Ni kabutaa te Ekaretia
Mitiin n itutu a Karikirakea te Toronibwai
Ma ana anganano te Ekaretia ae 50 mitiin n itutu nako Fiji n ana tabo ni mwakuri ae te Ministry of Social Welfare n 2010 ao ana anganano ae na roko ibukin riki 50, toro ni bwai ao karekean mwakuri a rikirake ibukiia aine ake a maeka n aono ake a tuai rikirake i Fiji.
Aia anganano membwa n te Ekaretia nakon te mwane n ibuobuoki ni buokiia aomata aika kainnano e a kona te Ekaretia ni karekei kainnanoia ni kabuta te aonaaba ma karikirake n aron anganano ni mitiin n itutu. Taan tei n te Ekaretia a mwakuri ma taan kairiiri n te kaawa ao te tautaeka n ata aron te tabo ao ni karekei bwai ake a tangiri te botanaomata.
“Ti karaoa aio ao karikirake n aron aei ibukina bwa ngaira taan iirira Iesu Kristo,” Unimwaane Taniela B. Wakolo, te Kaitingaun n te Aono, e taekinna n te intawiu ma te Fiji Times. “Ara onimaki e kairiira nakon … karaoan ae tamaroa n te aonaaba.”
Kaain Japan a Karekea te Kaniwanga
N Nobembwa 9, 2010, aua te namakaina imwaain te mwaieie are e urubwai i Japan, Yoji Sugiyama, te membwa n te Titeiki i Fujisawa Japan, e karekea te Kaniwanga n te Karinan are i Nuuka ibukin ana mwakuri aika tamaroa nakon abana.
Ngkai te membwa n te Foreign Ministry ibukin ririki aika bati, te Tari Sugiyama e bon rangi ni korakora katabeana n taian marooro ibukin boraraoi imarenan abana ao aaba tabeua ao ni mwakuri bwa te tia tei ibukin Japan.
Te Tari Sugiyama e kinaa bwa te Uea e karekei nakoira ni kabane ma taai ae riai ni karaoi aika tamaroa inanon oin ara mwakuri nako. E taku, “Te Uea n tabetai e anganiira kangaanga bwa ti aonga ni kunea kainnanora. N akean bwaai aika a kainnanoaki akanne ao te tai ae riai ni kakaai katokaia aika tamaroa, mwaane a na aki karekea te waaki, ao n aki karekea te kimareirei inanon te aonaaba aio.”
Aomata Aika Itiaki ni Boong Aika Kaitira Rabwata n Ibuobuoki A Karekei Raan aika Itiaki
E kaania te birion aomata iaon te aba ae aki kona ni karekea te ran ae iitiaki, n taainako e karika aorakin te ran n aron te korera, te bekanako, ao te taaiboite. Man te ririki ae 2002, te Ekaretia e a tia ni buokiia itiua te mirion aomata n te mwaiti ae raka iaon 5,000 aomata ake a kona ni karekea te ran ae itiaki. Te witeo Water Is Happiness (Te Ran bon te Kakukurei), e tauraoi n te taetae n Imatang iaon news.lds.org, e kaota rongorongon ana Rabwata LDS n Ibuobuoki ni uota te ran ae itiaki nakon te kaawa i Sierra Leone.