Te Rongorongo ibukin Reirei n te Kaakawari

Bonganan te Bootaki n Aine

Tataro mwaaka ni kamatebwaia te bwai n reirei aei n arona arona ae riai, maroroakinna ma aine ake ko kawariia. Kabonganai titiraki aikai bwa a na buokiko ni kakorakoraia aine ao ni karaoa te Bootaki n Aine bwa te itera ni kamarurung nakon oin maium.

Onimaki • Utu • Buokaki

Ngke moa ni weteaki ara beretitentii, ao ti anganaki tabeua bwaai ni buobuoki ibukin rongorongon te bootaki n aine. Ti kamatebwaia man tataro mwaaka, ti tangiria n ataia bwa tera bukin te bootaki n aine ao tera ae tangiria te Uea bwa ti na karaoia. Ti reiakina bukin te Bootaki n Aine n aron kateana iroun te Uea bwa e na barongaaki, reirei, ao ni kaungaia Natina aine ni katauraoia nakon kakabwaia ibukin te maiu ae akea tokina.

Ni kakoroa bukin te Bootaki n Aine, te Uea e a tia ni kabaeia aine n tatabeman nako ao te bootaki n aron ae bwanin nakon:

1. Karikirakea n te Onimaki ao te kokoaua iroun temanna.

2. Kakorakoraia utuu ao mweenga.

3. Karekea te buoka man te beku ibukin te Uea ao Natina.

Ti kona ni karaoa te mwakuri aio man tii ana kawai te Uea ngkana ti ukeuke, karekea, ao ni mwakuria ana kaotioti temanna. N akean te kaotioti nakon temanna, ao tina bon aki kona n tekeraoi. Ngkana ti mutiakina te kaotioti nakon temanna, ti na bon aki kona ni bwaka. E tuangira te burabeti Nibwaai bwa e na kaotia te tamnei ae raoiroi nakoira “bwa bwaai ni kabane ae tera [ti] riai ni karaoia” (2 Nibwaai 32:5). Ti riai n kariaia ngaira bwa ti na kabatia te rau ao te aki kakarongoa ma ni kakauongo nakon bwanaan te Tamnei.

Aine, iai tabera ae kakawaki ae ti na karaoia ni buoka katean uean te Atua ao ni katauraoi ibukin rokon te Uea. N te koaua, ana mwakuri te Uea e aki kona ni katiaaki raoi n akean aia ibuobuoki Natina aine. Ibukin anne, ao te Uea e kantaningaira bwa ti na karikirakea ara anganano. E kantaningaira bwa ti na kakoroa bukin te Bootaki n aine ae tuai ni kakaraoaki ngkoa.

Julie B. Beck, te Beretitenti ni Kabuta n Aia Bootaki Aine

Man Koroboki Aika A Tabu

Te Tua-Kaua 6:5–7; Ruka 10:30–37; Iakobwa 1:27; 2 Nibwaai 25:26; Motiaea 3:12–13

Man Ara Rongorongo ni Kawai

N ana bootaki te Bootaki n Aine n Tuun 9, 1842, e reireiniia aine te burabeti Iotebwa bwa aia bootaki “tiaki ti ibukin buoakaia kainano, ma ibukin naba kamaiuaia tamnei.”¹ Te rongorongo aei ibukin te tamnei ao ibukin te rabwata e a tia ni kaota raoi bannan te Bootaki n Aine n rongorongona ni kabane. N te ririki 1906 Beretitenti Joseph F. Smith (1838–1918) e reirei: “[Bootaki n Aine] e aki ti tabeakin bwaai aika kainanoi rarikin, aoraki ao aika kainano, ma iteran ana mwakuri—ma tabena ae korakora riki, naba—bon tabeakinaia warebea n tamnei ao kamaiuaia tiina ao natin Tion n aine; n taraia bwa akea ae katukaki taekana, ma a kawakinaki ni kabane man taian tekebuaka, kanganga, mwakan te rotongitong, ao aaro aika buakaka are kakamakuia n te aonaaba aei.”² Inanon 2001 Unimwaane M. Russell Ballard n aia koram Abotoro Ake Tengaun Ma Uoman e okiokira. “Te titita n tatabemaniia inanon te Ekaretia aio ake a tia ni karaoi berita ma te Uea iai irouia tabeia ni buokiia tamnei, ni kairiia ainen te aonaaba, ni kakorakorai mweenga inanon Tion, ao ni katea abanuean te Atua.”³

Bwaai aika a na taraaki

1. Iotebwa Timiti, n Rongorongon te Ekaretia ni kawai, 5:25.

2. Teachings of Presidents of the Church: Joseph F. Smith (1998), 185

3. M. Russell Ballard, “Ainen te Kokoaua,” Riaona, Ritembwa 2002, 39.

Warekia ibukin te aine are riki bwa te banna ni katoto ibukin te onimaki ao te kokoaua i bon irouna, tara iteraniba 28.

Tera ae I Kona ni Karaoia?

1. Tera te kaunga nano ae I a tia ni karekea ni buokiia tariu ni karikirakeia n te onimaki ma ana kokoaua temanna ao ni kakorakoraia aia utu ao mweengaia? Tera te ibuobuoki ae I kona n anga?

2. Nna kanga ni kabongana te rongorongo aei ni kakorakora au onimaki ao ni karikirakea oin mwiokoau nakon ana kokoaua temanna?

Ibukin rongorongona riki tabeua, nakon www.reliefsociety.lds.org.

Kamataatakin te tamnei iroun Christina Smith