Ide pou sware familyal

Sigjesyon pou ansèyman sa yo la pou ba nou kèk ide. Nou ka adapte yo avèk fanmi nou.

“Benediksyon tanp yo,” paj 12: Montre foto yon tanp. Mete foto yon fanmi nan sal sou lòt bò foto tanp lan. Pandan w ap rezime atik la, deplase foto fanti an vin pi pre tanp lan. Mande manm fanti yo kijan yo santi yo lè fanmi yo rive nan tan plan. Li Doktrin ak Alyans 109:7–23, pou chèche fason pou prepare pou tanp lan ak benediksyon ki vini nan ale nan tanp. (Gade tou diskou Silvia H. Allred, “Tanp Sen yo, Alyans sakre yo,” apati konferans jeneral oktòb 2008 la.)

“Mwen menm? Yon Bèje an Izrayèl?” paj 30: Li seksyon “Mennen yo tounen,” an epi diskite kijan nou ka sèvi kòm bèje pou lòt moun. Kòm yon aktivite pou jèn timoun yo, youn apre lòt fè jwèt lago kache pou youn ak lòt tankou yon bèje k ap chèche yon brebi egare. Panse avèk moun nou ka ede retounen “nan twoupo a.” Fini avèk priyè pou gidans sou fason pou ede yo. (Gade tou diskou Eldè Eduardo Gavarret , “Retounen lakay,” apati konferans jeneral Oktòb 2008 la.)

“Kòmanse avèk priyè,” paj 40: Rezime pwen enpòtan yo nan atik la. Reli premye paragraf nan seksyon “Yon moun pou pale avèk li” a/ Mande manm fanmi an pataje moman lè yo te fòtifye pa priyè familyal. Pou mete aksan sou enpòtans priye pou lòt moun, anvizaje li twa dènye paragraf diskou Eldè David A. Bednar la, “Toujou priye,” a nan konferans jeneral Oktòb 2008 la.

“Mirak Tortilla a,” paj Z6: Li istwa a, epi pale sou pwoblèm fanmi Raoul te rankontre lè yo t ap prepare pou ale nan tanp lan. Anvizaje fè tòtiya an fanmi oswa fè tankou n ap suiv tou etap yo pou fè tòtiya, soti nan plante mayi a rive nan vann touris tòtiya yo. Fini avèk lekti deklarasyon Eldè Dennis B. Neuenschwander a.

Aplike levanjil la

“Li pa difisil pou pran prensip pawòl etènèl yo epi aplike yo pou bezwen espesifik nou. Verite abstrè yo dwe vin vivan nan lavi lezòm si yo gen pou pote fwi.”

Eldè Bruce R. McConkie (1915–85) nan Kolèj Douz Apot yo, nan Anseye, pa gen pi gwo apèl(1999), 9–10.

Apèl pou atik

Ki eksperyans ki te ede ou vin konnen Sovè a pi byen? Kijan ou te vin akeri yon pi gwo apresyasyon ak konpreyansyon sou repantans, padon, Ekspyasyon an, Sentsèn nan, oswa lòt aspè nan ministè ak misyon Sovè a? Tanpri voye yon deskripsyon sou eksperyans ou yo ak kisa ou te aprann apati yo nan [e-mail]