Ko ʻEtau Peesí
Ei M., taʻu 11,
Kaili V., taʻu 6, ʻOtu Filipainí
Kasitavo S., taʻu 11, Kosita Lika
Naʻe kau hoku fāmilí ki he Siasí ʻoku teʻeki fanauʻi au, pea ʻoku ou maʻu lotu maʻu pē. ʻOku ou saiʻia he ʻalu ki he Palaimelí koeʻuhí he ʻoku ou ako mei heʻeku kau faiakó peá u toki vahevahe ʻa e meʻa ne u akó mo hoku ngaahi kaungāmeʻá. Ko e taha ʻa e ngaahi talanoa ʻoku ou manako taha ai mei he Tohi ʻa Molomoná ʻoku fekauʻaki ia mo e taimi naʻe malangaʻi ai ʻe ʻĀmoni ʻa e ongoongoleleí ki he Tuʻi ko Lamonaí. Te u pehē ʻe ʻi heʻeku fakakaukaú mo hoku lotó maʻu ai pē ʻa e talanoa ko iá.
Ko e taimi ʻe aʻu ai ke u hoko ko ha faifekaú, ʻoku ou fie loto toʻa mo loto fakatōkilalo hangē ko ʻĀmoní. ʻOku ou fie ako ki he folofolá mo maʻu ha fakamoʻoni mālohi hangē ko ʻĀmoní pea hangē ko e faifekau naʻá ne papitaiso ʻeku ongomātuʻá. ʻOku ou houngaʻia ʻi he ongoongoleleí, pea ʻoku ou fie vahevahe ia mo e kakai kehé koeʻuhí ke nau lava mo kinautolu ʻo ʻilo ʻoku ʻofa ʻa e Tamai Hēvaní mo Sīsū Kalaisi ʻiate kinautolu.
Kēvini S., taʻu 8, Kosita Lika
ʻOku nofo ʻa Iusapulo I., taʻu 4, ʻi Malēsia. ʻOku saiʻia hono faʻifaʻitaki ʻo e kakaí mo ʻai ʻa e kakaí ke nau katá. ʻOkú ne tānaki ha faʻahinga fōtunga pē ʻo e puhá. ʻOku saiʻia ke ne fakahaaʻi ʻa e ʻofá ki hono ngaahi kaungāmeʻá.
Ko Seline A., taʻu 9, mei Tenimaʻake. ʻOku ʻi ai hano ongo tuongaʻane iiki ʻe toko ua. ʻOku ʻofa heʻene ongo kiʻi lāpisi pusiakí mo manako ke feohi mo e niʻihi ʻokú ne tokoua ʻakí. ʻOku manako he taʻo pisikete mo ʻene fineʻeikí pea mo e hiva ʻi he kuaeá.