Ko ʻEtau Pēsí

ʻAmenitā P., taʻu 9, Palāsila

Maʻake K., taʻu 4, Lūsia

Ko Hoku Fāmilí

ʻI hoku fāmilí ʻoku ʻi ai ʻeku faʻeé mo ʻeku tamaí, ko au, tuongaʻane siʻisiʻi ʻe taha, mo e tokoua siʻisiʻi ʻe taha. ʻOku ou ʻofa lahi ʻiate kinautolu. Ko e meʻa ʻoku ou saiʻia taha aí ko e taimi ko ē ʻoku ʻave ai kimautolu ʻe heʻemau tamaí ke mau ō ʻo ʻevá. ʻOku ngaohi ʻe heʻeku tamaí ʻa e keke fakapaku ʻi he pongipongi kotoa pē maʻaku pea ʻave au ki he akó. ʻOku ou fakapaku foki mo e foʻi moa maʻa ʻeku faʻeé. ʻOku ou fakamālō ʻi hono akoʻi au ʻe heʻeku tamaí ke u poto he ngaohi kaí. ʻOku ou ʻamanaki pē ʻe lava ke fakataha hoku fāmilí ʻo taʻengata. ʻOku ou fie ako e folofolá, lotu ʻi he ʻaho kotoa pē, pea tauhi e ngaahi fekaú kau lava ʻo aʻusia ʻa e taumuʻa ko iá.

Uani-uei, taʻu 7, Taiuani

Ko ha Vaka Fakahaofi maʻa ʻEku Faʻeé

Ko e lahi taha au ʻi ha fānau ʻe toko fā. ʻOku ou manako ke tokoni ki heʻeku faʻeé ʻi hono tokangaʻi e fānaú, ʻa ia ʻoku nau taʻu 4, 2, mo e māhina ʻe 11. ʻOku ou hivaʻi e ʻū hiva Palaimelí kiate kinautolu. Ko e hiva ʻoku nau saiʻia taha aí ko e “Fānau Au ʻa e ʻOtuá.”

ʻOku talamai ʻe heʻeku faʻeé ko hono “vaka fakahaofi moʻuí” au. ʻOku ou fiefia ʻaupito heʻene talamai ia kiate au, koeʻuhí he ʻokú ne fai e meʻa kotoa pē maʻa hoku ngaahi tokouá, tuongaʻané, mo au. ʻOku hanga ʻe heʻeku ʻiloʻi ʻe lava ke u tokoní ʻo ngaohi au ke u ongoʻi ofi ange ki he Laumālié.

ʻOku fakalata ʻa e ngaahi efiafi fakafāmili ʻi ʻapi ʻi homau falé. ʻOku nau tokoniʻi kimautolu ke mau ongoʻi ʻoku mau ofi ki he Tamai Hēvaní.

Vikatōlia M., taʻu 10, Sipeini