Te Berita ae Tabu Bon Akea Tokina
Ngkana a roko babaire ake I karaoi bwa kanga mwakoron berita aika tabu ma Tamara are i Karawa ae tangiraki, e aki kakawaki bwa tera ae taekinna te aonaaba.
Ngke I a roko n te roro ae tebwi tabun te ririki, ara beretitenti ibukiia Kairake n Ataeinaine e anganiia n tatabemania kairake n ataeinaine tamnein te tembora. E taetae nakoira ibukin berita aika tabu ao ni maiuakin maiu aika itiaki. Ngkanne e a kaungaira bwa ti na katei ara kouru n nakon te tembora n te bong teuana.
I butimwaea ana kaetieti te titita aei n ongoraa iai ao ni baireia ni karaoa te katauraoi bwa au moan bwai ae rangin kakawaki. Bon akea te tembora i Costa Rica n te tai anne, ma I ataia man au bwabetito ae nako bwa tera te berita ae tabu, ao I rangin ingainga ni karekean te tai ni karaoi berita aika tabu ae a raka riki ma te Uea.
Akea temanna man au utu ae kaain te Ekaretia ngkanne, ngaia are te euangkerio e bon aki reiakinaki inanon mweengara. Man teimatoau, I a baireia bwa N na konaa n reiakinaki taekan ana kainibaire te euangkerio i bon irou ao n irii. Au katauraoi e reitaki ma kaean te tieminari, e ngae ngke e kakaraoaki ni moantaai n te moan ingabong koraki. I aki kariaia taekan te maroro ni kareke tangira ni karokoa ae e koro te 16 au ririki. Ao e nanonaki ni maiuakinan tuan te itiaki—ni koauana tiaki te bwai ae rangi n ataaki ke n okioki ibuakoia angiia tabeman au karinan n roro, ma te bwai ae I ataia ae I kona ni karaoia ibukina ngkai I a tia ni berita ma te Uea bwa I konaa.
Kamatebwaian koroboki aika tabu, ni ikotaki ma te tieminari ao ni bon oin au tai, e kakorakora au motinnano ni maiuakina ae raoiroi, te maiu ae itiaki. I uringnga aron anaakin nanou irouia 2,000 ataeinimwaane aika korakora man ninikoria. N aron are e taekinaki n Aramwa 53:20–21, kairake n ataeinimwaane aikai “a bon korakora ibukin te ninikoria, ao ibukin naba te korakora ao te kakamwakuri, ma nooria, bon tiaki ti aei—ma bon mwaane aika a kokoaua n taai nako ni bwaai nako ake a onimakinaki iai. … bon mwaane aika a kokoaua man taua ma nanoia, bwa a bon tia n reireinaki bwa a na kaawakin ana tua te Atua man nakonako ma te eti i matana.” I tangiria naba ni kakaonimaki ni bwaai are I onimakinaki iai, ni ikotaki ma au berita aika tabu n te bwabetito.
Rakan ataakin berita aika tabu e kaoti ngke I weteaki bwa n na beku i El Salvador San Salvador Mainiku Mition. Ngke I karekea au entaumente n te tembora, Doctrine ao Covenants 82:10 e roko n au iango: are ti tuangaki bwa te Uea e bon kabaeaki ngkana ti karaoa ae E tuangiira, ma ngkana tiaki karaoa ae E tuangiira, akea ara berita.” Rinanon ni kabane au mition, te iango anne ibukin berita aika tabu—ibukira ni karaoan tabera ao te Uea ni karaoan Tabena—e kaunga nanou bwa n na karaoa au kabanea n tamaroa. Ngke I a karaoia, tia kakabwaiaaki inanon ara mwakuri Ngai ma toau.
Au mition bon inanon ririki aika bwaka nako, ma I teimatoa ni karekea te korakora man kawakinan au berita aika tabu. I a tia ni kakabwaiaaki ni beku ibukin itiua te ririki n te Tembora i San José Costa Rica. Ni beku bwa te tia mwakuri n t tembora e anganai te tai n uringii berita aika tabu are I a tia ni karaoi. I a tia ni kunea te kauring inanon mwakuriu n aia bootaki Kairake n Ataeinaine, are I a kataia n reiakina kakawakin berita aika tabu n aron are a tia n reireinai iai au tia kairiri.
Ni kawakinan berita aika tabu e bon aki bebete. N aron te katotoo, angiia aomata a noora tuan te itiaki (ke, n tabeua keiti, katei inanon te aro n aron ae tabangaki) ngkai e bane taina. Ma te tekeraoi, I aki namakina rakan te rawata mairouia naake aki tibwa au koaua ke mai nanon waakin te tai. I tanrikaaki n taraa te bwai are I namakinna ngkai te kairake n ataeinaine ngke e kaungaira ara tia kairiri ni katauraoi ao ni maiuakin berita aika tabu ibukin te tembora. Te babaire are I karaoia ngkanne bon teuana are I a iria ni karokoa te bonga aei.
I kona n tei ni matoatoa inanon au babaire ibukina ngkai tiaki babaire ae I karaoi n tii ngai, bon ibukiu. Ni koauana, bon babaire ake I karaoi bwa mwakoron berita aika tabu ma Tamara are i Karawa ae tangiraki. E aki kakawaki bwa tera ae taekinna te aonaaba. I berita nakon te Uea bwa N na ongeaaba nakon Ana tua. Bon ibukin mimitongina ke tabuna. Berita aika tabu ake I karaoi n au bwabetito ao berita aika tabu ake I karaoi n te tembora a bon teimatoa ni boou n te bong aei n aron te bong ake I moan karaoi iai. Te berita ae tabu ma te Atua bon akea tokina.
Ni maiu inanon te kawai are e tungiiira te Atua bwa ti na maiu inanona e aki bebete n taai nako, ma I kakoaua bwa e bon kona. Ti kona ni karekea te onimaki ao te mwaaka man maiuakinan ara berita aika tabu, ao ti kakoaua bwa Tamara are i Karawa e na bon aki kitaniira n tii ngaira. M a Ngaia irarikira, ti kona ni karaoi bwaai ni kabane (taraa Moronaai 7:33).
Berita aika tabu ake I karaoi n te bwabetito ao berita aika tabu ake I karaoi n te tembora a bon teimatoa ni boou n te bong aei n aron te bong ake I moan karaoi iai.
Kamatata iroun Scott Greer