Ngāue Fakaako ʻOku ʻIkai Fakamafasia

Velalī S., taʻu 18, Haʻamoa

Naʻe ʻi ai haʻaku pepa fakatotolo peesi ʻe 16 ke fakaʻosi. Pea neongo naʻe ʻi ai ha ngāue tatau pē ʻa ha niʻihi ʻoku ou tokoua ʻaki ke fakaʻosi, naʻa nau kei palani pē kinautolu ke ō ki he heleʻuhilá. Naʻá ku fuʻu fie ʻalu mo au foki, ka naʻá ku fakakaukau ki he nunuʻa ʻo e ʻalu ki he akó he ʻaho hono hokó kuo teʻeki ʻosi ʻeku pepá. Naʻá ku fili leva ke nofo pē ʻi ʻapi ʻo fakaʻosi ʻeku pepá. ʻI he ʻaho hono hokó ne u fakahū atu leva ʻeku pepá kae kei femoʻuekina e niʻihi ʻoku ou tokoua ʻakí he fakaʻosiʻosi ʻenau fakatotoló he miniti fakaʻosí. Naʻa nau mafasia ka naʻá ku ongoʻi lelei ʻi heʻeku fili ke u ʻuluaki fakaʻosi ʻeku ngāue fakaakó.