Mwaakan Booki aika Tabu
Ngke a anga aia tai ibukin booki aika tabu uoman kairaken Tahiti n te roro ae tebwi tabun te ririki, a bitaki maiuia.
Rooma e aki rangin tangiria ni kamatebwai booki aika tabu. Vaitiare e aki rangin tangiria n nakon te tieminari. Ao a bon aki riai. Ma ngke a rineia bwa a na karaoia, a bitaki maiuia.
Bukin tera Tiaki?
Bukin tera te roro ae tebwi tabun te ririki e rineia ni kabanea uoua te aoa ni kamatebwai booki aika tabu ni katoa tairikin te Kaabong ma tinana? Teuana te ririki n nako Rooma Terooatea ae kaain Tahiti e bae ni mimii n te bwai ae ti te arona.
Ngkai e na bae n titiraki bwa bukin tera ngkai te roro ae tebwi tabun te ririki e rineia bwa e na aki karaoia.
Inanon teniua te ririki n te tieminari, Rooma e aki rangin kabanea nanona n ongoraa ngke a katabeaki iroun aia tia reirei ni warekan booki aika tabu ni wareware ibukin te reirei are imwiina. “I aki tangiria ni warekia,“ e taku. “Bon akea nanou ni booki aika tabu.”
Ma e mimii bwa bukin tera taan kairiri n te Ekaretia n ana uoote ao n titeiki a kabonganai booki aika tabu n taai nako n aia maroro ao n aia reirei. E matakuakiniia ana tia kairiri. E nooria bwa bebetera iroun ana beretitenti n te titeiki n taekinii taeka man booki aika tabu.
Ngaiare ngke te Faaa Tahiti Titeiki e tibwatibwaia ataein te reirei n te tieminari nakon taian tiim ni karaoa te kaboo wanawana iaon booki aika tabu ni karokoa banen ana ririki n te tieminari, Rooma e baireia bwa e na anga ana tai ibukin booki aika tabu.
Anne ngke e a moana ana tai n reirei ma tinana ni katoa wiiki. Ni katoa tairikin te Kaabong a uaia ni kamatebwai ibukin te kaboo n te kiraati n te bong are imwiina, n reiakinna bwa angaara kiibu aika aenaei kamatenanoi angiina mai ibuakoia.
Ao anne ngke a moanna ni bitaki bwaai ibukin Rooma. Ana kamatebwai ni booki aika tabu e kakorakora ana reitaki ma tinana. E a moanna n noora te bwai ae ti te arona imarenan te bwai are e reiakinaki ni booki aika tabu ao te bwai are e riki n te aonaaba n te bong aei. Ngkai e tataro ibukin te bwai are e warekia, e nooria bwa bon mairoun te Atua.
E buokia naba ni kaira ana tiim nakon te tokanikai ni karekean te tiambion n te kaboo wanawana ni booki aika tabu n te titeiki.
Rooma e kinai kakabwaia are e karekei n te reirei are e reiakin inanon ana kamatebwai. “Ni Motiaea 2:24 te Uea are Beniamina e reireiniira bwa ngkana ti rineia bwa ti na karaoa te bwai are e tuangiira te Uea, ti na kakabwaiaki n te tai ae waekoa, e taku Rooma. Teuana mai ibuakon kakabwaia ae korakora ae e a tia ni karekea bwa “imwiin kamatebwaian booki aika tabu n te ririki aei, I ataia bwa ana Boki Moomon e boni koaua.”
Tai Tuangai Te Bwai ae N na Karaoia
Ni moan waakin te reirei n te ririki, Vaitiare Pito bon tiaki ngaia kaain te Ekaretia. Ngaiare a kanga kaain te aro ae boou ae tuai man roko n te tieminari mai imwaaina ni buoka ana tiim n tokanikai n reken te tiambiontibi n te kaboo wanawana n te Faaa titeiki iaon booki aika tabu?
“I aki raoraoma ngkai e aki bati n tau te bwai are I a tia n rinanona,” e taku. “I reiakini kibu aika mwaiti inanon reiakinau; irouiai mitinare.”
Angiina ana utu Vitiare a kaaina te Ekaretia imwiin maten tamana ae aki kantaningaaki ao te tia kairiri n te mition ibukin te uoote e kairiia mitinare nakon mweengan Vitiare. A maroroo iaon katiteuanaakin te utu ao te ikotaki ae akea tokina. “E bon uota te bitaki nakon ara utu,” e taku.
E ngae n anne, e aki bita anuan te roronga ae ebiebi ae 17 ana ririki ni maiu. “Imwiin bwabetitoakiu, aomata ni kabane a tuangai bwa N na nako n te tieminari,” e taku. “I aki tangiria n tuangaki te bwai ae n na karaoia, ngaiare I totokoa te mwananga n tai ae waekoa.”
Ni koauana e baireia i bon ibukina bwa e na nako ao e kunea bwa e rangin kukurei iai. E bon katabeaki bwa temanna ngaia mwakoron te tiim n te rabakau iaon booki aika tabu ae ti te arona ma Rooma.
N te moan tai, akea ana konabwai ni wareka te tibwanga iaon booki aika tabu. Ma ngke e baireia bwa e konaa, e kunea imwiina kakabwaia aika mwaiti.
“Booki aika tabu a riki bwa bwaai ni ibuobuoki aika korakora. I reiakini bwaai aika mwaiti man booki aika tabu,” ni ikotaki ma kakawakin te tataro ao bwa Tamara are i Karawa e na kaekai tataro akanne.
E reiakinaki naba bwa ngkana e baireia bwa e na motinananoa te bwai teuana, n aron te nako n te tieminari ke warekan booki aika tabu, kawakinan te motinnano e bon bebete nakon ae ngkana e karaoia ibukina bwa e bon riai ke e bon “riai” ni karaoia.
Ngkai e a motirawa te reirei, Vatiare e kakaitau ngkae e rineia bwa e na nakon te tieminari ao ni kamatebwai booki aika tabu: “I ataia bwa ngkana ti wareki booki aika tabu, ti na kakabwaiaaki.”
Ngke a mwananga Rooma Terooatea (inano) ao kaain ana kiraati n te tieminari nakon te tabo ae uakaan ae Moorea (maing) bwa a na nooraki rabakauia iaon booki aika tabu, Rooma bon akea ana kanganga bwa ea bon kaman ataia.
N te tai are e baireia Vaitiare Pito ae kaain Tahiti bwa e na kamatebwai booki aika tabu, e moanna n noori kakabwaia.
Tamnei iroun Adam C. Olson, tiaki n aron ae kabwarabwaraaki; mai ieta: tamnei © iStock; tamnein te uee © iStock