Palaimeli Foʻou ʻa Maikelí
“Pea ko ʻeni ʻoku ʻikai ai ko e kau muli mo e kau ʻāunofo ʻa kimoutolu, ka ko e kaungā kolo mo e kāinga māʻoniʻoni pea mo e fale ʻo e ʻOtuá” (ʻEfesō 2:19).
1. ʻI he ʻuluaki Sāpate hili e hiki mai ʻa Maikeli ki he kolo foʻoú, ne ʻave ia ʻe heʻene faʻeé ki he lotú. Naʻá na ō ai ke feʻiloaki mo ʻene kalasi Palaimeli foʻoú.
2. ʻI he taimi ne na aʻu ai ki he matapā ʻo e loki akó, kuo puke ʻe Maikeli ia ʻa e nima ʻo ʻene Fineʻeikí. “ ʻOku ʻikai ko ʻeku faiakó ʻaʻaku ʻena, Fineʻeiki. Ko fē ʻa Sisitā Tominikesi ia?”
3. Ne tūʻulutui hifo leva e Fineʻeikí ke talanoa mo Maikeli. “ ʻOku tau nofo ʻi ha kolo kehe he taimí ni, pea te tau fetaulaki mo ha ngaahi kaungāmeʻa foʻou—hangē ko hoʻo faiako Palaimeli foʻoú.”
4. Naʻe talaange ʻe Maikeli ia, “ ʻOku ʻikai ke u fie maʻu ʻe au ha faiako foʻou. ʻOku ou fie foki pē au ki hoku fale motuʻá ke u ʻi ai mo ʻeku faiako motuʻá.”
5. Naʻe tali ange ʻe he Fineʻeikí, “ ʻOku ou ʻiloʻi ʻoku ʻikai faingofua ke te hiki ki ha feituʻu foʻou. Ka ʻe ʻi ai pē ha ngaahi meʻa ʻe tatau. Te ke hiva ʻa e ngaahi hiva Palaimelí, lotu, mo fanongo ki he ngaahi malangá.”
6. Ne ʻeke ange leva ʻe Maikeli, “ ʻE pehē? Ko e hā mo ha toe meʻa ʻe tatau?”
“ ʻE akoʻi koe ʻe hoʻo faiako Palaimeli foʻoú kau kia Sīsū—hangē pē ko ia ne fai ʻe Sisitā Tominikesí.”
7. Ne tukuange leva ʻe Maikeli ʻa e nima ʻo e Fineʻeikí kae tangutu ʻi ha sea ʻi heʻene kalasi Palaimeli foʻoú.
8. Hili iá …
“Fineʻeiki, naʻá ke tonu pē! Naʻa mau hiva, lotu, mo fanongo ki he ngaahi malangá. Naʻe pehē ʻe heʻeku faiako Palaimeli foʻoú ʻoku ʻofa ʻa Sīsū ʻiate au. ʻOku tatau pē!”