le Aualofa, 2007), 451–54.

Ina ua siitia atu Iosefa ma Ema Samita i Navu, Ilinoi, sa la fauina ai se Faleoloa Piliki Lanumumu. Sa avea ma ofisa o Iosefa faapea ma se pisinisi e fesoasoani e tausi ai lona aiga.

Ema, ou te manao i ni pauna falaoamata se 20.

E i ai se isi mea e te manaomia?

E le’i leva ona siitia mai ia Iakopo mai Egelani i Navu ma lona tuafafine ma le toalua o lona tuafafine o, Enele. O Iakopo e le o se tagata o le Ekalesia.

Sa ta sue galuega i le aso atoa, Enele Ou te manatu o le a le maua ni a ta galuega.

Ta fesili i le Perofeta mo se fesoasoani.

E le’i feiloai muamua Iakopo ia Iosefa Samita pe na latalata atu foi ia te ia. Sa ia lagonaina se agaga lofituina i le na o le vaai atu ia te ia.

O ia lava o se perofeta moni a le Atua Silisiliese.

Uso e, o le a se mea ou te fesoasoani atu ai ia te oulua i le aso?

Lau Susuga Samita, e i ai ni au galuega?

E mafai ona oulua eliina se alavai?

O le a ma faia le mea sili ma te mafaia.

Sa ave atu e Iosefa nei alii i se vaega e le mamao atu mai le faleoloa ma toso loa lana fuatoso.

E mafai ona oulua eliina se alavai e tolu futu le lautele ae lua ma le afa futu le loloto e mulimuli i le laina lea?

Ina ua uma le alavai, sa la valaau atu ia Iosefa e sau e siaki.

E le sili atu pe ana ou faia e a’u lava ia. O mai tatou o.

Sa avatu e Iosefa i nei alii ni aano manufasi na sili ona lapopoa ma lelei se lua ma ni taga falaoamata se lua.

Ua tele naua nei mea, Iosefa.

O le a ma faia nisi galuega mo ia mea.

Afai ua oulua malilie, alii, ua ou malie foi.

Ona o lenei feiloaiga ma le agalelei o le Perofeta ma isi aafiaga lea na ia lagonaina ai le mana o Iosefa mai le Atua, sa aoao ai Iakopo i le talalelei ma sa papatisoina ma faamauina mulimuli ane i lena lava tausaga.

Ata na tusia e Sal Velluto ma Eugenio Mattozzi