Men ko Reddik im Pidodo

2011

Eprōļ 2011

Men ko Redik im Relam waan

Jān men ko reddik ej itok meneo me eļapļo̧k (lale D&C 64:33).

Katak jān Kweilo̧k eo Eļap

Ajri ro nejim kiiō rōrūtto im ewōr m̧weer make im aer baam̧le, bōtaab em̧ōj am lo juon jekjek em̧m̧an kōn katak ippān doon jān naan ko an rikanaan ro. Ilo allōn̄ ko ālkin kajjojo kweilo̧k ko reļļap, Ij ekkatak kōn ekōnono ko ilo www.conference.lds.org im kālōt kout ko me letok iaļ, tōl im kaenōm̧m̧an. Ij aiin ebwe an lōn̄ me ewōr juon kout n̄an kajjojo raan ium̧win allōn̄ ko jiljino rej itok. (N̄an waanjon̄ak, ilo Eprōļ eo, Iaaar lo juon kout n̄an 1 raan in Māe–Oktoba 31.) Innām Ij leļo̧k kape ko an kout kein n̄an kajjojo ajri ro nejim.

Āinwōt juon m̧ōttan ekkatak ko aer make kōn kweilo̧k eo eļap, kout kein an kajjoo raan emakijkij an erom juon unin kōnono ibweilijin membōr ro an baam̧le eo. Ej juon en̄jake eo em̧m̧an n̄an bar etale kapilōk eo an rikanaan ro ilo allōn̄ ko alkin kweilo̧k eo eļap, men̄e kōmij jokwe m̧ail ettoļo̧k jān doon.

Christine Tippetts, Utah, USA

Kūlaj in Kappok Jerbal an LDS Employment Resources Services

LDS Employment Resource Services ej kōm̧m̧ane juon kūlaj in jipan̄ ro me rej kappok jerbal, rej kōņaan deļo̧n̄e jikuuļ, ak jino juon beejnej. Kūlaj eo ej jipan̄ armej kōmeļeļeik menin kōttōpar ko aer im kōļapļo̧k lōke eo ilo maron̄ eo aer n̄an ļee im̧aan. Ej ejaak n̄an katakin, ekaitoktok limo, ekōbōkakkak, im kam̧ōņōņō. Kajjojo ro me rej kōjerbal ta eo rej katak ilo kūlaj eo ekkā aer elolo jerbal edikļo̧k jān ro rejjab kōjerbal ta eo rej katak.

Kūlaj eo ej koba unin kōnono ko āinwōt kile juon menin kōttōpar, pukōt menin jipan̄ko n̄an tōpar menin kōttōpar ko an juon, je rejmee ko, im wejepedik ilo juon jerbal ekāāl.

N̄an pukōt juon jikin kūlaj eo, kajjitōk ippān bisop eo am̧ ak branch būreejtōn eo ak lale www.ldsjobs.org im jiped “Find a Center.”

ILŌN̄ TATA ANMIIN̄: KŌMEĻEĻE EO JEN PAUL MANN ; meļeļe eo jān Shaphan Ej bōktok Jāljel ko n̄an Josiah, jān Robert T. Barrett © 1990, ejjab maron̄ kapeiki; Mormon ej Aiin Pileej ko, jān Tom Lovell © IRI; David im Goliath, jān Steve Nethercott, ejjab maron̄ kapeiki; Waanjon̄ak in Etto ko/Kalim̧m̧ur ko an Raan Kein, jān Jeff Ward