I Kanga n Ataia
Te Kaeka inanon te Kibu Wanua
Iotebwa Timiti e karekea ana reke inanon Iakobo 1:5. I kunea au reke tabeua kiibu imwiina.
Bon te aoa 11:00 n te tairiki, ao I mena inanon au ruu ni matu imwiin ontinakou ma tabeman raoraou n te reirei ae rietata. I ataia bwa I aki karaoa te babaire ae tamaroa n te tairiki anne. “Ma,” I kaeka, “I tuai karaoi babaire aika a bubuaka naba.”
Ma te rawawata, I anaa au bwai ae N na mwakuri iaona ni mweengau. I bon rangin kua are I tangiria n tokanikai iaona ao nako ni matu. “I teimatoa ni kainnanoa warekan koroboki aika tabu. Ma N na tii katikui taekaia n te tairiki aei,” I iangoia.
I a moanna n iangoi bwaai ni kabane are I kantaningaki bwa N na riai ni karaoi. Ni wareware ni koroboki aika tabu, n nakon te tieminari are karaoaki ni moantaain te moaningabong, n nakon te umawantabu ao Miutuoo, ni karekei au bwii aika tamaroa, n irekereke ma waaki ni kakukurei aika raka, ni karekea au mwakuri teuana … E reiti nako kanoan te riiti.
I namakina te kainnano n iteran maiu ni kabane, ai moararariki ngkai bon ti ngai te aine ae kaain te LDS n au reirei ae rietata. I kauringai riki ao n i riki bwa N na kona n riki bwa tii ngai te aine are a kaitibo maaomata aika kakaokoro aika ti tearona arou mangaiia, ngaia are N na riai n riki bwa te banna ni katotoo. Irarikina I ataia bwa I a moanna ni rarang ni karaoi kairua.
“Au kantaninga bwa ana a akea au kaangaanga n aiaroia raoraou,” I iangoia. Au iango naba bwa N na a aki namakina te aki kukurei ngkana I nako ni kaea te bootaki ke n taekina te taeka ae buakaka, ma ni koauna I bon aki kukurei. I bon namakina te aoraki n rabwatau ngkana I karaoi rinerine ake I atai bwa a aki eti. Bukina aki eti tabeua, e ngae n anne, I teimatoa ni karaoi.
E a bon kaan nukanibong ngke e a tia tibwangau are I karaoia ni mweengau. Inanon nimaua te aoa ao ikaberoa au tai. I teirake, ni katuraoiai nakon te tieminari, ao ni kataia n katiai tibangau imarenan au tai n reirei.
Ngkanne e a roko te iango irou. I aki ongeaba nakon tuua ni kabane. Ia katoka te nako n taromauri, tieminari, ao te Miutuoo ngkana I tangiria ni karaoia.Riki ni karaoa aei ba ibukina ngkai a nako au utu, are ena nanonaki bwa N na riai ni karaoia.
Bon te iango ni kan inaomata. I kawakawa nakon au kainiwene ao N nangi bon matu ngke I karekea te iango ae korakora bwa N na wareware ni koroboki aika tabu. “Tiaki,” I iangoia. “I a tia.”
I namakinna riki. N te tai aio I iangoia. “Tao tii te kabanea n tai.”
N te tieminari n te ririki anne, ti bon kamatebwaia te Nu Tetamenti. I rairia nakon te tabo are e mena iai au mwake n te boki inanon Iakobo mwakoro 1. Bon aio te mwakoro are e warekia Iotebwa Timiti are e kairananona bwa e na nako n te Buakonikai ae Tabu ao ni bunra nanona nakon Tamara are i Karawa. “Ai kakukureira.” I iangoia. I a moanna ni wareware.
Te kibu 5 e bon ataaki irou: “Ngkana akea ana rabakau temanna i buakomi …” Ma bon te kibu 8 are e kaurei matau n te tairiki anne. E taku, “Bon te aomata ae nanououa ae aki teimatoa n arona nako.” I a aki kakammwakuri. Ngkanne I a manga warekia riki.
I bon nanououa. I kaotia bwa ngai kaain te LDS, ma au mwakuri a moanna n taekin bwaai tabeua. Ao ngkana I teimatoa, e aki kakawaki bwa te kawai raa are I rineia, N na bon aki matoatoa ao n aki koaua ao n tokina te aki kukurei.
I kainnanoia ni kan ataia ngkana e koaua te euangkerio. I kan ataia ngkana te kauti ni katoa moaningabong koraki n te aoa 5.00 am ni kamatebwaian te euangkerio e uaana. I kan ataia bwa I kataia ni maiuna te maiu nakon au kabanea ni konabwai ae tamaroa, n aki ongei taai ni bwainikirinaki, ibukina ni koauana e na anganai te kukurei ao te kimwareirei ae te kabanea n tamaroa.
E a kaani boo 1:00 n te moaningabong anne, ma I katorobubua irarikin au kainiwene ao ni bunra nanou nakon Tamara are i Karawa. I bubutia bwa e na buokai n ataa ae eti, n ataia bwa te kawai raa ae N na toua,ba ena kairai ni baina ao e na uota nako te raraoma are I namakinna.
E abebete ao eitiaki, ao e rau, e roko te iango nakon au iango. “Ko bon kaman ataia,” Ao I a bon tia ni karaoia.
I teirake mai iaon bubuan waeu, tiringa au taura, ao n nako ni matu. Aua te aoa imwiina e a tang beeron au tai. N nimatutu, I a tiringnga. Teuana te miniti imwiina I a teirake ni katauraoai ibukin te bong teuana, ni karinaki n te tieminari ae karaoaki ni moantaain te moaningabong.
E a bati te ririki n nako man te tai are e riki iai te bwai ae kamiimi n te nuukanibong. Au koaua e bon teimatoa n rikirake. N taai tabetai e boni matoatoa nakon taai tabetai. Te kaokoro bwa I ataia ae I tuai mani manga tanrikaaki.
Kabwarabwara iroun Taia Morley