Nakon te Aonaaba ni Kabane
Kairake n Ikawai A Na Riki bwa te Roro ae te Kabanea ni Kakannato, e taku Unimwaane Perry
“I a tia n noora mwaakan te tamnei ae ingainga irouia kairake n ikawai inanon te Ekaretia aei,” e taku Unimwaane L. Tom Perry man te Kooram n Abotoro are Tengaun ma Uoman n tain te kanakobwanaa n ana fireside te Church Educational System ibukiia kairake n ikawai ni Maati 6, 2011. “I know your capacity.”
E anga reirei iaon aua bwaai aika a na buokiia kairake n ikawaki ni kakoroi bukin aia konabwai ao ni buokiia tabeman ni manga karekea aia onimaki inanon Kristo: tataro ni katoa bong, kamatebwai booki aika tabu ni katoa bong, te tau n te tembora, te mwakuri n ibuobuoki ni katoabong.
“Ngkami te roro are e a tia te Uea ni kamaiua ibukin te bong aio. … I kakaewenako nakoim bwa ko na riki bwa te roro ae te kabanea ni kakannato,’” e taku Unimwaane Perry.
Warekia, kakauongo nako iai, ke mataku n te kanakobwanaa inanon taeka aika bati i institute.lds.org. Taona CES Firesides, ngkanne rinea te taetae.
Te Euangkerio e Karekea te Kakukurei, Unimwaane Cook E Tuangiia Aomata Aika Itiaki i Atia
Man Beberuare 12 nakon 20, 2011, Unimwaane Quentin L. Cook man te Kooram n Abotoro are Tengaun ma Uoman e kawariia Aomata aika Itiaki i Korea ao Japan.
E anga reirei nakoia membwa i Seoul, Korea, bwa ti riai ni kakaaitau ibukin bwaai ake iai iroura nakon are ti na katurua iaon ake akea iroura. E kauringiia bwa te euangkerio e karekea te kakukurei, te kimareirei, ao te rau are ti bane ni kakaaea.
Unimwaane Cook e bootaki naba ma taan kareke rongorongo man nutibeeba aika bati ibukin te tetere n te titiraki ao kaekaaia.
Unimwaane Cook e kabanea ana tai n anga reirei, anga taeka ni kauring, ao e kaekai titiraki mairouia mitinare i Korea Daejeon Mition ao n iira te maungatabu n te nakoa ni kairiiri n te nakoanibonga ibukin te aono ni Mition i Korea Daejeon.
Kawarakina e toki iroun Unimwaane Cook n irakin te maungatabu n te titeiki are e karaoaki iroun te Cheongju Korea Titeiki, a na moantai te titeiki ni kawaraki iroun te Abotoro.
Unimwaane Cook e ira naba te maungatabu ni kairiiri irouia kaain te nakoanibonga i Kobe, Japan, ao te maungatabu i Okayama Japan Titeiki; e kawara te Meiji Shrine i Tokyo, Japan ma taan tei; ao e karaoa te kakawari ae kimototo nako Vietnam.
Te Tua e Kariaira bwa ti na Karokoira n Ara Konabwai, E Taku Unimwaane Christofferson
“Te Atua e anganiira tabera, Ana ataei, te tibwanga ao te tabe ni katei tuua ao aron tararuakin reitakiia ao aroaroia aomata,” e taku Unimwaane D. Todd Christofferson man te Kooram n Abotoro are Tengaun ma Uoman n ana taeka nakoia membwa n te J. Reuben Clark Law Society ni Beberuare 4. E taetae iaon ana mwakuri te tua are kariaia aomata ni karokoia n aia kabanea ni konabwai n te maiu aei ao are e imwiina.
Unimwaane Christofferson e kauringiia taan ongora bwa “ti aki kona ni karekea te kabanea ni motikitaeka ngkana ti kaokoroira ma Iesu Kristo,” ao bwa “te kabanea n tamaroa are ti kona ni karaoia ni buokiia tabeman ni karikiia tabeman bwa a na kona n riki nakon are riki nako iai bon man kairakiia nakon te Tia Kamaiu.” E kaota ana kakoaua man mwaakan te Tia Kamaiu ni kaetii kairua ao ni “karekei ibukin ara aki kororaoi ao n anga bukina aika tamaroa ibukira imatan te tua anne are e kariaira bwa ti na riki bwa taan tautaeka ma Ngaia n te maiu are akea tokina.” E motika ana koaua bwa e maiu Kristo.
Ao inanon naba te fireside, Unimwaane Christofferson e bon anganaki te kaniwanga ae te J. Reuben Clark Law Society Distinguished Service Award ibukin ana ibuobuoki nakon te rabakau n te tua.
Titita Beck e Katuruturua Taben te Bootaki n Aine inanon ana Babaire te Atua
Ana beretitenti ni kabuta te Bootaki n Aine ae Julie B. Beck e kaitibo ma e kaania 10,000 aine n te Bootaki n Aine ao taan kairiiri n te BYU–Idaho kaembati ni Beberuare 26, 2011, ni kakorakorai aia onimaki ao ni kaungaia inanon tabeia n te Bootaki n Aine ao n te babaire ni kamaiu.
Inanon te tetere ae kabuta ao te tetere n te kateneiai ibukin te nakoanikairiiri, Titita Beck e kaekai titiraki mairouia aine ao taan kairiiri n te nakoanibonga man titeiki aika e raka iaon 40 mai maiakimainiku Idaho, USA.
Titita Beck e kakoaua bwa te koraki ake irereke n ana mwakuri te Bootaki n Aine a kaawakina ana kantaninga te Uea n aia iango ao inanoia ao ni kakoroa bukin ana kantaninga ikai iaon te aba, a na kakabwaiaaki, ni kakorakoraki, ni kaitiakaki, ao ni kamaiuaki.
“Iai te bootaki are e kateaki iroun te Uea ni kakabwaiaia Natina aine,” e taku. “Te Uea e atai bwa antai ngkami ibukina bwa bon Ana mwakuri. E na kakorakorai ao ni karikirakei ngkami.”
Wareware riki iaon tera are e anga reirei iai Titita Beck ao mataku ni bwaai ake a karinaki n te witeo i news.lds.org. (Ni kauoua te witeo ao te koroboki a tauraoi tii n te taetae n Imatang.)
Inanon mwanangana nako Korea Maiaki, Unimwaane Quentin L. Cook e kauringiia Aomata aika Itiaki ni Boong aika Kaitira bwa te euangkerio e karekea te kimareirei ao te rau are ti kakaea. Raon tamnei a tauraoi i news.lds.org.
Korotamnei iroun geon woo jun