Rongorongo man te Moani Beretitentii
E aki Mena Ikai, bwa E a Uti
N te bong aei ao ti taian rii aika tiku i Kaberenaum, te kaawa imataniwiin te nama, te tabo are e boboto iai ana mwakuri te Tia Kamaiu i Kariraia. Ikai E kabwarabwara n te mwaneaba, e reirei i mataniwiin te nama, ao e kamaiu inanon mweenga.
Ni moan Ana mwakuri, Iesu e ana te wareware man ana boki Itaia: “E mena Tamnein te Uea i aou, bwa E kabirai Iehova, bwa N na tataekina te rongorongo ae raoioroi nakoia akana nanorinano; E kanakomaiai bwa N na butiia akana a uruaki nanoia ni kamaiuia, ma n tutuangia taenikai te kanakoaki, ao akana kabaeaki kaukan te ne ni kabaebae” (Itaia 61:1; tara naba Ruka 4:18)—te katanoata ae mataata ibukin ana baire ma ieta ni kamaiuia natin te Atua mwaane ao aine.
Ma ana kabwarabwara Iesu i Kariraia e a tia ni karaoaki bwa ti te moani katauraoi. E a tia Natin te Aomata ni karekea n taainako te tabo ni bootaki ae moan te kakamaku ae kawakinaki i aon te tabuki ae arana Korokota.
E tauaki n te on aroka are Ketetemwane imwiin te kabanea n amwarake, e kitanaki irouiaAna reirei, e bawareaki, e kataaki, ao e kakanikoaki, e bebeei Iesu i aan Ana kaibangaki ae korakora ni kaineta Kareware.E rikirake man tokanikai nakon te kamwaneaki, te kamarakaki ao te mate i aon te kaibangaki.
Taekan te Anene “The Holy City”: (Te Kaawa ae Tabu)
E Bitaki te Tabo. …
E kamwaitoro ao e kamariri te moaningabong,
Ai aron nuun te kaibangaki ae kateaki
I aon tabuki aika kamaroa.1
Ibukira ao Tamara are i Karawa e Anga Natina te Riki Temanna. Ibukira ao E anga Maiuna Tarira te Ikawai.
N te kabanea n tai e na kona ni kaman tia n oki te Mwatita. Ma E bon aki. E katikui ni kabane bwaai bwa E aonga ni kamaiui bwaai ni kabane: te reeti n aomata, te aonaaba, ao ni kabane te maiu are e tuai man kaaina.
Akea taeka inanon Christendom aika kakawaki riki nakoiu nakon ake a taekinaki iroun te anera nakon tangin Nei Maria are te I-Mwaketara ao Maria are temanna ngke iaon kawaia n roko n te ruanimate n tabeakina rabwatan aia Uea: “Kam aera ngkai kam ukoukora Teuare e maiu i buakoia maate? “E aki mena ikai, bwa E a uti” (Ruka 24:5–6).
Man atongan te taeka aei, naake a tia ni maiu ao ni mate, naake a maiu ngkai ao n te taina ana manga mate, ao naake iaon kawaia ni bungiaki ao iaon kawaia ni mate a tibwa tia ni kamaiuaki.
Man ana tokanikai Kristo iaon te mate, ao ti na bane ni kamaiuaki. Aio boon te tamnei. E koroia Bauro:
“Ao bon iai … rabwata aika bwaini karawa, ao rabwata aika bwain aon te aba: ma bon te tamaroa teuana bwaini karawa, ao te tamaroa teuana tamaroani bwain aon te aba.
“Bon iai te tamaroa teuana ae tamaroan taai, ao teuana tamaroan namwakaina, ao teuana tamaroan itoi: bwa e kakaokoro tamaroan te itoi teuana ma tamaroan te itoi teuana.
“Ao ai aron naba mangautiia maate” (1 I-Korinto 15:40–42).
Bon mimitongin bwaini kawara aika ti ukoukori. Bon imatan te Atua ae ti tangiria ni maeka iai. Bon te utu ae akea tokina ae ti tangiria ni kainna.
Mairouna E kainaomataira n tatabemanira nako man te mate ae akea tokina, I kakoaua bwa boni Ngaia te tia reirei ibukin te koaua—ma e moa riki i aon te tia reirei. Boni Ngaia te banna ni katoto ibukin te maiu ae kororaoi—Boni Ngaia te tia katoki aoraki ae korakora—ma e moa riki nakon te tia katoki aoraki. Bon te Tia Kamaiua te aonaaba, Natin te Atua, te Uea n Raoi, ae Atuaia Iteraera ae Tabu, e ngae ngke e a uti te Uea, are katanoata bwa, boni Ngaia te moan ao te kabane ao are maiu ao e kamateaki ao boni Ngaia ara tia tei nakon te Tama (D&C 110:4).
“O, ai kakukureira te rongorongo ae reke: ‘I ataia bwa e maiu au Tia Kamaiu!’”2
Aei I a Kakoaua.
Akea Ikai, iroun Walter Rane, e bae n aki kobi; Kristo ao Maria nte Rua ni Mate, iroun Joseph Brickey © 2004 IRI
Kabwarabwaraaki n te tamnei iroun Steve Kropp.