Kaati Ibukin Taekan Te Maungatabu Ake a Rangin ni Katuruturuaki
Ko kona ni korei kaati aikai ao ni kabonganai ni kauringko bwaai ake ko a tia n reiakin n tain te maungatabu ni kabuta.
“Raou aika kairake … , katuka iangoan te tembora n tainako inanom. Tai karaoa te bwai ae na tuka aron rinim ni mataroana ao n taua ana kakabwaia aika tabu man akea tokiia n te tembora.”
Beretitenti Thomas S. Monson
“Man te bwai ae na kaoti nakoim bwa rinerine aika uarereke, e na kairiko te Uea nakon taian kukurei aika ko tangiri. Rinanon ami rinerine E na kona n anga kakabwaiaia tabeman aika aki kona ni warekaki mwaitiia.”
Beretitenti Henry B. Eyring, Moan ni Kauntira n te Moan Beretitentii
“Tai kanakoa te bong n akea te mwakuri ae karaoaki iaon ana wirikiriki te Tamnei.”
Beretitenti Dieter F. Uchtdorf, Kauoman ni Kauntira n te Moan Beretitentii
“Ko a tia n roko nakon te aonaaba n te tai aei, … ao e a tia te Uea ni Baina ni katauraoa te aonaaba ibukin Okina ae mimitong. Aikai boong ni katauraoi ma mwioko aika kakawaki. Aikai bon am bong.”
Unimwaane Neil L. Andersen man aia Kooram Abotoro ake Tengaun ma Uoman
“Bon te bwai ae kakukurei te riki ni Kiritian ao ni maiu bwa ana reirei ni koaua Kristo.”
Unimwaane L. Tom Perry man aia Kooram Abotoro ake Tengaun ma Uoman
“Rinanon ara akoi aika nako man te nano ao ibuobuoki, ti kona ni karekea te iraorao ma naake ti beku ibukiia. Man taian n iraorao aikai ao ti na karekea te atatai ae tamaroa riki ibukin ara anganano nakon te euangkerio ao te nano ni kan reiakina ae mwaiti riki ibukin te Ekaretia.”
Unimwaane M. Russell Ballard man aia Kooram Abotoro ake Tengaun ma Uoman
“Tiaki kona n noora Tamara are i Karawa, ma ti kona n ongo bwanaana n anganiira te korakora are ti na teimatoa iai ni kaitarai kakaewenako inanon maiura.”
Jean A. Stevens, te Moan ni Kauntira n te Beretitentii ni Kabuta n te Buraimwari
“Ko aki tiku ni maroa! … Ngkana ko kawakin berita ake ko a tia ni karaoi, te Tamnei ae Raoiroi e na kairiko ao e na kawakiniko. Ko na katobibiaki n aia tararua anera mai i karawa.”
Elaine S. Dalton, te Beretitenti ni Kabuta n Aia Bootaki Ataeinaine