Ana Rinerine Niya
Niya e bon takakaro imoan ana auti ngke e weteia ai tinana bwa e na rin n te auti. “Niya, ko na nako n te titoa ni uanikai bwa kona kabooi tabeua taian carrots ibukin te katairiki?” e butiia ai tinana.
“Eng.” Niya e taetae ni kukurei. E tatangira te nako n te titoa, ao e tatangiria ni buoka ai tinana.
E anaa te mwane Niya are e anganna ai tinana ao n touanako kawaina nakon te titoa are e kaan.
“I tangiria ni kabooi tabeua taian carrots ibukin te katairiki,” Niya e tuanga te tia bobai.
Te tia bobai e karini carrot inanon ana baeki Niya ao n tuangnga mwaitin boona. Niya e anganna te mwane.
“Aio am nikira,” e taetae te tia bobai nakoina ngke e anganna ana nikira.
Niya e kaaitau ao ni moana kawaina nakon mwengana. Ngke e nakonako, e taraa te mwane are e anganna te tia boobai. “E anganai te nikira ae rangi ni bati” e iangoia. “Ngkai I a kona n taua bwa au mwane!”
Ma ngkanne Niya e a katoka nakonakona. “Tamau are i Karawa e na aki kukurei irou ngkana I kaawakina te mwane aio,” e iango. “N na riai ni kokoaua ma au taeka ao au mwakuri.”
E rairaki Niya ao n okira te titoa. “Ko anganai au nikira ae rangi ni bati,” e tuanga te tia bobai ngke e anganna te raka ni mwane.
Te tia bobai e a ana te mwane. “Bon te ataeinaine ae ko tamaroa ngkoe,” e taetae. Ngkanne e karinii tabeua aboro inanon te baeki ao e anganako nakon Niya. “Ko rabwa ibukin am kokoaua. Taiaoka anai aboro aikai ao kakukureiko ma am utu ma ngaia.”
Niya e namakina te kukurei inanona ngke e nakonako n okira ana auti. E ataia bwa Tamana are i Karawa e bon kukurei bwa e atia n rineia bwa e na kokoaua.
Kamatata iroun Louise Parker