Taimi Feʻinasiʻakí
ʻOku ou ʻIlo ʻOku Moʻui Hoku Huhuʻí
ʻI hoʻo lau e folofolá, ʻokú ke hoko ʻo tatau mo e niʻihi ʻo e kakai naʻe sio ki ai ʻa Līhai ʻi heʻene mata-meʻa-hā-mai ki he fuʻu ʻakau ʻo e moʻuí (vakai, 1 Nīfai 8). Naʻe sio ʻa Līhai ki he pipiki ʻa e kakaí ki he vaʻa ukameá pea ʻikai ke nau tukuange. Naʻe ʻi ai ha fakamoʻoni ʻa e kakaí kia Sīsū Kalaisi, pea naʻe tokoni ʻa e vaʻa ukameá ke nau ʻalu atu kiate Ia. Ko e vaʻa ukameá ko e folofola ia ʻa e ʻOtuá—ko e folofolá mo e ngaahi lea ʻa hotau kau palōfitá. Naʻe ʻiloʻi ʻe he kakai naʻa nau piki ki he vaʻa ukameá ʻoku moʻui ʻa Sīsū Kalaisi. Ko Ia ʻa hotau Fakamoʻuí mo e Huhuʻí. Naʻá Ne haʻu ki he māmaní ʻo hangē ko ia ne lea ʻaki ʻe he kau palōfitá, pea te Ne toe haʻu pē ki he māmaní.
ʻI he hokohoko atu hoʻo fai e ngaahi meʻa kuó ke ako ʻi he taʻu ní, te ke monūʻia ke ʻiloʻi ʻoku moʻui ʻa Sīsū Kalaisi. ʻE ʻi ai hoʻo fakamoʻoni pē ʻaʻau.
Tīsema 2010 Tohinoa Fakafolofolá
Lau ʻa e Tokāteline mo e Ngaahi Fuakava 76:22.
Lotu ki he Tamai Hēvaní ke tokoni atu ke ke ʻiloʻi ʻoku moʻui ʻa Sīsū Kalaisi.
Ako maʻuloto ʻa e Tokāteline mo e Ngaahi Fuakava 76:22.
Fili ha taha ʻo e ngaahi ʻekitivitī ko ʻení, pe faʻu haʻo ʻekitivitī pē ʻaʻau:
-
Tokoni ki ha taha kehe ke ne ako maʻuloto ʻa e Tokāteline mo e Ngaahi Fuakava 76:22.
-
Kole ki hoʻo mātuʻá pe ha faiako Palaimeli ke ne fakaʻaliʻali atu ha potufolofola ʻoku nau manako ai ʻa ia ʻoku akoʻi mai ai ʻo kau kia Sīsū.
-
Kosi ʻo toʻo e ʻū meʻa teuteu ʻi he peesi 63 pea kumi e ngaahi potufolofola ʻi he meʻa teuteu takitaha. ʻI hoʻo fokotuʻu e ʻū meʻa teuteú ʻi ha fuʻu ʻakau Kilisimasi pe ʻi ha ngaahi feituʻu takai ʻi homou ʻapí, tuku ke nau fakamanatuʻi atu ʻa e Fakamoʻuí kiate koe.
-
Ako ha foʻi hiva foʻou ʻoku kau kia Sīsū Kalaisi. ʻE lava pē ko ha hiva Kilisimasi pe himi.
ʻOku anga fēfē hono tokoniʻi koe ʻe he meʻa naʻá ke faí ke mahino ʻa e potufolofola ko ʻení?
Hiki ʻi hoʻo tohinoá pe tā ha fakatātā fekauʻaki mo e meʻa naʻá ke faí.
Toʻohemá: tā fakatātaaʻi ʻe James Johnson; toʻomataʻú: fakatātaaʻi ʻo e ngaahi meʻa teuteú ʻe Thomas S. Child; Taimi fananga ʻi Kālelí, tā ʻe Del Parson; Ko e ʻAʻapa ʻa Simione ki he Valevale ko Kalaisí, tā ʻe Greg Olsen © 1987, ʻoua naʻa hiki hano tatau; Ko e Hāʻele ʻAngauá, tā ʻe Harry Anderson © IRI; Ko Mele mo e ʻEiki Toetuʻú, tā ʻe Harry Anderson © IRI; puipuituʻá © Dynamic Graphics