Uringaki Maiu aika a Kakannato
J. Reuben Clark Jr.: Te Mwaane te Bwaintangira ae Aki Bati ni Kinaaki
Joshua Reuben Clark Jr. e bungiaki i Grantsville, Utah, n Tebetembwa 1, 1871. E ngae ngke e aki bati n raoiroi ana reirei ao e aki naba kona n nakon reirei aika ririeta, ma tinana e a tia n reireinna, ao e rang tangira te reirei. E moa ni karekea ana beba n ana kiraati man te Utah Iuniwetiri ma ana tikurii n te tiaienti ao n reitianako ni karekea ana tikurii n te tua n te Columbia University iaon te reirei iaon te tua i New York City.
Te tari Clark e mareaki nakon Luacine Annetta Savage n te Tembora are Salt Lake n te 1898, ao a riki bwa kaaro aika aman natiia.
E kawakinaki n ana tikurii iaon te tua ao ana iango ae nakoraoi, J. Reuben Clark Jr. e waaki nako ni mwakuri n te tautaeka iaon te tua are e a kinaaki n arana ae te tia tei n te U.S. nakon Mexico n 1930. E toki te mwakuri anne, ngke, te Tari Clark e katabuaki bwa te Kauoman ni Kauntira nakon Beretitenti Heber J. Grant n te Moan Beretitentii n Eberi 6, 1933. E ngae ngke te ibonga ae rietata n te tai anne, e tuai n riki ngkanne bwa te Mataniwi ni Kabuta. E katabuaki bwa te Abotoro ngke e a tia ni kamatoaaki n te kateibai bwa te Moan Kauntira nakon Beretitenti Grant n Okitobwa 1934. Beretitenti Clark e waaki nako ni beku bwa te kauntira nakon Beretitenti George Albert Smith ao David O. McKay.
Mai buakon ana buoka nakon te Ekaretia, teuana are e rangin n rianako bon te banna ni katoto are kaotia ibukin te nanorinano ngke riki David O. McKay bwa te Beretitenti n te Ekaretia. E wetea Beretitenti Clark bwa e na riki bwa ana Kauoman ni Kauntira. Bukina bwa Beretitenti Clark e a tia ni beku bwa te Moa ni Kauntira inanon moan Beretitentii ake ma imwaina, tabeman a taku n aia iango bwa e atia n aki mwannanoaki, ma e kabwarabwara Beretitenti Clark: “N ana mwakuri te Uea, ao e aki taraaki bwa ko beku ia ma e taraaki aron karaoana. N Ana Ekaretia Iesu Kristo Ibukiia Aika Itiaki Ni Boong Aika Kaitira, temanna e anganaki te nakoa are e a tia ni weteaki nako iai, te nakoa are e kantaningaia temanna ke n totokoia.”1
Beretitenti Clark e mate n Okitobwa 6, 1961.
Te Moan Beretitenti n te 1945 (man te maing): J. Reuben Clark Jr., Heber J. Grant, ao David O. McKay.
Beretitenti Clark (maing) ma Lamont Toronto, beretitenti n te mition.