Ni kamaiua Au Boto n Iango—ao Ana Boki Moomon

Scott Macdonald, California, USA

Ngke ataein te iuniwetiri ngai, te burokuraem ae rangi ni kinaaki are I a kabaea arau iai a tangiraki ataein te reirei bwa a na korea aia teititi. Ataein te reirei n tatabemaniia ma aia teititi a na tararuaaki ao ni kariaiakaki irouia uoman burobetia.

Ibukin au teititi I rineia bwa N na karaoa au kakae ao te kamatebwai iaon te buaka n Ana Boki Moomon. I reitaki ma temanna te burobetia ibukin au iango, ao e kariaia bwa e na riki bwa temanna au tiubwawaitia. E tuangai naba temanna te burobetia ae e kona n riki bwa te kauoman n tiubwawaitia.

I kaaitibo ma te kauoman ni burobetia bwa N na kabwarabwaraa oin te iango n au teititi nakoina. Ngke I waekoa ni mwanewea Ana Boki Moomon, taraakina e bitaki ao e moanna ni kabuakaka te Ekaretia. I kakauongo n aki kakarongoa ni karokoa ae bane ao ngkanne I kabwarabwaraa ni kauarereke bwa e aki ataa ara onimaki. E taraa n ae e aki rauaki, ma I rangi ni kubanako bwa e kariaia bwa e na tiubwawaiti au teititi.

Imwiin ae kaan teuana te ririki n au kakaae ao ni koroboki, I anga au teititi ibukin kakoauaana. Inanon te ririki anne I a tia ni butimwaeaki nakon te reirei n te tua, ao I tangiria ni kabanea te mwakuri aio bwa e na reke au beeba ao man waaki rake.

Inanon teuana te wiiki ao I karekea te e-meeri mairoun te burobetia are e a tia ni kabuakakaa te Ekaretia. E butiiai bwa N na kaitibo ma ngaia n ana aobiti.

Ngke I a roko, e butiiai bwa N na kaina te mataroa ao n tekateka. N te tai ae tawe, e a kanakoa ana kauntaeka—tiaki iaon au teititi ma iaon te Ana Boki Moomon. N taua baangiu n aron are I kona, I a kaoti au kakoaua n Ana Boki Moomon.

N aki rangi ni waekoa I butiia bwa e kona n teimatoa ni boutoka au teititi. E taku bwa e na a aki.

I nakon mweengau ma te nanokaawaki ao n aki koaua bwa terana te bwai ae N na karaoia. N akea ana kariaia te aomata aio, I kona ni kabua au tai ni karekea au beeba man te burokuraem ae e rangi n rietata aio ni moana au reirei n te reirei n tua. I tataro bwa tera ngke a na bane n nakoraoi bwaai.

Ngke I kabwarabwaraa arou nakon te burobetia are temanna are e tiubwawati au teititi, e anganai te taeka n reirei bwa N na kawara te burobetia n te bong are imwiina ao n anganna teuana riki te tai bwa e na kariaia au teititi.

N te ingabong are imwiina I a tekateka itinanikun ana aobiti te burobetia. I bon nako n nano, n aki koaua bwa tera ae e na karaoia ngkana e noorai. Ngke e a roko, e kauka ana mataroa n aki karongoaa, n anganai te kanikina bwa N na rin. N akea te taeka ae atongnga e kaotinakoa ana kainikoroboki ao e tiaina au teititi, ni kaotia n nakoana bwa e kariaia. Akea ana kamaataata bwa tera are e tuangnga bwa e na bita ana iango ma e matangare nakoiu ngke I kaboo nakoina.

I kakaitau bwa e reke au tai ni kaota au kakoaua nakon te aomata aio. I ataia bwa ngkai ti tei ibukin te bwai ae ti kakoaua, Tamara are i Karawa e na kakorakoraira ao man kakabwaiaira.

N te tai ae tawe, te burobetia e kanakoa ana kauntaeka—ti aki iaon au teititi ma iaon te Ana Boki Moomon. N taua baangiu n aron are I kona, I a kaoti au kakoaua n Ana Boki Moomon.