Man te Tabo ni Mwakuri n te Aro
Ana MAANGE Temanna Bon Kaubwain Temanna
Te boki ma manna aika koora iaon kunna e riki bwa te kaubwai ibukin temanna n ukoukoran te koaua.
Bon te tiamwa ae bane kabuebuena n au tai ni mitinare. Ngai ma toau ti tabe n nakonako iaon kawain nako St. Petersburg, Russia, mani kantaningaia bwa tina kuneia ara aomata aika boou. N te tairiki anne ngke ti kaitibo ma te mwaane ae a kara irarikin mweengara ao ti maroro mangaia. E ngae ngke akea nanona n te euangkerio, ti uaia n namakinna bwa ti na anganna katotoon ana Boki Moomon. Inanon te boki ti korea ara taeka ni katekeraoi ae tamaroa ibukina, ara koaua, ao ara tabo are tina reke iai.
Imwiina n te tairiki naba anne, ae aki ataaki iroura, te kairake n ataeinimwaane ae arana Ilya e otinako ma tarina. Ngke e tabe n nakonako n rinanon te kawai iantano ae karako otana, Ilya e noora raneanean kunin te boki ae koora iaontano. Ngke e titiku rikaaki ni kamwataua n taraia, e wareka taekana aika koora ni kanimwaki iaon te boki—Ana Boki Moomon: Kakoauan Taekan Iesu Kristo. E tabekia ao n uotia nakon mweengana.
N te bong are imwiina ngai ma toau ti iangoia raoi bwa ti na kanga ni karekeia taan tia kakaei aika boou. A kaoti iango inanou: “Ti a kataa ara kabanea n ukeuke ae matoatoa ibukin taai aika boou. Angaara mwiia? Tao ti kainnanoa te bitaki ni karaoan te bwai teuana.”
N te tai are imwiina e a tang te tareboon. I a tabeka te bwai n taetae. E titiraki te bwana n te itera are teuana, “Aio te unimwaane? I kunea am boki ae bua n te kawai n nakonako mai inano. I tangiria ni kaokia.”
I waekoa n taraa nnen taian boki n te tabo are a toka iai au boki aika tabu. “I taku bwa a aki bua au boki aika tabu n te kawai are iantano.” I kaeka. “Tiaki, e aki bua katotoon ana Boki Moomon, ma ko kona ni bwaina ao ni warekia.”
E taku te kairake n ataeinimwaane arei bwa arana Ilya ao e kabwarabwara bwa ngaia kaain Orsk, Russia, ao e roko nako St. Petersburg bwa e na mwakuri.
“I tangiria n reiakina riki ae bati n rongorongon te boki aei ao am aro,” e taku. “I kona ni kaitibo ma ngkoe?”
I kibarake ma te kukurei. Bon tiaki ni katoa bong bwa taan kakaei a na wewete ni bubuti ibukin bairean te tai ni kaitibo ibukin reiakinan taekan te Ekaretia.
“Eng ti kona ni kaitibo ma, Ilya!” I kaeka ma te kimwareirei.
Ngke tia kaitibo ma Ilya, e kakauongo raoi ao n taekin taian titiraki. Ti boni kukurei bwa e bane nanona nakon te euangkerio.
N te taina inanon tain te reirei, I kauka katotoon ana boki Ilya n ana Boki Moomon. Ngke I rairia nakon iteraniba aika uki, I a noori tabeua tabonnibai aika a kinaaki irou—tabonibaiu! I nooria bwa bon titebo ma te boki are ti angan te unimwaane ae a kara n te bong are mai imwaaina. Ni koauana te mwaane anne e a tia ni karenakoa te boki, are e a kuneaki imwiina iroun Ilya. I boni kaonaki ma te kakaitau ngkai bwa ngai ma toau tia tia n rineia bwa ti na katuka te boki iroun te unimwaane, e ngae ngke n te tai anne tiaki ataia bwa tera bukina.
E aki maan imwaain ae e rineia Ilya bwa e na kaaina te Ekaretia. E moanna n anganano bwa e na tibwa rongorongon te euangkerio ma ana utu ao raoraona naba.
I a tia n reiakinna bwa Tamara are i Karawa e ataa te aomata are e a tauraoi ni karekea Ana taeka. E kantaningaira, ngkai mitinare ao membwa n Ana Ekaretia, tiaki tii ni kakoroan nanon Ana tua ao ni kabaeaki nakon Ana kantaninga ngkai ti ukeuke n tibwaakin te euangkerio. N te keiti aei te Atua e ataa anne e ngae ngke te tia bwaibwai are te moan n ana Boki Moomon e kakea bonganana, Ilya e aki (taraa 1 Nibwaai 19:7).
Kabwarabwara iroun Allan Garns