N na kanga ni mano man bwaai aika buakaka n te aonaaba?

Man “E na Kanga ni Maiuakinaki ae Raoiroi ibuakon Rikiraken te Buakaka,” Riaona, Meei 2004, 100–102.

Unimwaane Richard G. Scott man te Kooram n te Tengaun ma Uoman n Abotoro e tibwai iango tabeua iaon te maroro aei.

Tao te maiu e na taraa n ae matoatoa ngkai, taua ni kamatoa te kai te biti ni koaua. Ko a moanna n rikirake nakon ae ko ataia.

Ko kona ni maiuakina te itiaki, te kariki uaa, te maiu ae tamaroa n irakin te babaaire ibukin te kamanomano are e karaoia Taman are i Karawa: Ana babaaire ibukin te kukurei.

Ngkai ko reitianako ni kabotoa am iango ao nanom iroun te Uea, E na buokiko n anganiko te maiu ae kaubwai man onrake n aki tabe bwa terana ae riki n te aonaaba ae katobibiiko.

Tamara are i Karawa e katauraoi booki aika tabu ao e karekei kairiiri mai karawa aika a reitinako ibukin kamatoakira. Te buoka anne e na kakoauaa bwa ko na kona ni maeka ma te rau ao te kukurei ibuakon te buakaka.

Ukoukora ao kakaonimaki nakon te kairiiri ae onoti are ko anganaki rinanon te Tamnei ae Raoiroi.

Kamatata iroun Bryan Beach