Karokoan te Buraimwari n te Mweenga
Te Tembora Bon ana Auti te Atua
“Otenanti aika a tabu ao berita a tauraoi n te tembora ae tabu are e karekea aia tai tatabeman n oki nakon te Atua ao ibukiia utu bwa a na ikotaki n aki toki” (“Te Utu: Te Katanoata nakon te Aonaaba,” barakaraba 3).
Ko kona ni kamanena te reirei aei ao te waaki ni kakukurei n reireiniko riki ibukin ana boto n iango te Moanrinan ibukin te namwakaina aio.
E kanga ae ko namakinna ngkana ko noora tamaroan te tembora? A roko taeka aikai nakon am iango: “I tangiria n noora te tembora. N na nako ikekei n te bong teuana”?
N taai tabetai ngkana ataei anenea te anene “I I Tangiria n Noora te Tembora,”1 a iangoia bwa a na nakon te tembora n te bong teuana, ma aki ota bwa bukin tera ngkai iai taian tembora, tera are e riki inanon te tembora, ke tera are a riai ni karaoia bwa a na kona n roko inanona. Ti na kakae nako riki ibukin rongorongon te tembora.
Bukin tera ngkai iai tembora?
E taku te Uea, Te Uea e tuangiia aomata aika itiaki bwa a na katea te auti nakon arana ibukin te Kabanea n Rietata bwa e na maeka inanona (taraa D&C 124:27). Tamnein te Uea e maeka inanon Ana tembora. Te Tembora Bon ana Auti te Atua. Bon te tabo are ti karaoi iai ara berita aika tabu (ke berita) ma Tamara are i Karawa. Ngkana ti kawakin ara berita aika tabu, ti na kona ni manga maeka riki Mangaia.
Tera ae riki inanon te tembora?
Aomata n tatabemaniia nako a riai ni bwabetitoaki bwa aonga n oki nakon Tamara are i Karawa. Angiina mai ibuakoia natin Tamara are i Karawa a mate n aki bwabetitoaki. Ngkana e koro 12 am ririki, ko kona ni bwabetitoaki inanon te tembora ibukiia aomata akanne bwa aonga ni karekei kakabwaia aika ti te arona.
Inanon te tembora, ti karekea naba te entaumente, ke te bwaintangira. Te bwaintangira aei bon te berita bwa ngkana ti kaawakin tuua, ti kona ni karekea te maiu are akea tokina.
Inanon te tembora te buu te mwaane ao te buu te aine a kona ni kabaeaki bwa te utu ibukin ngkai ao n aki toki. E nanonaki n anne bwa ngkana a teimatoa n tau, a na mare n aki toki ao ni mena ma natiia bwa te utu ae akea tokina.
Bwaai ni kabane ake a karaoaki n te tembora e karaoaki man te nakoanibonga, ke te kariaia, mairoun te Atua.
N na kanga ni katauraoai n rin inanona n te bong teuana?
N rin inanon te tembora, e na riai n aki kee iaan 12 am ririki ni maiu. Ko na riai ni bwabetitoaki ao ni kamatoaki. Ko na riai ni kakoaua Tamara are i Karawa ao Natina, Iesu Kristo. Ko na riai ni kakoaua ana Ekaretia Iesu Kristo ibukiia Aomata aika Itiaki ni boong aika Kaitira. Ko na riai ni maiuakin ana tua Tamara are i Karawa. Am bitiobi ke am beretitenti n te mwaanga e na intawiu mangkoe ni kakoaua raoi bwa ko tau n rin inanaon te tembora, ao ko na karekea te rekomente nakon te tembora ni kaotia n te tembora. Ni karekean te rekomente nanona bwa ko namaiuakina te kawai are ko bon riai bwa aongo n rin inanona.
Ngkana ko tiku iaon te kawai are e na kairiko nakon te tembora, ko na bon tauraoi n nako ikekei “n namakina te Tamnei ae Raoiroi, ni kakauongo ao n tataro. Ibukin te tembora bon ana auti te Atua, te tabo n tangira ao e tamaroa.”2
Tamnein Bern Switzerland Tembora iroun Chris Wills; kabwarabwara n te korotamnei iroun Adam Koford