Te Weewete
Te Uea e taku bwa e na kateaki te auti nakon Arana ni kakoaua bwa ti kakaonimaki inanon bwaai ni kabane are e tuangiira (taraa D&C 124:55).
“Isaac, Isaac.” Bon bwanaan tinana. “E kainnanoiko tamam n te oo.”
Isaac e euta atuna ao n taraa tinaniku man te wintoo. E kona n nooria bwa e a tei ieta taai, ao nanon anne bwa bon te tai ni karaoi taian tabe. E teirake mai aon ana kaniwene Isaac ao ni kuriia ana kabaraaki. E ongo tangitangia taian kao.
Ngke e otinako ni mataroan te umwanikuka, e noora Papa ni kaira old Taurus nakon te oo.
“Ko na moantaai n nako nakea, Papa?” E titiraki Isaac.
“N nako rarikin te oo. I kainnanoiko bwa ko na taua te bwaketi ni kurein bwa e aonga n tei Taurus n aki kakamwakuri.”
E bekorara te kao, n aron ae titiraki, “Tera ae na riki n te ingabong aei?” Ma ngke e taua te bwaketi iaan bwairina, e a rau Taurus ao ni moanna n newenewea te kurein n newena ae ananau. Ngke e amwarake te kao, Papa e kabaea tabon te roobu ni kamwaneauaa raoi nakon te oo.
Ngke e a otinako Mama man te mataroa are imoa, e titiraki Papa nakoina, “Iai au mwakuri ae onoti, Emeline. Ko kona n taiaoka n anganai te bentira ni kabentaa ae rababa man te teetike?”
Ngke e aoki Mama ma te bentira, e kawenei Papa kairababa iaontano. Ngkanne, imwiin kamwatauan taraan Taurus, e a moanna ni korotamnei iaon te kairababa ae baboboo ni maranran.
“Tera ae ko karaoia Papa?” E titiraki Isaac.
“Tari Fordham ao ngai tia tia n anganaki tibwangara ibukin te tembora,” E kabwarabwara Papa. “Ti na buoka karaoan 12 kao kaatibu ae a na taua te nei ni bwabetito. I korotamneia te baeten, ao Taurus bon au katotoo.”
Ongoraean arana, e tabeka atuuna Taurus, ao imwiina e okira ana kaingabong.
Isaac e matakuakina tamana ni korobannai rain aika rababa. “Anne e a moanna n taraaki bwa kanga aiaron taraan Taurus,” E taku Isaac. “Ma e aera ngkai ko rineia?”
“Ibukina ngkai e korakora ao te kao ae te kabanea n tamaroa ae I a tibwa nooria. Taraia bwa e kanga n tei? E taraa n ae ataa kakaawakina. E bon ongotaeka nabaTaurus.”
“Te mwakuri aei bon te nakoa ae onoti, Papa. Tiaki ngaia?”
“Eng, Natiu te mwaane, boni ngaia. I bon kakaaitau ngkai I bubutiaki bwa N na ibuobuoki.”
Isaac e torotoroba roroan Taurus. E kona n namakina ana mwatireti te kao aika marurunga. “Ai maia naba karineam anne,” e wirikiriki.
A tia taben Isaac n te tai ae waekoa. E karaoi naba uoua te tatin biin ni katinetine te kai n rangin baitii nakon ae taneiai iai. E ataia bwa ngkana e tia e na reke a na tai ni karaoa are e tangiria.
N te bong aei Isaac e tangiria ni korotamnei. Ana karo anganna te kariaiakaki ni korotamnei iaon te nne ni kanaiai are e kenaki iaotano, ni kabongana mwakoron mannang man kaai aika buee. E kai mauna te mannang, ao e kona ni kabongana ni karaoi rain aika rababa ke a irariki.
Ngkae e a korea tamneim Taurus Isaac, e iangoa tamana ao tamaroan te tembora are e kateaki i Nauvoo. Ngkana e korakora ao n ongeaba Isaac n aiaron Taurus, tao e na rineia te Uea bwa e na mwakuri iaon te tembora, n aiaron tamana.
Kabwarabwara n te Korotamnei Iroun Jim Madsen