Ti Taekina Kristo
Te Rairannano, Oki nakon te Uea, ao E na Kamaiuko
Mangaia ae, teuare e a tia n raira nanona man ana bure, ti tebo bwa e a tia ni kabwaraaki, ao ngai te Uea I aki manga uringi riki (tara D&C 58:42).
N te tai ae aki rang maan ao iai te aine ae tamaroa man kakaonimaki ae I ataia bwa e ikoaki kakaiaki n te kabuanibwai n te kaa. Ni ikotaki ma ikoakina bon maoton rii ni kaokao ao riin te nuuka. Iteran aron kamarurungana e bon kainanoa te bwai n tautau are e na kona ni kabongana n taua nukana ao roroana bwa e aonga n aki kakamwakuria. Taraan te bwai n tautau e aki rang kamwenga raoi. Ma e bon riai. E karekea te anga are e na kona iai nukana ao roroana ni kamaoaki.
Te rairannano ai aron te bwai n tautau. Ngkana ti bure, ao ti kaikoaka tamneira, ao ti kainnanoa te bwain aoraki mai iroun te Atua bwa e na manga kamarurungiira. Te rairannano e anganiira arora are e kona te Tia Kamaiu, rinanon mwaakan te mwakuri ni kamaiu, ni kamarurung ngkami (tara 3 Nibwaai 9:13). Ngkana iai mwakoron te rairannano ae aki nakoraoi—n aiaron te bwai n tautau ae uruaki tinanikuna—e ngae n anne ti bon riai n raira nanora.
President Dieter F. Uchtdorf, te Kauoman ni Kauntira n te Moan Beretitenti, e reirei bwa : “Te rairannano ni koaua e anganiira te bwai ae tina karaoia ae eti. Ni kakoaua te rairannano ti riai n atai ara bure ao n namakina te raraoma ibukin ara bure, ke te karawawataaki, ao ni kaoti buure akanne nakon te Atua. Ngkana a korakora ara bure, ti riai naba ni kaoti ara bure nakoia mataniwii n te nakoanibonga ae iai te mwaaka irouia. Ti riai ni bubutia te Atua ibukin kabwaraan ara bure ao ni karaoa ara kabanea ni kona ni kaeta ara mwakuri aika kammaraki aika atia n riki. Te rairannano nanona bon bitakin te iango ao te nano—ni katoki karaoan bwaai aika bure, ao ni moana karaoakin bwaai aika eti. E anganiira anuara aika boou nakon te Atua, temanna ao ni maiura ni kabane.”1
Ngkana ti tekeraoi ni katia wakinan karaoan te rairannano, ao mwina bon te marurung, te kabebeteaki, ao te kukurei. E koroboki Dorothy J. R. White wrote:
Iangoi rannimata aika waanako nako tinaniku,
Ma kaitiaka nanona bwa e na itiaki.2
E bubuti te Uea ma te kairoro, te tangira, ao te kaunga nano bwa tina rairi nanora, bukina bwa E tangirira bwa tina marurung. E karawawataaki n Rabwatana ao tamneina bwa e na kabwaka boon te tuua ibukin ara bure ngkana ti raira nanora. E kabwarabwra:
Iesu e taekinna bwa e a tia ni karawawataaki ni bwaai aikai ibukiia bwa ana aki maraki ngkana a rairi nanoia;
Ma ngkana aki rairi nanoia a riai ni karawawataaki n ai arona;
N te rawawata ae riki Nakoina, Ngaia, ae te Atua, ae mwaaka iaon bwaai ni kabane, bwa e na ruru ibukin te maraki, ma raraana ae waanako mani bwangabwangan nako rabwatana, ae roota rabwatana ao tamneina—ao E kaririaki bwa E na aki nima ae mao man te mwangko bwa E na aki riki ni mangori—
Ma e ngae n anne, E anga te mimitong nakon te Tama. E anaia ao e katiaa Ana katauraoi ibukira.
Ngaia ae, E a manga tuangiira riki bwa ti na rairananora (tara D&C 19:16–20).
Ti kona n rairinanora ngkai, n oki nakon te Uea, ao ni kamaiuaki.
Te nati ae bua e oki nakon tamana man taku, “Tamau, I bure nakoni karawa, ao i matam, I aki riai bwa N na manga atongaki bwa natim” (Ruka 15:21). E butimwaia Tamana nakon mweengana. Ti tebo naba ma Tamara are i Karawa e na butimwaira ngkana ti rairi nanora.
Okin te Nati ae Bakatae, iroun James Tissot