Te Ota ae kaineti ni Kaota te Tembora
Vancouver British Columbia Tembora
Ni Meei 2, 2010, te Vancouver British Columbia Tembora e riki bwa te ka 131n tembora ae kateaki ni boong aikai. Te tembora e nakon 28,165 tikuea buuti buburana (2,617 m2) ao iai inanona te tabo ni bwabetito, te ruu ae tiretio, uoua te ruu n entaunmente, ao uoua te ruu ni kabaebae. Inanona, tein karana e kiriin, maii buruu, ao e koora, ni karinea kakawakin te buakonikai, taari, ao karawa n te Pacific Northwest. Arokan te Betebeke ma ueena aika mainaina, ueen te aba ae British Columbia, a kaotaki n taian been ao kunikai ni kabutaa nanon te auti.
Te tairiki imwaain te katabu, e raka iaon 1,200 te roronrikirake aika a kamataku n tain te kukurei. E atunaaki n ae “Te Biikan nakon te Aonaaba,” te kamataku e kaota rongorongon ao aomata mai Canada. Ni moanakin te kukurei, Beretitenti Monson e bita te anene ni kaukuki nakon ana anene aban Canada, n taekina, “Ti roko ikai bwa ti na kukurei ma ngkami kaain Canada.”
N te tataro ni kaukuki, e taku Beretitenti Monson: “Bwa ni kabane ake a rin a na iai baia aika itiaki ao nanoia aika akea tabeaiangaia. Bwa e na rikirake aia onimaki ngkana a beku ikai ibukiia ake a tia n nako imwaaina. A na nako ma te namakin ae rau, ni kamoamoa Arana ae tabu.”1
Ma ieta: Taraan te tabo ni bwabetito, kabwarabwaraan te katamaroa, ao te ruu ae tiretio n te Vancouver British Columbia Tembora.