“Eaera ngkai au utu iai aia kanganga e ngae ngke ti nanako n te taromauri, ti karaoa te kainiutu ao ni kataia ni maiuakina te euangkerio. Tera riki ae ti kona ni karaoia?”

Maiuakinan te euangkerio e uoti kakabwaia ma tiaki nanona bwa kona aki rinanon taian kakaewenako. Taian kakatai e kona ni kakorakora am onimaki man kairakim n ukoukora ana ibuobuoki Tamara are i Karawa. Raoiakinan taian kanganga ma Ana ibuobuoki e reireiniko bwa kona kanga ni karaoi babaire aika raoiroi.

Ko a tia ni maroroakina aio n aron te utu? Man te reitaki ni kaetieti, ko kona ni kunei iango aika a na ibuobuoki. Koa tia n aki mamatam ao n tataro ibukin taobaraakin te kanganga n aron te utu. Ko a tia n ukerii koroboki aika tabu ao taetae n te maungatabu ni kabuta? Tao am utu e kainnanoa karaoan te bitaki ni katamaroa te kanganga, ke tao ko tii kainnanoa ae kona teimatoa, n tataninga n te tai ae maan ao n onimakina te Uea bwa e na kakorakorako inanon te kataaki aei.(taraa Motiaea 24:15).

Ngkana iai tabeman ae a tia ni kammaraka am utu, kataia ni kabwarai aia bure ao n aki bukiniia. Ngkai te kabwarabure e aki waekoa n taobaraa te kanganga, e na uota te rau nako nanom ao e na kabebetea te kanganga n raoiakinaki.

Te tia kakaitara e uruana te utu ibukina ngkai korakoraia e bon rangin kakawaki nakon te Ekaretia ao am kaawa. Ngaiare teimatoa ni karokoa te toki. Teimatoa n nakon te taromauri, karaoa am bootaki n utu n te tairiki ao ao maiuakina te euangkerio. Te ongeabaa e na kairiko nakon namakinan te Tamnei ae Raoiroi, ao Ana kairiri e bon rangin kakawaki nakon karekean taian kaeka ake ko ukoukori. Te maiu inanon te utu ae matoatoa, e ngae te utu teuana ae e kaitarai kanganga, bon teuana mai ibuakon kouru aika a kakawaki ae kona karekei.

Kabonganai Kainibaire are Tia Tia n Anganaki

Tao te utu e tuai ni matoatoa ni karokoa e a tia ni kataaki. Ma te tekeraoi, tiaki kainnanoia bwa ti na kaitarai ara kanganga n ti ngaira; Tamara are i Karawa e tangiriira bwa ti na rikirake ngaira aomata ao utu. Ni buokakira, E a tia ni katauraoi kainibaire aika a kakawaki, n aron koroboki aika tabu, te burabeti ae maiu, tabeman taan kairiri n te Ekaretia, ao te Tamnei ae Raoiroi. A kona ni buokira ni kamatataira ao ni maiuakin reirein te euangkerio are e na uota te kimwarereirei nakoira ao ara utu. N reitaki ma anne, tai mwaninga n tuangia am karo ae ko rangi ni kukurei irouia ao man tangiria. I a taia bwa te Uea e na katauraoa te kawai ibukin am utu n reitaki, ni kakorakoraaki, ao n tabekaki rake. I ataia bwa te utu bon mairoun te Atua.

Jared L., ana ririki 18, Mindanao, Philippines

Reiakinaki Man Am Kakaewenako

E aki kakawaki bwa matoatoara ae ko kataia, e na riai n iai taian kakaewenako n taai nako. Kataaki aikai a bon buokira bwa ti aonga n rikirake. E bon kaineti ma arom ni kaitarai kakaewenako akanne. Te kiing bwa kona reiakinaki mai iai. Taratara nako ao nooria bwa tera ae e riki irarikim. Tataro ibukin taian kakatai are ko rinanona ao karekea te onimaki bwa te Uea e na buokiko n rinanona. A kona n riki bwa kakorakoraakim, ao ni kaokana ko kona n riki bwa te korakora nakoia tabeman.

Makenzie C., ana ririki 18, Chihuahua, Mexico

Wareka Ana Katanoata te Aonaaba ibukin te Utu

Kanganga a bon roko e ngae ngke ti karaoa ara tataro ke tiaki. A na aki karekei kaira ma a na kakorakoraira. Kanganga are ti kaitarai n te maiu aei e katauraoa te tai ibukiia utu n uaia ni mwakuri. Ngkai au utu a tokanikai man te rawawata, kanganga n te mwane, ao n tii kataia ni karekea te tai ibukin ikotakira, tia uakaan riki imarenara ao Tamara are i Karawa. Teuana te bwai ae ti karaoia ngkana ti wareware n tai nakoa “Te Utu: Ana Katanoata te Aonaaba.” E kauringiira ibukin te kabaeaki ae tabu are ti tibwauaia bwa e rangi ni kakawaki aron kawakinan ara berita aika tabu.

Anna G., ana ririki 15, Georgia, USA

Butimwaea Ana Kantaninga Tamara are i Karawa

I taku bwa te kawai teuana ae e kataira iai Tamara are i Karawa rinanon taian kanganga. Te bwai are ti na riai n aki mwaninga bwa bon Ngaia Tamara ao ngkai E rangin tangiriira ao n te aro anne e tangira te bwai ae e bon tau ibukira. I ataia bwa tii te kawai are ti kona n tokanikai iaon kanganga bon rinanon ara botumwaaka ao butimwaean ana kantaninga te Tama

José C., ana ririki 18, Ancash, Peru

Karekea Onimakinan te Uea Iroum

Te bwai are e buokai ngkana I titiraki bwa bukin tera iai aia kanganga au utu, e ngae ngke ti a bane ni karaoi bwaai ni kabane ake ti kona ni karaoi, karakinan Iobi ao mwaitira are e rinanona. Iobi 19:25–26 warekaki: “Ma I ata au tia kamaiu bwa E maiu, ao E na tei rake rimwi i aon te aba; ao rimwi ngkana e a tia ni kamaunaki kunu ae rabatau aei, ao N na bon nora naba te Atua n irikou.” Iobi e bon kaitara ma tabeua kakaewenako aika kanganga, ao e bon ataia bwa E maiu ana Tia Kamaiu! Ngkana ti kona n iango ke n maiu n aron are karaoi Iobi, I ataia bwa ti na kona n noori ara kanganga aika a tia n nako ao n nooria bwa iai ara Tia Kabooi maiura are e tabekira rake rinanon taian kakatai aikai.

Megan B., ana ririki 17, Utah, USA

Kaitarai Kanganga ma te Kantaninga

Kanganga a karikiira bwa ti na korakora ngkana ti kaitarai raoi ma te koaua. Te bwai are ko riai ni karaoia ko na kaitara te kanganga ma te kantaninga ao te ninkoria. Ko na bae ni karaoa am kabanea n tamaroa man kakaean te taromauri ao ni kataia ni maiuakina te euangkerio, bwa ko aongao n ataa te koaua ae am kanganga a na karikirakeko ao ni katamaroako n te kabanea. Kataia naba ni kina te bwai ae ko karaoia ae kaairua ao ni karekea te konabwai ni kaetia. Kataia e ni buokiia temwangina, ao ngkana ko karaoia, a na taraa ni bebete am kanganga. I aon bwaai nako, kaetieti ma te Uea n taai nako. Tataro ibukin am kanganga ao bubutia Tamara are i Karawa bwa e na kairiko

Raymond A., ana ririki 18, Accra, Ghana

Teimatoa ni Karokoa te Toki

Te Utu e boni kakawaki nakon ana babaire te Tia Karikibwai, ao ni koauana te tia kakaitara e na karaoa ana kabanea ni konaa ni katokiira man te maiu ni ikotaki n arona ae ka kukurei, te utu ae boboto maiuna n te euangkerio. Ti ataia bwa tiaki kona ni kantaninga te maiu bwa e na bebete ke te taina are ti nako iai nakon te taromauri ao ni karaoa te bootki n utu n te tairiki, te maiu e na kainaomataaki man taian karirii. Ngkana e korakora te kangangaa , wareka am boki ae tabu, tataro, ao maroroakinna mwa am utu.

Unimwaane Dudley, ana ririki 21, Indonesia Jakarta Mition