Kairiko Nakon Mweengam
Te kabwarabwara man te maungatabu ni kabuta n Eberi 2010.
Tamara are i Karawa e tangiriia natina n tamnei n tatabemaniia nako n oki nakoina nakon mweengana. E anga Natina, Iesu Kristo, ni karaoa te kawai nakoira. E a tia naba ni katauraoiia taan kairiiri ao taan kamaiu ni buokiia natina inanon kawaia. Kaaro, taari mwaane, titita, tiibu, ai te tina ai te karo bon taan kairiiri ao taan kamaiu aika mwaaka.
Taan mwakuri n te Buraimwari a buokiia naba ataei ni kairiia. Temanna te aine, ngkai te kairake ngaia, boni kaain te baba n tararua ni kabuta ibukin te Buraimwari are e buoka karaoan te motoo n te RTE. E reireiniia kaain te Buraimwari n ana uoote ni karokoa are e a kaan koro 90 ana ririki ni maiu. Ataei aika uarereke a kona n namakina ana tangira ibukiia. Ni bwaai ni kabane, ibukin ana banna ni katotoo a reiakinaki bwa a namakina ao ni kinaa te Tamnei ae Raoiroi.
N te bakantaai teuana kainnabau te aine e kaira natira te mwaane ae te ikawai nakon mweengan te aine are e reireinna bwa e na wareware. N na riai ni butimwaia n okiu man te mwakuri.
E moantaai ni bane ana reirei nakon are ti kantaningaia. E bon onimakinna bwa e ataa te kawai n okira te mweenga. Ngaiare e a rianna. Imwiin nakona n te maan ae kaan reke te itera ni maaire (0.8 kiromiita), e nang moanna n airoo. E teimatoa n raroa nako man te mweenga.
Tauran taian kaa ngke a buti n rirarikina a bon taraa ni mabubu man raninmatana. E ataia bwa e kainnanoa buokana. Ngaiare e a kitana te kawai ao e a kunea te tabo ae e na katorobubua iai.
Rinanon te buakonikai e ongo bwanaa are a roko nakoina. Uoman aomata aika kairake a ongo bwanaana ngke e tang. A taku, “Ti kona ni buokiko?” E tuangiia bwa e bua ao e tangiria n oki nakon mweengana. A titirakinna ngkana e ataa nambwan ana tareboon ke ana aetureti. E aki ataia. A kairia nakon te tabo ae uakaan are a maeka iai. A kunea aran ara utu inanon te boki n tareboon.
Ngke e a reke au tareboon, I waekoa nakon te kamaiu, ni kakaaitau bwa aomata aika nanoanga a tia ni katauraoaki inanon kawaina n okira mweengana. Ao I atia ni n rangi ni kakaaitau ngkai e a tia n reireinaki bwa e na tataro ma te onimaki bwa e na roko te buoka arei ngkana e bua.
I kakoaua bwa te Uea e tangiriko ao natin te Atua n tatabemaniia nako. Ngkai ko irii kairiiri aika kairaki inanon aei, ana Ekaretia Iesu Kristo ae koaua, ko kona n nikiraki nakon mweengara iroun Tamara are i Karawa ao te Tia Kamaiu. ◼
Kabwarabwara n te korotamnei iroun by Jennifer Tolman; korotamnei iroun Robert Casey