Tera Ae Ti Kakoaua

Iesu Kristo E Karaoa te Mwakuri ni Kamaiu Ibukin Ara Bure

Teuana bukina ngkai ti roko nakon te aonaaba bwa tina reiakina te ongeaaba nakon ana tua te Atua. Ma Iesu Kristo, are maiuakina te maiu ae kororaoi, ni kabane ake a tia ni maiu n te aonaaba a bane ni bure (tara I-Rom 3:23; 1 Ioane 1:8). Te bure ngkana ti iangoia n urua ana tua te Atua, ao bure ni kabane boni iai rekenikai aika tine iaia. Ngkana ti bure, ni koauana tina karawawataaki ibukin te rekenikai (taraa Aramwa 42:16–22).

Mangaia ae, mwiin karaoan buure nako bon te raure nako ma te Atua (tara 1 Nibwaai 10:21). Te raure aio e bon rang ni korakora ao are tiaki kona ni kaokia n ti ngaira.

Te tokanikai man te karaurenakoaki aio, Tamara are i Karawa e karekea te kawai ibukin Natina ae te Riki Temanna, Iesu Kristo, bwa e na uota rawawatan ara bure i aona, ni karekea nakoira te kona tamneira ni kaitiakaki ao ni manga reitaki ma Ngaia. Aio bon te babaire n nanoanga.

E reirei te Tia Kamaiu, Mangaia ae, Ngai, te Atua, I a tia ni karawawataaki ni bwaai ni kabane aikai, bwa aonga n aki karawawataaki ngkana a rairi nanoia, ma ngkana aki rairi nanoia ao ana bon riai ni karawawataaki n ai arou naba (taraa D&C 19:16–17).

N aiaron mwakoron Ana mwakuri ni kamaiu, Iesu e karawawataaki ibukin ara bure n te on aroka are Ketetemwane ao i aon te kaibangaki are i Karewari. Man rairan nanora man ara bure, ti kona ni karekea te mwaaka ibukin Ana Mwakuri ni Kamaiu nakon maiura.

Iesu Kristo, are kukurei n karaoa te mwakuri ni kamaiu ibukin ara bure, e taku:

“Bane mai nako Iu ngkami akana kam kua ao kam rawawata ao N na motiki rawami.

“Amoa amou i aomi, ao reirei i Rou, bwa I nimamanei ao i nanorinano, ao e na reke i roumi iai motikan rawaia tamneimi.

“Bwa e aoraoi amou ao e bebete uotau” (Mataio 11:28–30).

Te Mwakuri ni Kamaiu e karekei naba kakabwaia aikai:

1. Te mangauti nakoia ni kabane ake a bungiaki nakon te aonaaba (taraa Aramwa 11:42–45).

2. Te maiu ae akea tokina i matan te Atua ibukiia ataei ni kabane ake a mate imwain ae a roko n te roro ae warekaki, waniua te ririki (tara Motiaea 3:16; 15:24–25; Moronaai 8:8–12).

3. Te kona ni kunea te rau n tain kanganga ibukina bwa Iesu e na uota i aona marakiia ao aorakiia aomata (tara Ioane 14:27; Aramwa 7:11–12).

4. Kabomwi nakoia aika kororaoi ibukin buakakan te maiu aei (tara Preach My Gospel [2004], 52).

Ibukin rongorongona riki tabeua, tara Gospel Principles (2009), 59–66; ao True to the Faith (2004), 14–20.

“Nooria, N na roko nakon te aonaaba n uota te kamaiu nako iai, bwa N na kabooa te aonaaba man te bure.

“Mangaia are, ane e rairananona ao ma ni kawarai na ai aron te teei ae uarereke, ao N na butimwaia bwa ana bwai Uean te Atua. Nooria, bwa I bukiia naakai ao I a tia ni kawenea maiu, ao ma ni manga anaia riki, mangaia are rairinanomi, ao roko nakoiu man tokin aonaaba, ao kam na kamaiuaki” (3 Nibwaai 9:21–22).

“Iesu Kristo, bon ti Ana Riki Temanna te Atua ao bon ti ngaia ae akea ana bure n te aonaaba aei, bon ti ngaia ae kona ni karaoa te mwakuri ni kamaiu ibukiia aomata” (Bible Dictionary, “Atonement”).

O Tamau, iroun Simon Dewey; Rokon Iesu Kristo i Amerika, iroun John Scott © IRI; kamataata n te korotamnei iroun te ataei © Getty Images; kamataata riki tabeua iroun Christina Smith