Taeka tabeua
E Kabebetei Rawawatara
I tangira te maekatiin aio ao kanoana ni kabane. I tangiri aia rongorongo Mataniwi ni Kabuta, ai moarara riki taetae n te maungatabu. A reireiniira ao ni kaungaira ni waakirake, n aki taabe ma kataakira.
I a tia n riki bwa te membwa n te Ekaretia inanon 26 te ririki, ao I a tia ni wareki rongorongo n tatabeua n te Riaona. Ni mwaitin te tai ao I wareki rongorongo ni kawai, ao teuana te rongorongo ae I kakawakinna riki bon “Ana Tangira n Nanoanga te Uea,” iroun Unimwaane David A. Bednar (Meei 2005, 99). E buokai ni uringnga bwa mwaitira ana tai Tamara are i Karawa n roko ma ana tangira n Nanoanga te Uea ao ni kabebetei rawawatara.
Iolanda Valenti, Italy
Anga Reirei a Roko mairoun te Uea
I karabwarabwa ni katoa namwakaina ni karekean aia taeka burabeti aika maeiu. I atai aia taeka n reirei bwa a roko mairoun te Uea ao e kakabwaiaki maiu ngkana I kammwakuri. Warekan te bwai are a rinanona aika Itiaki ni katotobia te aonaaba e kakorakora au onimaki ao au koaua ibukina bwa I reirei bwa tera are a karaoia tabeman n tokanikai man rawawataia.
Byron David Calderon Mosquera, Ecuador