“Ao ko na uringa naba te tia Karaoiko n am Bong n Ataei” (Te Minita 12:1)

Booki aika tabu a koreaki inanoia aia mwakuri burabeti ao abotoro. Angiia taan kairiiri aikai a kamatan ata te Atua man uarerekeia. Aikai nimaua rongorongo man booki aika tabu aika a kabwarabwarai aia atatai tabeman taan kairiiri aikai nakon taai aika ana roko.

Ioane te Tia Bwabetito, are e weteaki bwa e na katauraoia aomata ibukin rokon te Uea e a kaman katabuaki iroun ana anera te Atua ngke wanua ana ririki n te mwaaka aei (tara D&C 84:27–28).
Te Uea Iotia, e riki n uea ngke wanua ana ririki, e kabanea ana ririki 31 nuea ni buokiia Iutaia bwa ana riki n rairi nanoia nakon te euangkerio (taraa 2 Uea 22).
Tao 10 ana ririki Moomon ngke rineaki iroun Amaron bwa te tia kawakin rekooti (ana bwaatua Nibwaai). Tao te 16 ana ririki Moomon ao e kairia ana taanga ni buaka Nibwaaite. (Tara Moomon 1:2–4; 2:1–2.)
Bon ti te “rorobuaka ni kairake”Tawita (te ataei ni mwaane) ngke e tiringa Koria, tao e kuri n ti te rorona ma tautia n ana taanga ni buaka Ereman (taraa 1 Tamuera 17:49–56; Arama 53:22).
Te 17 ana ririki Iotebwa ngke e kaboakinako nako Aikubita, ike “te Uea e mena iroun Iotebwa” (tara Karikanibwai 37:2, 27–28; 39:2).