Buokiia I Bon Irouia i India

Iroun Unimwaane Charles ao Titita Carol Kewish

Mitinare Aika Ikawai, Aonon Asia

Ngke e kaitaraaki India Maiaki n te angibuaka ae korakora ma te taibuun inanon Okitobwa 2009, Kairake n Ataeinimwaane ao kairake n ikawai man Mwakoron Hyderabad ao Bangalore i India a ienikuri ni karaoan te mwakuri n ibuobuoki ni kamaiuia ake a rootaki man te ieka.

Ni kaineti nakon Beretitenti Prasada Gudey man te wakoro ae Hyderabad India, “Ara kairake ni mwaane a karaoa te mwakuri ae kamimi n tibwatibwaakin amwarake ao te ran nakoia ake a kainnano. Bwaai bon taian anganano ao a roko n te kaawa, ma te tautaeka e aki tauraoi n tibwatibwai nakoia ngaa n aomata ake a rootaki ae riaon riki 200 kaembwa ibukiia taan katanaki. Ara membwa a rangi n teretere ma aia karinano iaoia ma Baiia ni Ibuobuoki man te Moomon ngkai a karaoa aia konabwai ni mwakuri n nikirakin te amwarake ao te ran nakoia aomata nako.”

Tabeman mai ibuakoia kairake n ataeinimwaane ao kairake n ikawai ake a beku a taekinna bwa e kakukurei ao ni kona ni katiaaki raoi karaoan te mwakuri ni ibuobuoki.

Inano: 60 membwa man te Ekaretia ake a mwananga nakon aia kaembwa aomata aika birinako i meangin Karnataka State. A tibwatibwai burangketi, taboreein, bwai n ibuobuoki n tuan te aitiin aika ikotaki irouia membwa n te Ekaretia. Temanna te ataei ni mwaane e taekinna, “E boni kamimi te ibuobuoki ni karaoan te mwakuri ni kamaiu n te ieka aei. E reke te iango irou n taai nako n ibuobuoki ao ni beku ibukiia tabemwaang. I boni kakaitau ngkai I kona ni beku. A bon ranran matau ngkai I kona n nooria naake a kabuai aia bwai ni kabane n tain te ieka aei. Bon te kakabwaia ae korakora ni kona ni buokiia aomata iaon abau.”

Ieta: “Ngke I tuangiia raoraou n te reirei taekan te mwakuri n ibuobuoki, a bon rangin kukurei irou. I kabwarabwara nakoia te bwai are ti karaoia ao n tibwaa reirein te Ekaretia mangaiia. I namakina te kukurei ae kamimi ngke I buokiia aomata iaon te mwakuri. Au kakaitau nakon ana bootaki te Ekaretia ibukin anganakira te tai aei ni karaoan te beku.” Deepak Sharma

Angatai: “I namakina te kukurei ngkai e reke au tai ni beku ibukiia raou nako. I a tia n rinanon te bwai ae kamimi, ao I reiakin bwaai aika mwaiti man karaoakina, ao n te tai ae titebo ti namakina te kukurei n ikotaki ma raoraora ni ikoti n amwarake are a kainnanoaki. I namakina ana tangira ao ana rau te Tia Kamaiu ngkai I beku ibukiia tabemwaang.” —Venus Armstrong

“I bon rangi n kukurei ni kona ni ibuobuoki ma te mwakuri aei. E uota te kimwareirei nakoiu n ataia bwa I ibuobuoki ni beku ibukiia aomata are a rangin kainnanoa buokaia. I tataro bwa a na kakabwaiaaki aomata.” —Vishali Nakka

E bon rangi n eti: “E bon rangi n tamaroa te beku iaon te mwakuri ni kamaiu n tain te ieka. I ibuobuoki ni been ao n tibwatibwai bwantoro n amwarake. Bon te kakabwaia ae korakora ni menau ikekei ma tabeman taariu n te nakoanibonga ao ni kona ni ibuobuoki ao ni beku ibukiia aomata ake a rangin ni kainnanoia.” —Avinash Thomas

Ko ataia?

Te Burabeti Iotebwa Timiti e taekinna bwa te Aomata ae Itiaki ni koaua “a na bon kamwarakeia ake a baki, ni kunnikaia ake akea karabaaia, ni buokia aine ake a mate buia, ni katoki tangia ataei ake akea aia karo, ni kabebeteia ake a karawawataaki, inanon te ekaretia aei, ao enang korakora ana ibuobuki engae ngke tiaki kain te aro ke tabo are ko mena iai, n taabo nako ake e na kuneia iai” (Aia reirei Beretitenti n te Ekaretia: Iotebwa Timiti [2007], 426). Ibukin nanora ni beku ibukiia tabemwaang, te Ekaretia e tibwaontia te buoka ibukiia aomata ao mwakuri ni karikirake ni kabuta te aonaaba. N aron te katotoo, inanon 2009:

• Bon 763,737 mwaitin boong are e karaoaki te anganano ni mwakuri n ana batiriti te Ekaretia ibukin te warebea.

• Iaon 8,000 mwaitia mitinare ake a beku ni karaoa te mwakuri n ibuobuoki ibukin te Warebea.

Imarenan 1985 ao 2010, te Ekaretia e anga te buoka nakoia 178 aaba. Tabeua mwakuri aika onoti e ikotaki ma baika a na taekinaki imwiina:

• Katauraoan te ibuobuoki ni kamaiu imwiin te maeiei i Haiti, Indonesia, ao Chile; imwiin te tsunami i Samoa; ao imwiin te taibuun i Philippines.

• Mwanenakin te kaembein ibukin te iti ni miitira i Africa.

• Kanakoakin 10.3 te mirion aitiin, ibukiia aika tibwa bungiaki, ao bwai ni ibuobuokin ibukin te reirei.

• Tibwatibwaakin ae riaon 61,000otanakin te amwarake, iaon 13,000 ke tan bwai ni mwakuri ibukin bainaoraki, ao iaon 89,000 tei ibuobuokiibukin kunnikai.

Ibukin riki rongorongon te warebea burokuraem ibukin te Ekaretia, taraa www.providentliving.org.

Tamnei iroun Charles ao Carol Kewish; korobanna ibukin Iotebwa Timiti iroun Dan Weggeland, anganano man te Miutiam n Rongorongon ngkoa te Ekaretia