Zanmi pou zanmi
Tanp yo se yon kado Papa nou ki nan Syèl la
Soti nan yon diskou konferans jeneral Avril 200 la
“Tout timoun ki mouri anvan yo rive nan laj rezon, yo sove nan wayòm selès la” (D&A 137:10).
Sa gen kèk ane, m te gen yon tach nan yon konferans pye nan Kalifòni. Lè m t ap retounen Utah, yon bèl dam nan laj 70 an yo te chita bò kote mwen. Non li sete Patti, e li te renmen pale.
Patti te pale konsènan fanmi li—konsènan mari l ak pitit gason l ki te mouri. Konvèsasyon nou an te kontinye jistan nou te prèske ateri. M te di, “Patti, ou te pale pou pifò tan vwayaj la. Anvan nou ateri nan vil Salt Lake la, m ta renmen poze w kèk kesyon.”
M te mande l sensèman, “Patti, èske ou konnen ou pral wè mari w ki te mouri a ankò?”
Li te di, “Oh, èske sa posib?”
Apresa m te mande, “Eske ou konnen ou pral wè pitit gason w, Matt, ki te mouri lè l te bebe a ankò ? ”
Je l te kòmanse mouye, epi vwa li t ap tranble. Lespri Senyè a te touche li. Li te sonje yo anpil.
Apresa m te mande sensèman, “Patti, èske ou konnen ou gen yon bon Papa eman ki nan Syèl la, ki renmen w anpil anpil?”
Li te di, “Se vre?
M te mande, “Patti, èske ou konnen Papa ou ki nan Syèl la gen yon plan espesyal pou ou epi fanmi ou kapab ansanm pou tout tan?
Li te reponn, “Nou kapab?”
M te mande, “Eske ou te janm tande plan an anvan sa?”
Li te di, “Non.”
Trè sensèman, m te mande l, “Eske ou ta renmen konnen li”
Li te reponn, “Wi, m ta renmen sa.”
Lespri Senyè a te touche l pwofondeman.
Misyonè yo te anseye Patti. Twa semèn apre, pandan l te vin Utah, Patti te rele mwen: “Frè Kikuchi, se Patti. Mwen pral batize. Eske ou ka vini nan sèvis batèm mwen?”
Mwen te ale nan batèm nan ak madanm mwen. Anpil manm te jantiman fratènize avèk li. Oh, m pa p janm bliye jwa ki te sou figi li lè li te soti nan dlo a!
M pa p janm bliye jan li te kriye sou lotèl sakre a nan tanp Salt lake la yon ane apre. M sonje aparans pezib ak selès li lè li te sele avèk mari l ak pitit gason l ki te mouri a epi ak pitit fi li ki te vivan an, ki te deja yon manm legliz la.
Zanmi mwen, Patti, te jwenn Senyè Jezikri. Gras ak sèlman nan tanp lan, le te konnen fanmi li ap ansanm pou tout tan nan Senyè a.
Ilistrasyon pa Dilleen Marsh; foto koutwazi fanmi Kikuchi, sof si gen yon nòt; foto kawòt @ Getty Images; nan fon: foto pa Welden C. Andersen
Eldè Kikuchi te pote yon kimono pou foto sa a li te pran nan dezyèm anivèsè li. Eske ou ka wè jwèt li kenbe a?
Eldè Kikuchi (agòch devan) nan laj 13 an avèk zanmi nan lekòl li ak pwofesè li.