“N Ai Arou Ngkai I Tangiringkami”
Tangira ao mwakuri n ibuobuoki bon ngaia aika a katebenakoira bwa ana reirei Kristo.
Iai ngkoa kaain au ruu ae te aomata ae rangi n tikiraoi, ma e kuri ni bwaai ni kabane ake I karaoi e katabeaiangaa nanona iai. I iango, “Nna kanga ni kauna nanon neiei? Ngai te aomata ae beebete te maeka ma ngaia. Eng?”
Ibukina bwa e aki rangi ni kukurei irou, I kabonganaa anne bwa karaoan ae I aki tangiria naba. Te kakabwaia, I uringa ana reirei te bitiobi are e a atia n anga n tain te bootaki n toa ngke I mena n te reirei. I uringa raoi ana reirei: “Ngkana ko aki bati n tatangira temanna, tao ko bon tuai n rangi n ibuobuoki nakon te aomata anne. Ngkana ko buoka te aomata, ao ko na tangira te aomata anne”
Imwiin iangoan ana reirei au bitiobi, I baireia bwa I riai ni buoka kain au ruu aei ao ni kataa ana reirei te bitiobi. I tabe ni kakae nako kawai aika uarereke ni buoka kaain au ruu aei, ni kaota te akoi nakoina, ao ni kataia riki ni kaeka nakon bwaai ake e kainnanoi ao e tangirii.
Imwiina n te tai ae uarereke ea riki te kamiimi! I reiakinna bwa I rangi n tangiria. E bon rangi n tikiraoi, te aomata ae tarena. Bon te kakabwaia nakoiu n ibuobuoka te auti ni maeka ma ngaia. I bon rangi ni miimi n aron au taratara nakoia ae bitaki n te tai ae uarereke.
Tangirakiia ao Buokakiia Tabeman
Ngkana ti kamatebwaia Ioane 13, ti reiakinii tabeua bwaai aika rangi ni kamimi n ana reirei te Tia Kamaiu are e reirei iai n tain ana Mwakuri ni Mitinare iaon te aba, n reitaki ma:
-
Ibuobuoki imarenami.
-
Itangitangiri ma raom
Ngke te Tia Kamaiu ao Ana Abotoro a kaitibo n tain te Toa are te Riao, te tamnei n te ruu ai aron ae kabaeia. Te Tia Kamaiu e ataia bwa Ai ana tai ni kamwaneaki ao n tauraki. I kakoaua bwa ngkana te Abotoro e aki oota ni kakaawakin te bwai are e riki n te tairiki anne, e na bon reiakinna ao riki n oota n ana mition te Tia Kamaiu.
Imwiin te katairiki Iesu e anaa te taara, kabwaroa te ran inanon te beetin, ao e kaitiakii waeia ake a mena ikekei. Kaitiakan waeia e karaoaki ma te karinerine ao te nanorinano ngke te Tia Kamaiu n aki nanououa ni kaitara ma namakin ao nanoanga ni bwaai aika a nang nooraki n riki, n ikotaki ma tarurakina are e nang roko.
Betero, e ataia bwa Iesu bon te Mesia ao e berita bwa te Tia Kamaiu, e tangiria ni beku iroun te Uea nakon are e na beku ibukina te Uea. “Ko na bon aki teboki waeu,” e taku te Tia Kamaiu, “Ngkana I aki tebokiko, ao ko aki buokanibwai ma Ngai” (Ioane 13:8). Ngkanne Betero e tauraoi ni butimwaea ana mwakuri n akoi te Tia Kamaiu.
Imwiina e kabwarabwaraa Iesu:
“Kam atongai bwa te tia Reirei ao te Uea: ao e bon eti ami taeka; bwa boni ngaia Ngai.
“Ao ngkai I teboki waemi, ngai ae ami Uea ao ami tia Reirei, ao e riai bwa kam na teboteboki naba waemi.
“Bwa I anganingkami te bwai ni kakairi, bwa kam na katotonga ae I karaoia nakoimi.” (Ioane 13:13–15).
Iesu e tangiriia naake Tengaun ma Uoman—ao E tangiriira n tatabemaniira nako—n reiakina te nanorinano ao n ibuobuoki bwa anua aika tau ake ti riai ni ukoukorii ni karekei. E reirei bwa akea temanna ae e kakaawaki riki ni buokiia tabeman. E ngae n anne, teuana te bwai are e kakorakoraira bon ara tatauraoi ni beku ao n anga ngaira. Ngaki e taekinna te Tia Kamaiu, “Ao ane e kakannto riki ibuakomi ao e na riki bwa ami tia mwakuri.” (Mataio 23:11; taraa naba Ruka 22:26).
Iriira ana Banna ni Katooto te Tia Kamaiu
Aio e karekea inanou te mwakuri are e karaoaki imwiin angibuaka ake a riki inanon namwakaina aika a nako ao ririki. Ti a tia ni kakoaua n angibuaka, mwaieiein aba, roongo, ao butin aoraki. A mwaiti rongorongoia aomata, rinanon korakaia, ake a tararua ibukiia tabeman ake a ikoaki, aoraki, ke a bon kainnano.
Imwiin te mwaiei i Peru e urubekei mweenga aika ngaa, te bitiobi e kiitana mweengana ae bwaka n urubeke ao ni waekoa nakoia membwa n ana uoote bwa e na kakabwaiaia ao kamanoia ana nanai n tiibu ae uarereke.
Ngke te tina i Haiti e tang n nanoanga ni buaia kain ana utu imwiin te mwaiei, e bon anga naba ana ibuobuoki ni karaunano ni maakuia ao ni karau nanoia tabeman, ni kakorakoraia ake a maiu ao ni buokiia ni karekei kanaia ao katanaia.
Kairake n ikawai i Chile a waekoa n ibuobuoki n tibwatibwaan amwarake ao bwaai nakoia ake a tia n rootaki man te mwaiei ikekei. Ngkai a ibuobuoki membwa, moaia ae kukurei ao baia ae tatauraoi n ibuobuoki e kaitara ma te koaua ni bon oin aia kanganga are e bon kakai bwaka naba.
Ni kabane aomata aikai ao a mwaiti riki a ira ana bubuti te Tia Kamaiu ni “katotonga ae I karaoia nakoim” (Ioane 13:15). Imwiin riki Ioane mwakoro 13 ti warekia:
“I anganingkami te tua naba ngkai bwa kam na itangitangiri; n ai arou ngke I tangiringkami, bwa kam na itangitangiri naba.”
“Ane a na ataingkami aomata ni kabaneia bwa au reirei ngkami n aei, ngkana kam Itangitangiri” (kiibu 34–35)
Kam a tia n ataia aroia n tabetai taan kairiiri n te Ekaretia—mai iroun Beretitenti Thomas S. Monson nakoia Abotoro ake Tengaun ma Uoman nakoia beretitentii n te tabo, bitiobiriki, ao taan reirei—ni kaota aia tangira ibukiia naake a beku ibukiia? Te tangira aei e roko man irakin ana banna ni katooto te Tia Kamaiu.
Buokakiia tabeman bon te kawai are ti kaotia nakoia bwa ti tangiriia. Tao te tangira ao te mwakuri n ibuobuoki a katiteuanaaki ao titebo. N te koaua, a kaotaraira bwa ngaira ana reirei Kristo.
Kabwarabwara man Suffer Little Children to Come unto Me, iroun Carl Heinrich Bloch, mwamwannano man te National Historic Museum i Frederiksborg i Hillerød, Denmark
Jesus Washing the Apostles’ Feet, iroun Del Parson © IRI